CHAPITRE VII

Comment le roÿ parlit de la ville de Pise, pour aller à Florence, et de la fuite et ruine de Pierre de Médicis,

Le roy se partit de là et y séjourna peu, et tira vers Florence, ct là on luy remonstra le tort qu'il avoit fait auxdits Florentins, et que c'estoit contre sa promesse d’avoir donné liberté aux Pisans. Ceux qu'il commist à respondre de celte matière, excusans la chose, dirent qu’il ne l’avoit point entendu , et n’entendoit un autre appointement, dont je parleray, mais qu'un peu j’aye dit la conclusion de Pierre de Médicis, el aussi de l'entrée du roy en ladite cité de Florence, et comme il laissa garnison dedans la cité de Pise, et autres places qu'on luy avoit prestées. Ledit Pierre, après avoir fait bailler au roy les places, dont j’ay

retourna en la cité pensant que leroy ne les tint point; ains que, dès qu'il partiroit de Pise où il n’auroit affaire que trois ou quatre jours, la leur rendroit. Bien crois-je que, s’il eust voulu faire son hyver, qu’ils l’eussent consenty, combien que Pise leur est plus grande chose que Florence propre, sauf les corps et les meubles. Arrivé que füust ledit Pierre à Florence, tout homme luy fit mauvais visage, et non sans cause; car il les avoit dessaisis de toute leur force et puissance, et de tout ce qu’ils avoient conquis en cent ans; et sembloit que leur cœur senlit les maux qui depuis leur sont advenus. Et tant pour celte cause, que je crois la principale , combien qu'ils ne l’avoient jamais dit, que pour hayne qu'ils luy portoient, que j’ay desclarée, et pour relourner en liberté dont ils se cuidoient forclos, et sans avoir mémoire des bienfaits de Cosme et de Laurens de Médicis ses prédécesseurs, deslibérèrent de chasser de la ville ledit Pierre de Médicis. Lequel Pierre, sans le sçavoir, mais bien estoit en doute, va vers le palais pour parler de l’arrivée du roy (qui encore estoit à trois mille près), et avoit sa garde accoustumée avec luy, et vint heurter à la porte dudit palais, laquelle luy fust refusée par un de ceux de Nerly (qui estoient plusieurs frères que j’ay bien connus, et le père, très-riches), disant qu’il y entreroit luy seul s’il vouloit, ou autrement non; et estoit armé celuy qui faisoit ce refus. Incontinent retourna ledit Pierre à sa maison, et s’arma luy et ses serviteurs ; et fit advertir un appelé Paul Ursin qui estoit à la soulde des Florentins (car ledit Pierre, de par sa mère, estoit des Ursins, et tousjours le père et luy en avoient entretenu aucuns de la maison à leur soulde); et deslibéra de résister aux partisans de la ville; mais tantost on ouyt crier Liberté! Liberté! Et vint le peuple en armes; et ainsi partit ledit Pierre de la ville, comme bien conseillé, à l’ayde dudit Paul Ursin ; qui fut une piteuse départie pour luy; car en puissance et en biens, il avoit esté quasy égal aux grands princes, et luy et ses prédécesseurs, depuis Cosme de Médicis qui fust le chef; et ce jour se mit à luy courre sus fortune, et perdit honneur et biens. J’estois à Venise, et par l'ambassadeur Florentin estant là je sçus ces

nouvelles qui bien me desplurent; car j’avois aimé le père, et s’il m’eust voulu croire il neluy fut point ainsi mesadvenu; car, sur l'heure que j’arrivai à Venise, luy escrivis, et offris d’appointer ; car j’en avois le pouvoir de bouche du séneschal de Beaucaire et du général.

Et eust esté content le roy du passage, ou à pis venir d’avoir Ligorne entre ses mains, et faire toutes choses que Pierre ! eust sçu demander. Mais il me respondit, comme par mocquerie, par le moyen du sire Pierre que j’ay nommé ailleurs. Ledit ambassadeur porta le lendemain lettre à la seigneurie, contenant comment il avoit esté chassé, parce qu'il se vouloit faire seigneur de la ville par le moyen de la maison d'Aragon et des Ursins, et assez autres charges qui n’estoient point vraies. Mais telles sont les adyentures du monde, que celuy qui fuit et perd ne trouve point seulement qui le chasse, mais ses amys se tournent ses ennemys, comme fist cet ambassadeur nommé Paul Antoine Soderin, qui estoit des sages hommes qui fussent en Italie. Le jour de devant m'’avoit parlé dudit Pierre comme s’il fust son seigneur naturel, et à cette heure se déclara son ennemy par commandement de la Seigneurie ; mais de soy ne faisoit aucune déclaration. Le jour après, je sçus comment ledit Pierre venoit à Venise,et comme le roy estoit entré en grand triomphe à Florence. Et mandoient audit ambassadeur qu'il prist congé de ladite Secigneurie, et qu'il s’en retournast, et qu'il falloit qu'il nayiguast avec ce vent, et vis la lettre; car il me la monstra et s’en partit. Deux jours aprés vint ledit Pierre en pourpoint, ou avec la robbe d’un valet; et en grande doute le reçurent à Venise, tant craignoient de desplaire au roy. Toutesfois ils ne le pouvoient refuser par raison; et désiroient bien sentir de moy que le roy en disoit; et demoura deux jours hors de la ville. Je désirois luy ayder, et n’avois cu nulle lettre du roy contre luy ; et dis que je croyois sa fuite avoir esté pour crainte du peuple, et non point de celle du roy. Ainsi il vint; et l’allay voir le lendemain qu'iteust parlé à la Seigneurie qui le fit bien loger; et luy permirent de porter armes par la ville, et à quinze ou vingt serviteurs qu'il avoit ; c'est à sçavoir

{ Pierre de Médicis.

MEMOIRES DE P. DE COMMINES

espées, et luy firent très-grand honneur, combien que Cosme, dont j’ay parlé, les garde autrefois d’avoir à Milan; nonobstant cels ils l’'eurent en remembrance pour l'honneur de sa maison qui avoit esté en si grand triomphe et renommée par toute la chrestienté. Quand je le vis, me sembla bien qu'il n’estoit point horune pourrespondre. Il me conta aulong sa fortune, el à mon pouvoir le reconfortay. Entre autres choses il me conta comme ilavoit perdu le tout, etentreses autres malheurs qu’un sien facteur, estant en la ville, vers qui il avoit envoyé pour avoir des draps pour son frère et luy, pour cent ducats seulement, les luy avoit refusés ; qui estoit grande chose, vu son estat et auctorilé; car soixante ans avoit duré l’auctorité de cette maison, si grande que plus ne pouvait. Tost après il eust nouvelles par le mceyen de monseigneur de Bresse, depuis duc de Savoye; et luy escrivoit le ray aller devers lur ; mais jà estoit le dit seigneur party de Florence, comine je diray à cetle heure. Un peu m'a fallu parler de ce Pierre de Médicis.