CHAPITRE LXXIX
Comment, en cet an, le duc de Bourgogne mit lui un ordre, qui fat nommé f ordre de la Toison,
En cet an , le duc Philippe de Bourgogne mit sus , en l'honneur de Dieu et de monseigneur saint Andrieu, duquel en armes il portoit l'enseigne, une ordre et flraternité de vingtquatre chevaliers sans reproche, gentilshommes de quatre côtés, auxquels il donna à chacun d'eux un collier d'or moult gentement ouvrédesa devise, c'est à savoir dufusii. Auquel collier pendoit à chacun sur le devant, en manière que portent les grands dames et damoiselles images, fermailles et autres Joyaux, une toison que Jadis conquit anciennement Jason, en l'tle de Colchos , comme on le trouve par écrit en l'histoire de Troie , de laquelle n'est point trouvé en nulles histoires qu'oncques nul prince chrétien lui eût révélée ni mise sus. Si fut la dessus dite ordre, à l'imagination de celle que dit est , nommée par le dit duc l'ordre de la Toisoq-d'Or ; et furent par lui et
aucuns de son conseil élus et nommés pour porter ladite ordre vingt-quatre chevaliers, desquels les noms s'ensuivent : premier y étoit le dit duc, chef et fondateur d'icelle ; en après y étoitGuillaume de Vienne, seigneur de Saint- George, messire Régnier Pot , seigneur de ht Roche, le seigneur de Roubaix, le seigneur de Montagu, messire Rollant de Hutequerque, messire Antoine de Yergy, comte de Dammartin , messire David de Brimeu , seigneur de Ligny, messire Hue de Launoy, seigneur de Santés, messire Jean, seigneur de Commines', messire Antoine de Thoulongeon , maréchal de Bourgogne, messire Pierre de Luxembourg, comte de Conversan, messire Jean de La Trimouille, seigneur de Jonvelle, messire Jean de Luxembourg, seigneur de Beau-Revoir, messire Gillebert de Launoy, seigneur de Yillerval, messire Jean de Yilliers, seigneur de l'Ile- Adam, messire Antoine, seigneur de Croy et de Renty, messire Florimont de Brimeu, seigneur de Massincourt , messire Robert , seigneur de Mamines , messire Jacques de Brimeu, seigneur de Grigny, messire Beaudoin de Launoy, seigneur de Âfoulambais, messire Pierre de Beaufremont, seigneur de Ghamy, messire Philippe, seigneur de Ternant, messire Jean de Créqui et messire Jean de Croy, seigneur de Tours-sur-Marne. Lesquels chevaliers, comme dit est, au recevoir de la dite ordre, firent, et dévoient faire leurs successeurs plusieurs solennels promesses et notables ordonnances pour l'cntretënement d'icelles : desquelles ci-après en ce présent livre sera faite mention plus à plein , après que la dite ordre sera du tout parfournie en son droit nombre ; car depuis que les dessus nommés y furent mis, certaine espace de temps après en eut ajouté aucuns autres. Si doivent les hoirs d'iceux chevaliers renvoyer après leur trépas au dit duc de Bourgogne le dit collier, poar le baillera autre chevalier.
