CHAPITRE LVI

Comment Bertrand se appareilla pour aller contre Sarrazins.

Voir est que, au lemps où messire Bertrand faisoit son armée pour aler en Grenade contre Sarrazins, regnoit en Espaigne Pietre ‘ le ror, fils d’Alphonse roi d’Espaigne, qui puissammenl regna en ses jours. Icelluy Pietre eut éspousée Blanche, seur du duc de Bourbon et de la royne de France. Celle royne Blanche d'Espaigne fut moult vaillante dame et desaincte vie; mais compte n'en tint le roy Pietre qui pou la véoit, ainçois tenoit Juifves et Sarrazihes ses concubines ; et de mauvaise créance fut en la foy ; et tant se gouverna par Juifs et Sarrazins tant de son hostel comme de ses villes et chasteaux, dont les princes et barons de son pays le prinrent à enhayr, et mesmement de ses faits le blasmerent bien. Et prindrent Henry son frère, conte de Tristemart*, qui chevalier fut de granl emprinse, preud'omme et plein de grant vaillance, et de Pietre esloit ains-né ; maïs à Pietre fut la coronne donnée, comme vous orrez Cy après.