CHAPITRE LVIII

Comme Pictre manda au roy d'Arragon qu’il lui venist fairo hommage de sa terre.

Après ce que Pietre eut son frere banny, il regna en grant orgueil. Et en l’an de l'Incar- ” nacion mil trois cens soixante quatre, il envoya ambassadeurs par devers le roy d’Arragon lui signifier que de la couronne d’Espaigne estoient lenus el dependans les royaulmes d’Arragon ct de Maillorgue, en luy faisant commandementque, au quarantiesme jour ensuivant, il fust au palais royal de Burgues, pour les hommaiges d’iceulx royaulmes d’Arragon et de Maillorgue faire au dit roy Pietre; et bien sceust que, si en defaut en estoit , il entreroit en sa terre à bricf jour.

Pour ces nouvelles fut le roy d’Arragon en graut esmay * ; mais semblant n’en fit, ainçois debonnairement receut les ambassadeurs et

1 Toléde.

8 Néchromantie.

3 Pierre dit le Cérémontieux.

4 Blamont.

5 Mayorque.

6 Crainte.

leur dit que, se Pietre guerréoit à nul prince vivant, qu’il esloit prest d’aller à son secours ; mais, quant à l’ommaige , il ne trouvoit point en son conseil que de son royaulme eussent oncques fait ses predeccsseurs aux roys d'Espaigne hommage ; eL.en droit soy, toute aultre chose estoit prest de faire pour Pietre le roy, son honneur gardant, el sans la seigneurie de sa couronne abaisser.