CHAPITRE III

Comment le roy retint en ses mains la ville de Pise, et quelques autres places des Florentins, pendant que monsieur d'Orléans, d'un autre costé, entra dedans Noyarre en lc duche de Milan.

Comme j’ay dit, le roy estoit entré à Pise; et alors les Pisans , hommes et femmes, priè- . rent à leurs hostes que pour Dieu ils tinssent la main envers le roy, qu'ils ne fussent remis soubs la tyrannie des Florentins, qui, à la vérité, les traictoient fort mal; mais ainsi sont maintes autres cités en Italie, qui sont subjettes à autres. Puis Pise et Florence avoient esté trois cens ans ennemies, avant que les Florentins la conquissent. Ces paroles en larines faisoient pitié à nos gens. Et oubliérent les promesses et sermens que le roy avoit faits sur l’autel Sainct-Jean à Florence. Et toutes sortes de gens s’en mesloient, jusques aux archers et aux Suisses ; et menaçoient ceux qu’ils pensoient vouloir que le roy tint sa promesse, comme le cardinal Sainct-Malo, lequel allleurs j’ay appelé général de Languedoc.

J'ouys un archer qui le menaça. Aussi en y eut-il qui dirent de grosses paroles au mareschal de Gié. Le président Gannay fut plus de trois jours qu’il n’osoil coucher à son logis. Et sur tous tenoit la main à cecy le comte de Ligny. Et venoient lesdits Pisans à grandes pleurs devers le roy; et faisoient pitié à chacun, qui par raison les eust pu ayder. Un jour, après disner, s’assemblèrent quarante ou cinquante gentils-hommes de sa maison, portans leur hache au col; et vindrent trouver le roy en une chambre, jouant aux tables avec monseigneur de Piennes, et un valet de chambre ou deux , et plus n’estoient. Et porta la parole un des enfans de Sallezard l’aisné, en faveur des Pisans, chargeant aucuns de ceux que je nommois naguères. Et tous disoient qu'ils le trahiroient ; mais bien vertueusement Les ren-

MEMOIRES DE P. DE COMMINES

voya le roy ; et autre chose n’en fut oncques depuis.

Bien six ou sept jours perdit le roy son temps en la ville de Pise; et puis mua la garnison; et miten la citadelle un appelé Entragues!, homme bien mal conditionné, serviteur du duc d'Orléans; et le luy adressa monscigneur de Ligny; et y fut laissé des gens-de-pié de Berry. Ledit seigneur d’Entragues fit tant, qu’il eut encore entre ses mains Pietre-Sancte (et croy qu'il en baïlla argent) et une autre place auprès appelée Mortron. Il en eut une autre aussi, appelée Librefacto, près de la ville de Luques. Le chasteau de la ville de Serzane, qui est très-fort, fut mis par le moyen dudit comte monseigneur de Ligny, entreles mains d’un bastard de Roussi, serviteur dudit comte. Un autre appelée Serzanelle , entre les pro pres mains d’un de ses autres servileurs. Et laissa le roy de France beaucoup de gens aux : dites places; et si n’en aura jamais tant à faire. Et refusa l’ayde des Florentins, et l’offre dont j'ay parlé. Et demourèrent ces Florentins comme gens déscspérés. Et si avois sçu, dès devant qu’il partist de Sienne , comme le duc d'Orléans avoit pris la cité de Novarre sur le duc de Milan; par quoy le roy voyoit estre certaia que les Vénitiens se déclaroient, vu que de par eux luy avoit estè dit que s’il faisoit la guerre audit duc de Milan, ils luy donneroient tout ayde, à cause de la ligue nouvellement faite ; et avoient leurs gens presls, et en grand nombre. Et faut entendre que quand la ligue fut conclue, que le duc de Milan cuidoit prendre Ast, et n’y pensoit trouver personne; mais mes lettres, dont j’ay parlé, avoient bien aydé à avancer des gens que le duc de Bourbon y envoya. Et les premiers qui y vindrent, furent environ quarante lances de la compaignie du mareschal de Gié, qui estoient demourés en France (et ceux-là y vindrent bien à poinct) et cinq cens hommesde-pié, qu'y envoya le marquis de Saluce.

Cecy arresta les gens du duc de Milan, que menoit messire Galéas de Sainct-Severin; et se logèrent à Nove, qui est un chasteau que le duc de Milan a à deux milles d’Ast. Peu après

1 Ruffec de Balzac, seigneur d’Entragues et de Depes.

arrivérent trois cens cinquante hommes d’armes, et des gentils-hommes du Dauphiné, et quelques deux mille Suisses, et des francs-archiers dudit Dauphiné; et estoient en tout bien sept mille cinq cens hommes payés, .qui mirent beaucoup à venir, et ne servirent de riens à l’intention pour laquelle ils avoient eslé mandés, qui estoit pour secourir le roy; car en lieu de secourir le roy, il les falut aller secourir. Et avoit esté escrit à monseigneur d'Orléans, et aux cappitaines, qu'ils n’entreprissent riens contre le duc de Milan, maissculement entendissent à garder Ast, et à venir au-devant du ro’, jusques sur la rivière du Thésin, pour luy ayder à passer; car 1l n'avoit aucune autre rivière qui l'empeschast. Et faut entendre que ledit duc d'Orléans n’estoit point passé Ast, et l’y avoit le roy laissé. Toutesfois, nonobstant ce que le roy luy avoit cscrit, luy vint cette pratique si friande , que de luy bailler cette cité de Noyarre (qui est à dix lieues de Milan); et y fut reçu à grande joye, tant des Guelphes que des Gibclins; et luy ayda bien à conduire ceste œuvre la marquise de Montferrat. Le chasteau tint deux jours ou trois; mais si cependant il fust allé, ou envoyé devant Milan, où il avoit pratiqué assez, il y eust esté reçu à bien plus grande joye qu’il ne fut onques en son chasteau de Blois, comme le m’ont conté des plus grands de la duché ; et le pouyoit faire sans danger, les trois jours premiers , parce que les gens du duc de Milan estoient encore à Nove, près Ast, quand Novarre fut pris, qui ne vindrent de quatre jours après ; mais peut-estre qu’il ne croyoit point les nouvelles qu’il en avoit.