Comper

« Semblablement a esté aussi estably autre garnison à Comper, le paiement de laquelle monte chacun mois, comprins Testât du gouverneur, g33 éc. i/3.

(Signé) MYRON.

[Copie authentique signée myron ., en papier. Arch. d'Ille-et-Vilaine, autrefois layette Y, cote F.)

[Copie authentique. — Fonds des Etats de Bretagne, lay. Y, cote F. olim. — Communiqué par M. A. de la Borderie.)

3^ ^ 1# al 1> 1> * * » If »

iSpS. 20 février. — Mandement du maréchal d'Aiimont, ail sujet de l'entretien des troupes royales en Bretagne.

/AN d'Aumont, conte de Chasteauroux, ma- )reschal de France, gouverneur pour le Roy en Dauphiné, lieutenant gênerai pour S. M. en Bretaigne ; Françoys d'Espinay, sieur de S' Luc, ch', des ordres, con*^"^ en son conseil d'estat, gouverneur de Brouaige, isles de Xaintonge, et lieutenant gênerai au gouvernement dudit pays de Bretaigne ; Françoys Miron et Claude Cornulier con'^''^ dudit sieur, trésoriers de France et generaulx de ses finances audit pays, au seneschal en la jurisdiction de Treguier, alloué ou son lieutenant, salut. Lapluspart des meilleures villes de ce royaume se remettant de jour à autre en l'obéissance de S. M., et recognoissant tellement leur debvoir qu'il ne se peult rien moings espérer que les aultres y prennent exemple de jouir par ce moien d'ung repos gênerai, quelques ungs se pouroient se merveiller et trouver estrange de voir pareil, voire plus grand nombre, de gens de guerre establis es villes, places fortes de ceste province durant la présente année que par le passé, veu que toutes choses se sont bien advancées depuis six mois que plusieurs bonnes villes et places et chasteaulx ont esté reduictz qui debvroient aultant apporter de soulagement au peuple. Mais le mal est encor tel en cedit pais par l'introduction qui se faict peu à peu de l'Espaignol, antien ennemy de l'Estat, qui plus que

jamais tasche de l'empêcher et s'en saisir, qu'il ne fault pas avoir moindre soing à la garde et conservation desdites villes et places qu'auparavant, ains y entretenir bon nombre de gens de guerre mesmes en celles nagueres remises en l'obéissance de sadite Majesté; par le moien desquelles si la recepte de quelques deniers ordinaires et debvoirs cy devant imposez s'est augmentée, celle des garnisons ne s'en trouve pas plus grande; mais au contraire, comme il est nécessaire y laisser des forces pour s'opposer aux ennemis qui essayent par tous moiens d'y entrer pour l'importance dont elles sont, aussy est il requis pourvoir à l'entretenement d'icelles et augmenter d'aultant qu'elles montent l'imposition et levée du paiement des garnisons plus qu'en l'année dernière ; ce que S. M., ayant considéré en son conseil et les autres grandes despenses qu'il convient supporter pour les trouppes qu'elle a nouvellement envoyées en cedit pais, estimant qu'il seroit meilleur faire paier au peuple à une seulle fois la somme à quoy reviennent entièrement lesdites garnisons dont il se sent moings foullé, que, n'imposant aprésent qu'une moindre somme, estre contraint, puis après recourir à nouvelles levées par faulte de fondz comme l'on a veu advenir, nous auroit pour ces causes mandé par ces lettres patentes, données à Paris le 3o® janvier dernier, controllées, qu'eussions à faire imposer, asseoir, et esgailler pour lever en la présente année sur tous et chascuns les manans et habitans des parroisses contribuables à fouage es eveschez de cedit pais, sans aucune en excepter, quelque exemption et affranchissement qu'ilz puissent avoir, la somme de 321 5oo escuz, à quoy monte la solde et appoincte-

