LIVRE TROISIEME

nostre temps, ou peu devant, en ce royaume, comme monseigneur de la Tremouille ct autres; au pays d'Angleterre, le comte de Warvic, et toule sa sequelle. J’en nommerois en Espagne , et ailleurs , mais par aventure que ceux qui verront cet article, le sçavent mieux que moy. Et advient très-souvent que cette audace vient d’avoir bien servy, et qu’il semble à ceux qui en usent, que leurs mérites sont tels que l’on doit beaucoup endurer d'eux, et qu’on ne s’en peut passer. Mais les princes au contraire , sont d'opinion qu’on est ténu à les bien servir, et trouvent bien qui leur dit ; et ne désirent qu’à se despescher de ceux qui les rudoient. Encore en ce pas me faut alléguer nostre maistre en deux choses , qui une fois me dit, parlant de ceux qui font grand service ( et m’en allégua son auteur , et de qui il le tenoit) : que avoir trop bien servy perd aucunes fois les gens, et que le plus souvent les grands services sont récompensés par grande ingratitude; mais qu’il peut aussi bien advenir par le deffaut de ceux qui ont fait lesdits services , qui trop arrogamment veulent parler et user de leur bonne fortune, tant envers leurs maistres, que leurs compagnons, comme de la mesconnoissance du prince. Me dit davantage : qu’à son advis, pour avoir biens en cour , c’est plus grand heur à un homme, quand le prince qu’il sert luy a fait quelque grand bien, à peu de desserte, pourquoy il luy demeure fort obligé , que ce ne seroit s’il luy avoit fait un si grand service que ledit prince luy en fust très fort obligé, et que les princes aiment plus naturellement ceux qui leur sont tenus, qu'ils ne font ceux à qui ils sont tenus. Ainsi en tous estats a bien à faire à vivre en ce monde , et fait Dieu grande grace à ceux à qui il donne bon sens naturel. Celle vue du roy et de monsieur le connestable, fut l'an mil quatre cens septante et quatre.

cd -Pruns…

CrR£

le Ki he] * ent

fear