LIVRE SECOND

estoit une moult belle bande à veoir: car ils estoyent bien deux mille combattans; et puis venoyent les gens-de-cheval en une grosse flotte , et entre les gens-de-pié et les gens-decheval estoyent monsieur l’archeduc, son fils, monsieur de Ravestain , et les autres grans set gneurs et les gens de conseil.

Ainsi entrérent-ils à Gand sans nul contredict : et fut mené monsicur l’archeduc et monsieur Son fils en leur hostel à Gand, lequel ils trouvèrent préparé pour les y loger : et se logea chacun, et mesmement les piétons furent logés ès hostels des bourgeois (qui n’estoit pas au gré de lous); et quand vint sur le soir, ceux de Gand se commencèrent à mulinacer, et tous d’une opinion coururent au marché : et les piétons alemans et autres se tirèrent à l’hostel du prince, et monsieur l'archeduc se vint loger en ma chambre (qui estoit sur la porte, devant), et ce fit 1l pour estre entre ses gens : là tint conseil qu'il estoit de faire, et sembla, pour le mieux, de voir que les Gandois feroyent pour celle nuict : et chacun se tint sur sa garde. Mais le comte de Nassau, acompaigné de Wallons, avoit gaigné le pont , Jà où on coupe les testes : qui estoit la droite venue des Gandois pour venir contre lhostel du prince.

Ainsi se passa celle nuict : et, le lendemain matin, l’archeduc, acompaigné des piétons d’Alemaigne, marcha contre l’hostel de la vile, et fit arrester ses gens en ung coing de rue vers la poissonnerie , et ala parler à ceux de la vile, ct leur offrit de prestement déloger ce peuple. Mais ils luy prièrent qu’il n’en fist rien, et qu'ils trouveroyent manière que chacun s’en relourneroil en sa maison : et alèrent deux des notables de l’hostel de la vile parler au peuple, et leur remonstrèrent comment le prince ne pouvoit voir ne souffrir iceux assemblés contre luy, et qu'ils mettroyent la vile en grand péril : car s'ils estoyent déconfits, ils estuyent morts, et la vile perdue : et leur consetlloyent d'eux retirer chacun en son hostel , cet qu'ils estoyent bien asseurés du prince, et qu’il ne leur demanderoit rien. Ce peuple promit d'eux en re- (ourner en leur maison, priant à l’archeduc qu'il se retirast en la sienne, et retirast ses

gens-d'armes. Ce que l'archeduc fit, et rame-

na tous ses gens en sa maison, el se repent chacun de ce qu’il pouvoit avoir : mais les

Gandois ne bougèrent du marché ; et, à la vérité, ils estoyent si effrayés, qu'ils ne sçavoyent qu'ils devoyent faire : car ilsestoyent peu de gens mal conduits et mal en point : et le comte de Nassau offroit tousjours de leur courre sus , et de les deffaire : el par ce moyen estait le prince perpétuellement scigneur el maistre de Gand et de toute Flandres. Mais monsieur Philippe de Clèves favorisoit les Gandois, et disoit à monsicur l'archeduc qu'il ne se pouvyoit faire sans détruire Gand: et quand Gand seroit destruite, 1l perdroit la fleur et la perle de tous ses païs. Et ainsi ne sçavoit l’archeduc que faire , et dissimula jusques à la nuict : et les Gandois se délogèrent du grand marché, pour ce qu'ils estoyent trop peu de gens, et se vindrent loger au petit marché, qui est entre le chasteau et Saincte-Vairle ; et fut une fois conclu de les assaillir par derrière, du costé de la coppe, et de rompre les maisous pour passer les gens-d’armes : et ne demandoit monsieur de Nassau autre chose, et persuadoit tousjours que l’on fist celle execution. Et au regard des Alemans qui estoyent en la court, à l’hostel du prince, ils esto\ent en bonne voulonté de bien besongner : et estoit belle chose de voir faire les dévolions, et eux recommander à Dicu, et s’estendoyent tous sur la terre, en baisant icelle : ct, en vtrilé,je veys voulontiers leur manière de faire. Et ainsi vint le noir de la nuict, el ne peut cstre monsieur de Nassau creu, au conseil qu'il donnoit : et par celle noire nuict les Gandois se dérobèrent de la compaignie, et se retira chacun en sa maison.

Au poinct du jour, les notables de l’hostcel de la vile vindrent à monsieur l’archeduc, el luy remonstrèrent que ce peuple estoit retiré, et qu’il luy pleust avoir pitié d'eux. Ce que l’archeduc acorda : et ordonna à monsieur de Ravestain et à moy de conduire monsieur son fils à Termonde. Ce qui fut faict : et l’archeduc vint convoyer son fils jusques hors de la vile de Gand, et avoit ses gens-d’armes avecques luy : mais ils ne partirent point hors de la vile de Gand ; et ainsi fut monsieur le jeune prince tiré de la ville de Gand, et hors deleur pouvoir, et mené en sa vile de Termonde , où il fut reçeu à grande joye : et l'archeduc s’en retourna à Gand, el furent aucuns pris des

MÉMOIRES D'OLIVIER DE LA MARCHE

plus coupables de celle émotion, et furent décapités : et le lout pardonné à Gand, moyennant certainc somme de deniers.

L'archeduc envoya messire Baudoin de Launoy et messire Jehan de Bergues pour mener monsieur l’archeduc son fils à Brucelles. Ce qui fut faict , et puis l’archeduc vint après, el fut l’armée destendue pour celle fois : et se tira l'archceduc en sa vile d'Utrecht sur Meuse ,où il séjourna assez longuement . et là eut nouvelles d’Alemaigne (qui luy furent fort agréables), et se tira en son pays de Brabant,et s’en ala tenir en un petit chasteau qui est à l'abbé de Sainct-Michel d'Anvers, et hors de la vile : et là n’avoit que ceux de son secret conseil, et fit plusieurs lettres en Alemaigne pour gaigner les électeurs et princes du païs , et là fit préparer secrétement les dons et présens qu'il vouloit faire : et à son partement d’Utrecht il ordonna l’évesque de Cambray, abbé de Sainct- Berlin et moy, pour demourer audict lieu d'Utrecht, et parlamenter avecques les Liégeois ; el y demourasmes bien six mois à peu d'exploit, el à grandes paroles : car messire Guillaume d’'Aremberch tenoit la vile de Lièg sous sa main, et ainsi y perdismes le lemps.