TROISIÈME PARTIE. — CHRONIQUE GÉNÉRALE
Bauduin tint là conté de Flandres après son pere. Et l’aultre fils eult nom Robert. À celuy maisné avoit le pere donné du sien moult grandement ; et luy, avoit juré, oyant les barons de Flandres, qu’il ne demanderoit jamès riens à la conté, fors que par la volenté de son frere. Et pour ceste cause s’en alla cestuy Robert en Frise au conte Flourent, qui le rechupt moult honnourablement. Ung peu après morut le conte Flourent; et Robert print à femme la contesse de Frise. Elle avoit une fille du conte Flourent ; que le roy Philippe de ” France eult puis à femme. Et pour ce que ce Robert demoura grant tamps en Frise, fut-il sournommé Robert le Frison. Le conte Bauduin , son aisné frere, eult à femme Ricault, contesse de Haynau. Sy en eult deux fils : Ernoul et Bauduin.
Le conte Bauduin de Flandres, frere de Robert-le-Frison, enffant de Bauduin de Lille, fut sy redoubté que nul n’osoit porter armures en sa terre; et ne clooit nul des manans dessoubs le sien, wis' pour paour des larons. Le conte Bauduin morut à Audenarde par malladie l’an de grace 1070 ans. Il avoit Ernoul son sisné. fils, assené à la conté de Flandres, et Bauduin le maisné à la conté de Haynau; et avoit fait faire serment aux hommes de Flandres et de Haynau, qu'ils tenroient celle assignacion après sa mort.
H. 80.— De Robert-le-Frison, frere au comte Bauduin de Flandres.
Quant Robert-le-Frison sceult la mort du conte Bauduin son frere, il alla en Flandres et attrayt pluseurs barons de la terre à son acord, car il avoit esperance et volenté de retenir la conté à son nepyeu Ernoul, pour ce qu'il estoit moult josne. Et tost après alla Ernoul, l’aisné fils du conte, au roy Philippe de France son cousin qui le fit chevallier, et puis revint en Flandres pour maintenir la conté. Mais Robertle-Frison son oncle luy fut du tout à l’encontre, et saisy la ville de Gand et print Cassel.
H. 81. — Comment Robert-le-Frison saisy la conté de Flandres contre la contesse Ricaut de Mons et ses enffans.
Quant le conte Ernoul et Ricaut la contesse de Haynau sa mere virent ce, ils envoyerent au roy Philippe de France luy requerre qu'il venist en Flandres atout grant compegnie de
* Huis, porte.
gens. Et quant le roy eust appresté son ost, se mist sur les champs, tenant chemin vers Cassel. Et quant ils approcherent du mont de Cassel, Robert-le-Frison , qui bien s’estoit pourveu de gens, leur vint à l'encontre. Sy commencha la bataille pesante et dure, et dura longuement. Sy y en eult moult d’ochis d’une part et d'aultre. Les gens Robert-le-Frison prinrent la contesse Ricaut en bataille, et les Haynuyers prinrent Robert-le-Frison. Sy furent delivrés l’ung pour l’autre. Mais Robertle-Frison rassambla puis grans gens et r’eult bataille contre le conte Ernoul de Flandres et ses gens , et contre le roy Philippe de France qui estoit en son ayde. Sy fut le conte Ernoul ochis et ses gens tournés à desconfiture. Le roy en fut moult yrés. Sy se tira sur la mer, et la contesse Ricaut et Bauduin son maisné fils se retrairenten Haynault; et Robert-le-Frison, qui le champ avoit gaingniet, alla parmy Flandres prenant et saisissant les villes et les chasteaux; et n’aresta jusques à ce qu'il eult toute la terre en sa saisine.
H. 82. — Comment le roy Philippe de France assiega Saint- Omer, et comment il fut levés du siege par malice.
Quant le roy Philippe de France fut venus à Monstroeul, après celle desconfiture qui fut à Cassel, il envoia en France et fit assambler grant ost. Sy alla devant Saint-Omer et l’assiega. Il ardit les fourbours. Mais ainsy qu'il esloit en ce siege, Fouques, l’evesque de Paris, qui estoit frere du conte de Boullongne, qui Wilasse avoit ànom, manda à Robert-le-Frison que, s’il luy voloit donner la forest d'Esprelecque , il feroit le roy lever du siege et raller en France. Robert luy ottroia volontiers. Et adont manda l’evesque privéement au roy Philippe, qu’il estoit trays s’il ne s’en alloit. Le roy cuida que ce fust voir. Sy se party du siege et s’en ralla en France. Et par ceste maniere eult l'evesque Foucques de Paris la forest d’'Esprelecques ; et après sa mort la laissa au conte de Boullongne son frere.
T1. 83. — Comment la conté de Haynau vint à l’omage de l'evesque du Liege.
