LIVRE CINQUIEME

donné à connoistre ce que l'argent vaut ; car les victoires et estimations en quoy le roy les mit dès-lors, et les biens qu'il leur a faits, leur ont fait recouvrer infini argent. Chacun ambassadeur des leurs, qui vint vers le roy à ce commencement, eut grands dons de luy, en argent ou en vaisselle. Et par ce moyen les contentoit de ce qu'il ne s’estoit déclaré pour eux; et les renvoyoit les bourses pleines, et revestus de draps de soye. Et se prit à leur promettre pension, qu’il paya bien depuis; mais il vit la seconde bataille avant ; et leur promit quarante mille florins de Rhin, tous les ans ; les vingt mille pour les villes, et les autres vingt mille pour les particuliers, qui auraient le gouvernement desdites villes. Et ne pense point. mentir de dire que, je croy que depuis la première bataille de Granson jusques au trespas du roy nostre dit maistre, lesdites villes et particuliers desdits Suisses ontamendé de nostre roy d’un million de florins de Rhin. Et n’entends de villes que qua- (re : Berne, Lucerne, Fribourg, Zurich, et leurs cantons x qui sont leurs montagnes. Suisse en est un, qui n’est qu’un village. J'en ay vu de ce village un, estant ambassadeur, avec autres, en bien humble habillement, qui néanmoins disoit , comme les autres , son advis.

Glaris, Soleurre et Underwald s'appellent les autres cantons.