CHAPITRE XXV
Comment monsieur Françoys, duc d'Angoulesme, fut roy de France, le premier de ce nom; et de la victoire qu'il obtint contre les Souysses à Saincte-Brigide ?,
Le roy Loys laissa deux filles seullement de madame Anne duchesse de Bretaigne, Claude et Anne; et par deffault de hoyr masle en droicte ligne, la couronne et ceptre de France vindrent à monsieur Françoys duc d’Angoulesme, le plus proche en ligne collatérale, lequel avoit au paravant espousé ladicte madame Claude, fille aisnée de France. A l’entrée de son règne il confirma ledict seigneur de La Trimoille en tous ses estats et offices. L'année prochaine après 1l entreprinst le recouvrement de sa duché de Milan, occupée par Maximilian, fils de Ludovic Sforce, par le support des Souysses, et pour ce faire draissa grosse armée, qui ne fut sans ledict seigneur de la Trimoille et nonsieur Charles prince de Thalemont, son fils, qui accompagnèrent avec les aultres le roy en cette expédicion : ils prinrent leur chemin à Grenoble, à Notre-Dame d’Ambrun et à Sainct- Paul; puis passa le roy avec son armée et ar-
4 Elle est connue sous le nom de Marignan,
PAR JEAN BOUCHET
tillerie par ung chemin qu'on disoit inacessible pour chevaulx et chariots, dont les ennemys ne se doubtoient. Par le moïen de quoy Prospère Columpne avec quinze cens hommes de cheval de l’armée dudict Maximilian furent surprins par les seigneurs de Ymbercourt et de la Palice à Villefranche, qui est une petite ville au pays de Piémont ; ledict Prospère Columpne fut emmené prisonnier au roy, qui l'envoya en France soubs bonne et seure garde.
Les Souysses estoyent à Suze, à Avillanne et Rivole pour garder les passages, qui courroussés et esbahis de la prinse de Prospère Columpne commencèrent à marcher vers Milan; et à grant diligence passèrent la rivière du Pau avec leur artillerie par ponts de cordes, et entrèrent en Novarre, où le roy les suyvoit. Et luy estant à Verceil, furent portées parolles de paix, pour laquelle faire furent commis et députés le bastard de Savoye, le seigneur de Lautrec et aultres gens de sorte; et néantmoins l’armée du roy marchoit tousjours qui assiégea Novarre, laquelle, vuyde des Souysses, se rendit ; de Novarre allèrent à Bufferole. Et cependant le roy eut nouvelle que Ja paix estoit accordée entre luy et les Souysses, moyennant certaine somme de deniers qu’il leur donnoit pour deffray de leur armée; et comme on leur portoit l'argent sa mirent à chemin pour aller au devant du roy et le surprendre en venant contre leur accord, à l’exhortation du cardinal de Syon.
O grant malice et lascheté de gens, inventég et soustenue par personne en dignité ecclésiastique constituée, et dont le malheur tomba sur les lasches! car le roy de ceste trahison adverty, non estonné de si prestement combattre, comme hardy et plain de courage, délibéra les actendre et se mettre premier au labeur et dangier. Et ce mesme jour, qui fut le quatorzième jour de septembre l'an 1515, environ trois ou quatre heures après midy, les Souysses accompaignés des Italiens vindrent frapper sur l’armée des Françoys,. dont les Allemans du roy de la bande noire esbahis, reculèrent, doubtans que le roy eust intelligence avec les Souysses pour les deffaire, au moyen dudict traicté de paix qui avoit esté tenu pour faict le jour précédent ; mais deux mille avanturiers françois soustindrent la première poincta
des Souysses et se monstrèrent gens de bien, car ils deffirent d'entrée quatre mille Souysses ;
les aultres bandes des Souysses (cuydans met-
tre en désordre les Françoys commeils avoyent fait la bataille à Novarre, en laquelle estoyent les Italiens deux ans d'avant) donnèrent sur la bataille françoise; mais ils furent reboutés par l'artillerie, qui besogna si bien avec les hommes d'armes que les Souysses ne furent
les plus forts. Le roy, qui estoit en la bataille,
accompaigné dudict seigneur de La Trimoille et d'autres vaillans capitaines, ne perdit de veue l'artillerie, et si alloit de lieu en autre croissant tousjours par doux langaige les hardis cueurs de ses gens d’armes.
