SIXIÈME

cheroit de nuict, jusques à ce que la porte fust ouverte le matin. 11 luy sembloit d'avantage que ses subjets estoient un peu chatouilleux à entreprendre sur son auctorité, quandiisen ver roient le temps. A la vérité , il fut quelques paroles entre aucuns d’entrer en ce Plessis, et dépescher les choses, selon leur advis, pource que riens ne se dépeschoit; mais ils ne l’osèrent entreprendre, dont ils firent sagement; car il y avoit bien pourvu. Il changeoit souvent de valet-de-chambre et de toutes autres gens, disant que la crainte de luy et l'estime seroient entretenues, par faire ainsi choses nouvelles. Pour compagnie tenoit léans un homme ou deux, auprès de luy, gens de pelite condition, et assez mal renommés, et à qui il pouvoit bien sembler, s'ils estoient sages, qu'incontinent qu’il seroit mort, ils seroient désapointés de toutes choses, pour le mieux qui leur en sçauroit advenir; et ainsi leur en advint. Ceux-là ne luy rapportoient riens de quelque chose qu'on leur escrivit ni mandast, de quelques affaires que ce fut, s’il ne touchoit à la préservation de l’estat et deffence du royaume, car de toute autre chose il ne luy en chaloit que d’estre en trève ou en paix avec chacun. À son médecin donnoit tous les mois dix mille escus, qui en cinq mois en reçut cinquante quatre mille. De terrres donna grande quantité aux églises; mais ce don de Lerres n'a point tenu ; aussi il y en avoit trop.