CHAPITRE XLIV

Comment le roy Charles fut courroucé de la mort du duc,

Quand messire Bertrand sceut la mort du duc, en luy n’eut que courroucer. Et de ceste desconfiture ala briefvement nouvelles au roi Charles, qui tant grant dueil en demena, pour l'amour du duc qui son germain estoit, que riens n'esloit qui reconforter le pust ; et après les regrès que il faisoit de son cousin, regretoit messire Bertrand et la chevalerie de France.

Après la bataille, se rendirent ceulx de la ville et du chastel d’Aulray au conte qui dedens entra. El illec festoya la chevalerie anglesche, qui en brief terme prindrent de luy congié , et en Guienne alerent par devers le prince de Galles, et leurs prisonniers françoys et bretons emmenerent avec eulx.