CHAPITRE xX
Comment le jeune seigneur de La Trimoille laissa la maison du chevallier et s’en alla au trespas de monsieur son père.
Quand il fut jour, le jeune seigneur de La Trimoille se trouva bien délibéré de ne plus “donner lieu aux amoureuses pensées du temps passé, et comme il se vouloit lever, luy vindrent nouvelles certaines que monsieur son père estoit griefvement malade et près de la mort. Parquoy soubdain envoya vers le chevallier sçavoir s’il pourroit lors parler à luy; lequel soubdain venu, et le bon jour donné par l’ung à l’autre, s’enquist comment il avoyt passé la nuyt; et le dict seigneur luy déclaira la nouvelle qu’il avoit eue de la maladie de monsieur son père. Si luy conseilla lors aller vers luy en diligence dès le dict jour, ce qu’il délibéra ; mais avant son soubdain partement, après la messe ouïe, en actendant le disner, alla prendre congé de la dame qui n’estoit encores sortie de sa chambre ; et après l’avoir gracieusement saluée, luy dict: « Madame, je suis » Fhomme le plus tenu à vous que à toutes » humaines créatures, tant pour le bon traic- » tement que m'avez faict en vostre maison, » que pour les grans signes d'amour que m'a- » vez monstrés, dont je me sens vostre perpé- » tuel tenu et obligé, et si je puis me trouver en » licu pour en recongnoistre le tout ou partie, » je vous asseure que y emploieray corps et » biens. Je suis contrainct de m’esloygner de » vous pour quelque maulvaise nouvelle qui à ce matin m'a esté apportée, de monsieur mon père fort malade et en dangier de mort. Il est mon père; je luy doy obéissance et amour naturelle ; et si je n’allois vers luy pour le visiter et consoler, et qu’il mourust sans le veoyr, ce me seroit ung perpéluel reproche et ennuy mortel qui toujours présenteroit » regret et tristesse à mon cueur. Et pour ce » je vous dy adieu, madame, jusques à mon
» retour, du temps du quel je ne suis asseuré. » Là commançoit le cueur du jeune seigneur à se descharger de la furieuse amour qu'il avoit eue à ceste dame, à la considéracion des bons tours et offres que luy avoit faicts le chevallier son époux.
Au dire adieu, le jeune seigneur présenta à la dame uug gracieux bayser, qui courtoysement l'accepta. Toustefois ceste nouvelle ainsi soubdain venue la contrista par un amoureux regret, ettrouva, quelque peudelempshorsdesoy,sans povoyr dire mot pour la responce. Les larmes, qui lost après sortirent de ses yeulx, lui ouvri-
rent le cueur, et commença à parler en ceste
sorte : «Je ne vouldroys, monsieur, à vostre » dommaige relarder vostre départ, car je » vous aime de sorte que le plaisir donne lieu » à l’honneur et proffil de vostre personne.
» Toutesfois si toujours povois estre en vostre » compaignée sans le maulvais parler des » gens, je m’extimerois la plus eureuse femme * de la terre; qui ne se peut faire, parce que » j’ay ma foy donnée à ung autre, et je pense » que brief serez lout à quelque dame de la- » quelle je voudrois bien estre la simple da- » moiselle. Vous savez, monsieur, les secret- » (es choses de nos affections qui, à Dieu grâces, » n’ont sorty effect, mais sont demourées en- » tre les mains de Honneste-vouloir. Je vous » prie que en ceste sorte il vous plaise n’ou- » blier l’amour de celle qui vous tiendra tou- » jours escript en sa mémoire par saincle el » Charitable amytié. »
Avec tels ou semblables propos ce jeune seigneur laissa la dame en sa chambre, mais non sans gecter quelques larmes de ses yeulx, car
jà-soit ce qu'il fust hors de tout maulvais vou-
loir, toutesfois estoit encores la racine de charnelle amour en son cueur, laquelle fut desracinée au moyen de la corporelle séparacion, qui estun des grans remèdes d'amour qu’on pourroittrouver. El après avoir disné tous ensemble, et ung autre général congié prins de Ja dame, partit pour faire son voyage, non sans la compaignée du chevallier, qui le conduyt jusques à la couchée; el en chevauchant devisèrent de plusieurs choses, dont le chevallier fut très joyeux et s’en retourna à sa maison très content. Son espouse fut long-temps toute
honteuse dont tant elle avoit csgaré son es- |
LE PANEGYRIC DE LOYS DE LA TRIMOILLE
prit, et ne passoit ung jour, que en considérantle dangier où s'estoit mise, ne geclast quelques larmes de desplaisir, qui la rendit si trés saige et bonne qu’elle passoit toutes les aultres ; et pour une vertu qu'elle avoit eu auparavant, en recouvyra deux, savoir est : Chasteté et Humilité.
Le jeune seigneur de La Trimoille trouva son père en extrémité de mort, car tost après sa venue alla de vie à trespas, délaissés ce jeune scigneur el ses troys frères Jacques, Georges et Jehan, et certaines filles, tous mineurs et en bas aage. Mais parce que ledict seigneur estoit fils aisné et principal héritier, eut la charge du tout, et leur père honnorablement enscpulturé et obséquié, donna ordre à sa maison et estat de luy et de messieurs ses frères. Et bien tost après, par le conseil de ses amys, retourna à la court du roy de France, où il avoit estat, pour recouvrer les terres de la vicomté de Thouars, principaulté de Thalmond, Amboyse, Montrichart, et aultres de grant revenu, que roy Loys avoit mises en sa main à tort et contre raison, par une exécution de particulière volunté et désir de vengeance, qui estoit la seulle apparente maculle qui fort a obscurcy les aultres bonnes conditions de ce roy, ainsi qu’on peult veoyr par sa cronique.
