CHAPITRE XIX

Comment le saint homme frère Hieronyme fut bruslé à Florence, par envie qu'on eut sur lui, lant du costé du pape, que de plusieurs autres Florentins et Vénitiens.

J’ay dit, en quelque endroict de cette matière d'Italie, comme il y avoit un frère prescheur ou jacobin ayant demouré à Florence, par l’espace de quinze ans, renommé de fort saincle vie (lequel je vis et parlay à luy, en

j Yan mil quatre cens quatre vingt et quinze) appelé frère Hiéronyme !, qui a dit beaucoup de choses avant qu’elles fussent adyenues, comme j’ay desjà dit cy-dessus, et tousjours

# Girolamo Sayonarola.

avoit soustenu que le roy passeroit les monts ; et le prescha publiquement, disant l'avoir par révélation de Dieu, tant cela qu’autres choses dont il parloit; et disoit que le roy estoit eslu de Dieu pour réformer l'Eglise par force, et chastier les tyrans. Et à cause de ce qu'il disoit sçavoir les choses par révélation, murmuroient plusieurs contre luy; el acquit la hayne du pape, et de plusieurs de la ville de Florence. Sa vie estoit la plus belle du monde, ainsi qu’il se pouvoit voir, et ses sermons, preschant contre les vices ; et a reduit en icelle cité maintes gens à bien vivre, comme j’ay dit. En ce temps mil quatre cens quatre vingt et dix-huit, que le roy Charles est trespassé, est finy, aussi frère Hiéronyme , à quatre ou cinq jours l’un de l’autre; et vousdiray pourquoy je fâis ce conte. Il a tousjours presché publiquement que le roy relourneroit derechef en Italie pour accomplir cette commission que Dieu luy avoit donnée, qui estoit de réformer l'Eglise par l’espée, et de chasser les tyrans d'Italie, et qu'au cas qu’il ne le fist Dieu le puniroit cruellement. E! tous ses sermons premiers, et ceux de présent il les a fait mettre en moule, et se vendent. Cette menace qu’il faisoit au roy, de dire que Dieu le puniroit cruellement s’il ne retournoit, luy a plusieurs fois escrite ledit Hiéronyme, peu de temps avant son trespas; et ainsi le me dit de bouche ledit Hiéronyme, quand je parlay à luy (qui fust au retour d'Italie), en me disant que la sentence estoit donnée contre le roy au ciel, au cas qu’il n’accomplist ce que Dieu luy avoit ordonné, et qu'il ne gardast ses gens de piller.

Or, environ ledit trespas du roy, estoient Florentins en grand différend en la cité. Les uns attendoient encore la venue du roy et la désiroient, sur l’espérance que ledit frère Hiéronyme leur donnoit; et se consommoient, et devenoient pauvres à merveille, à cause de la despense qu'ils soustenoient pour cuyder recouvyrer Pise, et les autres places qu’ils avoient baïllées au roy, dont les Vénitiens tenoient Pise. Plusieurs de la cité vouloient que l’on prit le party de la ligue, et qu’on abandonnast de tous poincis le roy, disans que ce n’estoient qu'abusions et folies de s’y attendre, et que ledit frère Hiéronyme n’estoit qu’un hérétique et un paillard, et qu’on le devoit jetter en sac en la rivière; mais il estoit tant soustenu en

la ville qu’on ne l’osoit faire. Le pape et le duc de Milan escrivoient souvent contre ledit frère, assurans les Florentins de leur faire rendre la cité de Pise el autres places, en délaissant l’amitié du roy, etqu'ilsprissent ledit frère Hiéronyme, et qu'ils en fissent punition. Et par cas d'adventure se fit à l'heure une Seigneurie en Florence, où il y avoit beaucoup de ses ennemys; car ladite seigneurie se change et se mue de deux mois en deux mois. Etse trouva un cordelier qui, forgé ou de luy-mesme, prit débat au dit frère Hiéronyme, l'appelant hérétique et abuseur du peuple de dire qu’il eust révélation ni chose semblable; et s’offrit de le prouver jusques au feu, et csloient ces paroles dites devant ladite Seigneurie. Ledit frère Hiéronyme ne se voulul point présenter au feu; mais un sien compagnon dit qu'il s'y meltroit pour luy, contre ledit cordelier ; et alors un compagnon dudit cordelier se présenta de l’autre costé. Et fut pris jour qu'ils devoient entrer dedans le feu. Et tous deux se présentèrent accompagnés de leurs religieux, au jour nommé ; mais le jacobin apporta le Corpus Domini en sa main, et les cordeliers el aussi la Seigneurie vouloient qu’il l'ostast, ce qu'il ne voulut point faire. Ainsi s’en retournèrent à leur couvent; et le peuple esmu par les ennemys dudit frère, par commission de celte Seigneurie, l’allèrent prendre audit couvent, luy troisième, et d'entrée le gesnèrent à merveilles. Le peuple tua le principal homme de la ville, ami dudit frère, appelé Francisque Vallory. Le pape leur envoya pouvoir et commission pour faire le procès. En fin de compte ils les bruslèrent tous trois. Les charges n’es- Loient sinon, qu’il mettoit discord en la ville, ct que ce qu’il disoit de prophétie, il le sçavoit par ses amys qui estoient du conseil. Je ne les veux point accuser ni excus:r; je ne sçais s'ils ont fait bien ou mal de l'avoir fait mourir ; mais il à dit mainle choses vrayes, que ceux de Florence n’eussent seu luy avoir dites. Et touchant le roy, el les maux qu’il dit luy devoir advenir, luy est advenu , ce que vous voyez, qui seut premier la mort de son fils, puis la sienne; et ay vu des lettres qu’il escrivoit audit seigneur.

MÉMOIRES DE P. DE COMMINES