La contesse Ricaut et Bauduin son fils, entre tant que ces choses cy-dessus dites se faisoient, firent alliance à Theodolum, evesque du Liege, et retindrent de luy Haynault en homage. Sy assamblerent grant ost par l'ayde dudit eves-
tv
que, et eurent pluseurs batailles audit Robertle-Frison. El dura la gucrre longuement, au domage de l’une partie et de l’autre. El entre les autres batailles en y eult une vers Broqueroie où Robert-le-['rison mist à mort grant nombre de gens. Et encore a le lieu pour celle occasion, nom Mortaie ou Morte-Haye, selon aucuns. Et puis fit Robert grant fortresse à Wauvrechin sur l’Escaull; mais la contesse Ricaut et Bauduin son fils la firent abatre. Et y eull ochis grant plenté de ceulx que Robert y avoit mis en garnison...
H. 84. — Comment la ville de Douay vint à l’omage de Flandres, et comment l’abbaye d’Anchin fut estorée.
En la fin du discord de Robert-le-Frison, de la contesse Ricaut et de son fils Bauduin, fut la paix faite entre eulx, en tele maniere, que le conte Bauduin de Haynault deubt prendre à femme une niepce du conte Robert-le-Frison.
Et de ce à tenir mist le conte Bauduin la ville de Douay en gaige, qui esloit adont de Haynault et de l'Ostrevant. Mais quant le conte Bauduin vid la damoiselle, elle lui sambla sy laide qu'il dit qu'il ne l’aroit jà. Et pour ceste cause relint le conte Robert-le-Frison la ville de Douay, ne oncques puis n’en furent les contes de Haynault saisis.
En ce tamps avoit ung chevalier en Artois qui avoit nom Sohier de Loo!, et esloit seigneur de Courcelles dalez Douay. Celuy Sohier avoit grant guerre à monseigneur Gaullier de Monüigny en Ostrevant. Ung jour yssy monseigneur Sohier de sa maison pour une besongne. Ses -&ens chevauchoient devant, et il cheyauchoit derriere moult pensant. Une bruine leva. Sy
se fourvoia. El entra en ung bois. Et chevaucha :
jusques à la ouit, tant qu'il vint en ung lieu qu'on appelle maintenant le Warde - Saint- Remy, et 1 vid lumicre de feu. Sy alla celle part, tant qu'il vint à la porte d'une maison. Il requist le portier qu’il le laissast ens. Le portier luy ouvry la porte et alla noncher f son seigneur que laiens avoit ung chevalier descendu tout seul. Le sire l’envoia querre à deux varlets, l’ung pour prendre son cheval, et l'autre pour l’amener en la salle. Et ne se doubtoit ne ne sçavoil mye monseigneur Sohier que
. % Ha déjà raconté cette aventure mot pour mot dans Ja première partie de ses Chroniques (pages 616 et 617)
ainsi que les faits contenus dans les deux alinéas pré- À
cédens et les deux suivans.
‘CHRONIQUES DE FLANDRES
ce fust la maison monseigneur Gaultier de Montigny en qui il estoit descendu. Et quant monseigneur Gaullier vid monseigneur Sohier, il salit sus ct dit que bien fust-il venus. Après l'avisa lant qu'il le congnut, et monseigneur Sohier luy. Sy furent moull esbahis. Mais monseigneur Gaullier luy dit : «Sire, vous estes » embalus en mon ostel, et je vous ay salué.
» Sachiez que vous n’arez anuit garde de moy » ne d’aultruy ; et demain vous feray conduire » hors de ma terre. Et puis demain vous gardez » de moy.» Puis le print par la main, et s'asstrent eulx deux à la table. Monseigneur Sohier luy conta comment il s’estoit fourvoiet. Et quant is eurent mengiet, ils allerent coucher. Au matin se leverent. Monseigneur Gaultier demanda à monseigneur Sohier comment il avoil la nuit dormy, et il respondy qu'il avoit esté moult travillet de songe; car il avoit songié qu'il estoit en une ysle près de là, et ung blanc cerf luy tiroit les boyaux hors et les trainoit tout entour l'isle. « Certes, dit monseci- » gneur Gaukier, tout ainsy m'’est-il advenu. » Dont s’acorderent qu'ils yroient vers cel yslet. El tantost qu'ils y vinrent, ils trouvèrent ung blanc cerf qui alloit tout entour cel yslet. Lors dit monseigneur Sohier à monseigneur Gaullier : « Sire, nous avons eu guerre longuement » ensamble, de quoy pluseurs de nos amis ont » esté ochts. I! me semble que Nostre-Seigneur » nous amorieste que nous en faisons penitence » en cel yslet. Et si vous y volez demorer, je vous » y lenray compaignie. » Monseigneur Gaultier s’y consen£y volenliers. Puis revinrent les deux chevaliers ensamble et manderent leurs amis.
Sy firent paix. Aucuns de leurs amis demourerent avec eulx. Sy estorerent! une religion; et firent ung abbé, par l’assens Gerard, evesque de Cambray, qui fut pris en l’abbaye de Hanon, et eull nom Allard.
Monseigneur Sohier donna à l’église Loo et Courcelles, et monseigneur Gaultier de Montigny y donna la ville de Pesquencourt. Et puis s’y rendirent pluseurs chevaliers et genlls hommes qui y donnerent grans terres. 1ls nommerent l’abbaye Anchin.
Aïnsy et par tel maniere et miracle commencha l’abie d’Anchin, l'an de grace 1078, le darain jour de novembre.
‘ ! Fondèrest nà ordre religieux.