La meslée fut cruelle et longue, car elle dura Jusques après Jour couché, à la raison de ce que la lune luysoit ; et si estoyent les I'rançoys et Souysses si acharnés à se occire l’ung l’autre, qu'il n’y eust chose qui les peust séparer que l'obscurité de la nuyt, en laquelle le roy n’eut autre lict fors le timon d’une char. rette, et pour fins linceux le harnoys sur le dos, car d'une part et d’autres les gens-d’armes furent toujours en doubte. À peine on trouva de l’eaue clère pour le roy, parce que les ruisseaux courant autour du lieu de la bataille estoient plains du sang des occis. Les autres princes et seigneurs n'eurent moindre peine, comme la raison le vouloit, et entre aultres, le seigneur de la Trimoille fut toute la nuvt armé sans clorre les yeux près du roy ; son fils le prince de Thalemont estoit en la compaignée du duc de Bourbon, qui conduisoit l’avantgarde. Le landemain matin, le roy fut adverty que les Italiens et les Souysses retournoient en gros nombre et bon ordre pour luy donner bataille, et considérant la peine prinse par ses gens-d’armes le jour précédent, afin qu'ils ne reculassent, les principaux d'iceulx assemblés, leur dist ces parolles ou semblables en subslance :
Oraison et persuasion militaire du roy de France à ses gens-d'armes contre les Souysses.
« Toute persuasion, mes fidèles amys, n’est » à mon jugement superflue en haultes entre- >» prinses, l’entrée desquelles est dangereuse, ‘» et l'ÿssue à doubter, comme celle laquelle, ‘» sous l’asseurance de vos nobles vouloyrs,
LE PANEGYRIC DE LOYS DE LA TRIMOILLE
» force et hardiesse, j'ai faicte. Vous congnois- » sez auquel dangier de nos vies, honneur » et biens avons à la desloyalle lascheté de » nosennemys résisté, dont (la première gloire » à celluy duquel les victoires procèdent ren- ». due) vous en donne los et bienveillance. Et » puis que, par secours divin et vos labeurs, » avons le dangier de l'entrée passé et sur- » monté, mectons peine que à nostre honneur » et avantaige en soit l'yssue. Et pour aisément » le faire, vostre nature, qui est hardie et bel- » liqueuse, soit considérée; vostre coustume, » quiestden'estre vaincus, observée ; les meurs de nos ennemys congneues, qui plus sont convoiteux de pécune que avaricieux d’honneur; la forme de leur combatre considérée, qui a plus de mine que d'effet, plus d’appa rence que existence, et que au premier rompre sont vaincus et n'ont nulle forte résistence, et leur oultre-cuidance mise devant vos yeulx, par laquelle se dient correcteurs des princes, au rabaïissement de toute noblesse. Nostre juste querelle nous doit donner force, leur injustice seureté, leurs mauvaises meurs mespris de leurs armes, et nostre nécessité accroissement de cueur et » de couraige. Considérez nostre honneur et » gloire si l’orgueil de ces rustics est humilié, » et nostre reproche s'ils sont nos vainqueurs. » Plus devons souhaiter la fin de nos petites » vies en honneur que la longueur en misère » et en reproche, et plus devons désirer mourir en persécutant nos adversaires et quérant le mérite de justice, que, en vivant, laisser vivre les violateurs d'équité. Je vous prie, messieurs, que mourez avec moy, et moy avec vous, pour acquérir honneur à nos parens, salut à nostre pays et faire ce à quoy ‘nous sommes tenus, et je vous asseure que si la victoyre nous demoure que par effect recongnoistray sans ingratitude les biensfaisans. »
La nécessité de combatre mit fin à ces parolles pour entendre à l’euvre ; car les Italiens et les Souysses, qui estoyent jusques au nombre de trente mil combatans, assaillirent les Francoys en leur camp; messire Jaques Galiot, chevalier hardy, de grant sens et henne conduyete (qui estoit maistre de l'artillerie), les receut à leur grosse perte et dommaige, car à
Y ÿY
VS EE VE % y
