CHAPITRE LXV

Comment laroyne fut plourée du peuple d’Espaigne, et des miracles que elle fist.

Et advint que, en portant la royne enterrer, accouroient les povres que en sa vie elle soustenoit, qui grant dueil demenoient, disant :

« Las! or nous est le soustenement de nos » povres vies defailly. » Et luy baisoyent les piés. Là avoit ung aveugle et deux ladres qui, tantost que de la royne eurent baisé les piés, furent garis par la voulonté Nostre-Seigneur. De ces miracles courut tost la renommée par la terre d'Espaigne. Et de toutes pars se faisoyent malades apporter à la sepulture, et d'illec retournoyent en santé.