aOO DOCUMENTS INEDITS

ment desdits gens de guerre establis en garnison en cedit pais durant ceste dite année, oultre les droictz de recepte et fraiz acoustumez suivant Testât particulier desdites garnisons qui en a esté envoyé au Conseil de sadite Majesté, en la mesme forme et manière que s'en est faict en Tannée dernière 94, dont les deniers sont receuz par les recepveurs par*" des fouaiges, chacun en son tablier, à ung seul ou deux termes, ainsy qu'il sera plus expédiant pour estre, puis après par eux mis es mains du trésorier et receveur gênerai des finances estant en charge, qui les délivrera au trésorier gênerai de Textraordinaire des guerres par les mandementz du trésorier de Tespargne, pour les employer au paiement desdites gens de guerre et non à aultre effect, enjoignant à tous seneschaux, officiers et subjectz de S. M. es jurisdictions de ce pais et aultres à qui ces présentes seront adressées, de n'user d'aucunes remises ny longueurs à l'exécution d'icelles pour quelque cause et occasion que ce soit, sans qu'aucun se puisse prétendre exempt de ladicte imposition, fors les gens d'église residans en leurs cures et prieurez et les nobles extraictz de noble lignée vivans noblement. A ces causes satisfaisant au commendement de sadicte Majesté, pour le bien de son service et conservation de ce pais en son obéissance, vous mandons et autant que besoing est, expressément enjoignons que présent et appelle avecq vous le procureur dudict seigneur en vostre jurisdiction, vous ayez à départir, asseoir et imposer promptement, le plus justement et esgallement que faire ce pourra, le fort portant le faible, sur tous les manans et habiians des parroisses contribuables à fouaige en Tevesché de Treguier, la somme

SUR LA LIGl?E EN BRETAGNE

de 37300 escuz qu'avons trouvé ledict evesché estre porté pour sa part et portion, tant de la somme de 321 35o* que monte Testât desditcz gens de guerre establys en garnison en cedit pays durant ceste dite année, que de sept vingtz dix escuz pour les fraiz ordinaires et envoy de ces présentes, oulîre 8 deniers par livre pour le droict de recepte du receveur par" desditz fouaiges audit evesché de Treguier, es mains duquel seront lesdictz deniers mis en deux termes : scavoir aux premiers jours d'avril prochain et septembre ensuivant, pour estre incontinent après par luy apportée ou envoyée en la recepte générale establie en ceste ville de Rennes et non ailleurs, et délivrez parle receveurgénéral des finances estant en charge au trésorier gênerai de l'extraordinaire des guerres, ou son commis en ce pais, par les mandementz du trésorier de l'espargne, pour en acquitter les assignations desdictz gens de guerre establiz en garnison, sans les divertira autre effect : au payement de laquelle somme de 3/3000 escuz et droict de recepte seront contrainctz tous contribuables, manans et habitans les parroisses dudict evesché aflfranchiz et non atfranchiz, exemptz et non exemptz, refusans ou dilayans, chacun pour leurs cottes partz et portions de ladicte somme, sans qu'ilz puissent s'en prétendre exempts fors les gens d'église residens en leurs cures et prieurez, et les nobles extraictz de noble lignée vivans noblement; et pour cest effect, pouront les deux ou troys plus aisez de chasque paroisse estre contrainctz au payement de la taxe entière d'icelle, leur recours réservé vers les autres habitans, et ce par toutes voyes comme pour les propres deniers et affaires du Roy, nonobstant tous arrestz, exemptions, oppositions ou appellations

DOCUMENTS INEDITS

quelzconques pour lesquelles ne sera différé, et sans que pour ce la levée des aultres deniers soit aucunement retardée de ce faire ; vous avons donné et donnons pouvoir, auctorité, commission et mandement spécial par ces présentes, ausquelles coppie des lettres patentes de S. M. est attachée. Donné à Bourbriac ce 20® jour de febvrier iSgS, ainsi signé : D'Aumont. F. D'EspiNAY. Myron. Cornulier, et plus bas par mesdictz seigneurs au Conseil : Ceberet, et scellé.

(Arch. de la mairie de Morlaix).

tSqS, 14 octobre. — Blocus de l'Isle Tristan*-.

STAT particulier des forces dont a esté advisé 'devoir estre composé le blocus ordonné à [estremis] contre le fort de l'isle de Tristan soubz le sieur de Couetedrez, et en son absence sous le sieur de Cahideuc.

Premièrement la compagnie du sieur de Bastenay, Celle du sieur de Cahideuc, Celle de M"^ de Kerhollin,

* Cette pièce est relative au projet que Sourdéac avait conçu de déloger La Fontenelle de sa position de Douarnenez ; au bout de six semaines il dut abandonner cette tentative ; plus tard il voulut une seconde fois chasser Guy Eder, mais sans plus de succès.

