CHAPITRE VIT

Digression sur les estats, offices, et ambitions , par l'exemple des Anglois.

Je parle de ces offices et auctorités , parce qu'ils sont à désirer en mutations , et aussi sont cause d’icelles. Ce que l'on a vu, non pas seulement de nostre temps , mais encore dès le temps du roy Charles sixiesme , quand les guerres qui continuërent jusques à la paix d'Arras 1, commencèrent. Car cependant les Anglois se meslèrent parmi ce royaume si avant, qu’en traictant ladite paix d’Arras, met- Loient de la part deleur roy, quatre ou cinq ducs ou comtes, cinq ou six prélats el dix ou douze conseillers de parlement , de la part du duc Philippe, grands personnages à l'advenant, ct en beaucoup plus grand nombre : pour le pape, deux cardinaux pour médiateurs ; et de grands personnages pour les Anglois. Pour lors estoit régent de France, pour les Anglois le duc de Betbfort , frère du roy Henry cinquicsine , marié avec la sœur dudit Philippe de Bourgongne : et demouroit iceluy régent à Paris, ayant vingt mille escus par mois, pour le moindre estat qu'il eust jamais en cette office. Ce traiclé dura par l’espace de deux mois: et désiroit fort le duc de Bourgongne s’acquiter envers les Anglois avant que soy départir d'avec eux , pour les alliances el promesses qu’ils avoient faites ensemble ; et pour ces raisons fut offert au roy d'Angleterre pour luy et les seigneurs siens, les duchés de Normandie et de Guyenne, pourvu qu'il en fist hommage au roy, comme avoient fait ses prédécesseurs, et qu'il rendist ce qu'il tenoit au royaume, hors lesdites duchés. Ce qu'ils refusèrent , pourtant qu'ils ne voulurent faire ledit hommage. Et mal leur en print après :

car abandonnés furent de cette maison de Bourgongne : et ayans perdu leur temps, et les intcligences du royaume , se prindrent à perdre et diminuer. Jls perdirent Paris , et puis petit à pelit le demourant du royaume.

Après qu'ils furent retournés en Angleterre , nul ne vouloit diminuer son estat ; mais les biens n’estoient au royaume pour satisfaire à tous. Ainsi gucrre s’esmut entre eux , pour leurs auctorités , qui a duré par longues an-

1 Elle se Lermiua en septembre 1435

nées : et fut mis le roy Henry sixiesme ( qui avoit esté couronné roy de France et d’Angleterre à Paris ) en prison, au chasteau de Londres, et déclaré traistre et crimineux de lèzemajesté ; et là dedans a usé la pluspart de sa vie ; et à la fin a esté tué. Le duc d’Yorch, père du roy Edouard dernier mort , s’inlitula roy 1. En peu de jours après fut déconfit en bataille et mort : et tous morts eurent les testes tranchées, luy et le comte de Warvic dernier mort, qui tant a eu de crédit en Angleterre. Ceslui-là emmena le comte de la Marche ( depuis appelé le roy Edouard ) par la mer à Calais , avec quelque peu de gens, fuyans de la bataille. Ledit comte de Warvic soustenoit Ja maison d’Yorch , et le duc de Sombresset ? la maison de Lanclastre. Tant ont duré ces guerres, que tous ceux de la maison de Warvic et de Sombresset y ont eu les Lestes tranchées, ou y sont morts en bataille.

Le roy Edouard fit mourir son frère le duc de Clarence en une pipe de Malvoysie : pource qu’il se vouloit faire roy, comme on disoit.

Après qu'Edouard fut mort, son frère second, duc de Glocestre , fit mourir les deux fils dudit Edouard , et déclara ses filles bastardes, et se fit couronner roy.

Incontinent après passa en Angleterre le comte de Richemont, de présent roy ( qui par longues années avoit esté prisonnier en Bretagne); et desconfit, et tua en bataille ce cruel roy Richard, qui peu avant avoit fait mourir ses neveux. Et ainsi de ma souvenance , sont morts, en ces divisions d'Angleterre, bien quatre-vingls hommes de lalignée royale d’Angleterre , dont une parlie j’ai connu : des autres m’a estlé conté par les Anglois demourans avec le duc de Bourgongne, tandis que j’y estoye.

Ainsi ce n’est pas à Paris ni en France seulement, qu’on s’entrebat pour les biens et honneurs de ce monde; et doivent bien craindre les princes ou ceux qui règnentaux grandes seigneuries, de laisser engendrer une partialité en leur maison. Car de là ce feu court par la province; mais mon advyis est que cela ne se fait que par disposition divine ; car

f La maison d’York déposséda de la couronne d’Anglelerre la maison de Lancastre.

3 Comte de Sommerset.

MÉMOIRES DE P. DE COMMINES

quand les princes ou royaumes ont esté en longue prospérité ou richesses, el ils ont mesconnoissance dont procède telle grace, Lieu leur dresse un ennemy ou ennemie, dont nulne se douteroil : comme vous pouvez voir parles roys nommés en la Bible, et par ce que, puis peu d'années , en ce païs d'Angleterre eten cetle maison de Bourgongne , et autres lieux, avez vu et voyez tous les jours.