Celle de M"" du Fou, Celle de M' du Clou, Celle du sieur de Kerservan.

Gens de pied.

Le régiment de M' de Sourdeac,

Celui de M' le Chevallier,

Cent hommes tirez de celuy de M^ de Corbouson,

Cinquante qui seront tirez de la garnison de Quimper,

Deux cents harquebusiers que M' de Sourdeac fera venir de Léon avec son dit régiment,

Trois cens autres harquebusiers qu"'on tirera de Penmarch, Audierne, et autres lieux de la Coste.

Harquebusiers à cheval.

Ceux du sieur du Clou,

Ceux du capitaine La Chaume,

Ceux du capitaine l'IUeste.

Et en mer dans la baye du dit Douarnenez seront mises quatre barques armées à 20 hommes sur chacune, tant soldats que mariniers, et deux chaluppes aussi armées à 10 hommes chacune, qui seront tirées, aussy deux barques et chaluppes de Brest suyvant l'ordre que y mettra M' de Sourdeac, et les autres seront tirées de Penmarch, Audierne et autres lieux de la coste, estant à cette fin donné pouvoir ausdits sieurs de Couetedrez et de Cahideux de contraindre, en cas de refus, les dits habitans à les fournir ; de la nourriture desquels hommes et avitaillement sera fait marché, pour estre, après, le tout imposé et esgaillé generallement sur tout le pays.

Fait au conseil tenu au camp de Kerhez, le xiv oct.

204 DOCUMENTS INEDITS

1 595, signé D^EspiNAY, et plus bas, par mon dit seigneur, Ceberet.

[Bibl. Nation. Mss. Coll. des Blaiics-Manteaux, vol. III, anc. classement. — Communiqué par M. A. de la Borderie.

Vers 1596. — Advertisscment à la noblesse qui tient le party du duc de Mer cœur *.

wIV.'i.^T^'kssieurs, en toutes guerres civilles, il est

M Vf J- ^^'^*"^^^'^^^'^' ^o^"'^'^^ <^it Ciceron, à un chai^^(^^cun de prandre party, mais il fault regarder et considérer mcurement que c^est que guerre civille. Pour y parvenir, nous remarquerons que dès que les hommes commancerent à gouster de la civillité et honnesteté, ilz avisèrent de se ranger les uns soubs Taristocrasie , aultres soubs la democrasie, et les aultres souhs la monarchie, qui

* Ce pamphlet peut avoir été rédige vers la rin de ibgG; il m'a semblé intéressant, non seulement par ses révélations sur les mœurs de celte époque, mais aussi parce que l'histoire fait son profit des exagérations et même des injures que se renvoient les partis. On y voit un nouvel exemple du travestissement que la passion peut faire inventer; on arrive à exalter Henri III jusqu'à l'élever au-dessus de David, et on fait de Mercœur le dernier des misérables. Les avertissements adressés à Henri IV par un partisan dévoué ne manquent pas d'une certaine franchise brutale.

SUR LA LIGUE EN BRETAGNE 2o5

sont les trois gouvernements que nos majeurs ont avisé cstre plus nécessaires pour régir le peuple. Or Faristocrasie fust quelque temps le gouvernement des Israëllites, et comme on voyd encor apresent en quelques republicques. La democrasie a esté le gouvernement des Romains, nation la plus superbe et la mieux réglée qui jamais ayt esté au monde, lesquels, soubs ledit gouvernement, ont faict de grandes et excellantes conquestes, tellement que par l'amas des grands et infinis biens qu'ils feirent parles armes, ils aporterent par mesme moyen en leur republicque l'ambition laquelle dempuix causa la ruyne de leur gouvernement : car comme il estoit populaire, ausi chascun vouUut cstre le maistre, qui engendra ce que proprement on peult appeller guerre civille ; et c'est de quoy parle Ciceron. Mais la monarchie n'est pas de mesme, elle préfère [sic] et excelle touts aultres gouvernements, represantant le royaume céleste, car tout ainsin que nous n'avons que un Dieu, ausi ne debvons avoir qu'un roy lequel doibt dominer et comander en son royaume, comme le soulleil faict surles aultres astres ; et pour monstrer que Dieu a de tout temps aprouvé ceste facson de gouverner plus que touts les aultres, il a comandé au peuple, tant de sa bouche propre que par ces prophettcs, randre touite obéissance à leur roy comme nous pouvons voir quasi en touts les chapistres de la saincte Bible, tant du vieux que nouveau Testament ; scauroit-on demander plus grande aprobation de l'authoritté royalle et de l'honneur debue à icelle que de considérer que N. S. J. C. a voullu prandre son humanité de la mesme racse ; et tandis qu'il a esté en ce monde, a il presché que randre toutte obéissance au

magistrat ? A il pas dit randre à César ce qui est à César ? Ses diciples et apostres, ont il presché aultre subject? Si vous voulés regarder au livre des Roys, vous verres que Dieu mesmes a donné des loix à son prophète Samuel pour les desclarer au peuple d'Israël; par icelles vous voyés quelle est Tauthoritté royalle, laquelle a toutte puissance de vie et de mort sur son subjet: est il pas escript « Tu ne couroucera pas le roy, car son couroux sera la mort ? » Dieu a il pas mis le glaive entre ses mains pour chastier les rebelles ? Et ne scauroit on trouver qu'il auroit donné puissance d'user du glaive qu'au roy seul, lequel n'est tenu randre raison de ces actions qu'à Dieu mesme, qui a réservé à soy toute puissance sur luy ? Dieu n'apelle il pas le Roy son oinct, le cœur duquel est en sa garde et protection ? Par là il nous faut présuposcr, puixque Dieu a ceste curiositté de conserver ce roy plus que les aultres hommes, qu'il les excelle, et par conséquent qu'il est plus que humain. Reste doncques scavoir quel nom nous baillerons à ces grands cliquetis d'armes.

Vous voyés qu'il n'est permis de prandre les armes contre son prince pour quelque cause que ce soit ; tellement que nous ne pouvons honnestement apeller ces allarmes guerres civilles ; et de vérité, ce mot ne se peult adapter qu'en l'endroit de ceulx qui vivent sous le gouvernement démocratie ou aristocratie. — Comment l'appellerons-nous ? Sans diliculté, vos ports d'armes. Messieurs, ne se peuvent apeller que perfidyes, felonnyes et desloyautés, et ce sont les epitettes desquelles vos drappeaux debvroint estre marqués : et pour vous monstrer qu'en touts lieux où un seul prince commande , homme ne se doibt révolter, lizés la vie de Silla.

Là OÙ VOUS voirés que les Romains ne pouvants résister contre leurs ennemys , par leur gouvernement démocratie, résolurent d'eslire un seul pour commander absolument en leur empire. Ils esleurent ce Silla, lequel ayant Pauthoritté et puissance souveraine entre les mains, en usa de telle facson qu'en un seul jour il proscript et feist mourir, pour son plaisir seullement, trois mille chevalliers Romains, plusieurs sénateurs et aultes citoyens, des meilleures familles qui fussent en Rome, feist des loix si rigoureuses qu'on n'en avoit ouy encore de telles, et neanmoingns le peuple Romain se rebella il contre sa puissance ? Non certes, ains endura patiemment touttes les cruaultés desquelles Silla voullut user en leur endroit. Pourquoi faisoint ils cela? Ils n'avoient manqué d'hommes couraigeux et valleureux ; ils n'avoint manqué d'entendement ; ils n'avoint manqué de moyens et raisons ny de multitudes d'hommes pour chastier Silla, s'ils eusent voullu Tentreprandre ; mais ils estoint tant conservateurs de leurs loix, en considération de la vertu de leurs majeurs, qu'ils ne voulloint, quant ils deusent touts perdre la vie, se révolter.

Si donc les Romains, payens et infidelles ont eu esgard à la seulle loy élective de leur pays, quelle consideracion devriez vous avoir, vous aultres, Messieurs, qui portez le tiltre de cretiens ; vous aultres à qui Dieu a donné des roys de si longue main ? vous aultres les prédécesseurs desquels se sont exposés librement, corps et biens à la deffanse de leurs roys ? veus aultres qui vous vantés d'estre deffanseurs de la loy de Dieu, et neanmoigns n'observés un seul point de ce commandement. C'est chose étrange qu'il faut

que le pays vous monstre la voye de vostre salut, lequel vous fera rougir au grand jour du jugement, quelque couUeur que puissiez prandre.

Je ne double pas que vostre duc de Mercœur, et SCS confédérés, n'ayent employés une infinitté de personnes pour persuader le peuple que leur entrcprinse n'estoit que pour l'advesnement de la religion catholicque, apostolicque et romaine, couverture, certes, que touts mutins et séditieux ont prins lors qu'ils ont voullu solicitter le peuple à se révolter contre leur prince souverain. Mais quoy , lors qu'avés commancé vos rebellions, et qu'avés prins les armes, y avoit il roy ny prince au monde plus religieux, ny qui avoit plus souvent exposé sa vie pour la conservation et advesncmcnt de la religion catholicque, apostolicque et romaine, que le deffunct roy Henry troisiesme ? Y eust-il jammès roy ny prince plus observateur des lois et cérémonies de TEglise ? ny qui portast plus de respect aux ministres d'icelle, que faisoit ce bon roy ? Y a il eu jammès roy ny prince qui aict faict des loix et ordonnances plus dignes pour Paugmantation de la gloire debue à Dieu qu'a faict ce roy ? Non en vérité ; et oserois afHrmer que David mesme ne fust oncques plus curieux ny plus jaloux de Phonneur de son Dieu que ce roy, lequel n'a vescu en son temps unne seulle minute d'heure sans employer son corps et son esprit, fust à exposer sa vie pour la querelle de Dieu, ou à chanter ou psalmodier ses louanges en l'église : quelle rémunération il a eu de vous. Messieurs ? quelle recongnoissance avés vous faicte à Dieu de vous avoir donné un si bon prince ? ce a esté de le masacrer villaincment et ce par un diable incarné couvert de la robbe

d'un moyne, Dieu le permettant, vous jugeant indignes d'un si bon roy, comme il a souvent permis telles exécutions contre ses meilleurs prophètes ; telles infâmes et villaines felonnyes ne vous peuvent permettre de vous appeler enfantz de vos pères, et avés du tout ruyné l'honneur de vos mères, car est il croyable que si vous fussiés légitimes et vroys enfants de ceulx à qui vous estes avoués, qui estoint bons françois, vous eusiés si estrangement dégénéré de la vertu et fidélité de vos prédécesseurs lesquels, s'ils sortoint du tombeau, vous jugeroint indignes de leurs heritaiges. Considérés, Messieurs, ce que feist ce capitaine romain à la bataille des Parthes, lequel voyant son fils unicque se retirer pour se rafreschir et prandre un peu d'eau à boire laprès avoir neanmoigns deffait l'avant garde de l'ennemy) il le déshérita comme n'estant son filz, et l'eust faict mourir, sans la prière des aultres capitaines, n'estant permis aulchun, à paine de la vie, doultrepasser le comandement de leurs maieurs ; à plus forte raison, quelle punition eust faict ce grand capitaine de son fils, s'il se fust révolté contre la souveraineté de l'empire, comme vous avés faict, Messieurs ? Je vous laisse en juger: vous avés, sans excuse, commis felonnye contre vostre roy ; après sa mort, Messieurs, qu'avez vous faict ? Vous vous estes randus pertinan et opiniastre en vostre rébellion contre Henry quattriesme, apresent roy, sur le throsnc duquel il n'asiit jammès prince plus valleureux et généreux, plus clément et benign qu'il est : y eust-il jammès monarque si miséricordieux qu'il a esté à ses subjets ? Après les avoir domptés et veincus par force, ils n'ont si tost crié mercy, qu'il n'a eu les brats estandus à les recepvoir

210 DOCUMENTS INEDITS

en sa grâce. Quelle similitude plus grande à la divinitté que ce roy, lequel remet les fautes ausi tost qu'on a dict : j'ay péché ? Ausi, de vérité, les vroys françoys ayants congneu sa begninitté et miséricorde se sont randuz au giron de Sa Majesté pour recepvoir et obéir à ces commandements, ainsin que Dieu Fordonne. Tellement que ceste prompte recongnoissance de leurs erreurs a esté recseue de telle alegresse de ce grand monarque qu'en un mois ou deux il a veu la plus part de son royaulme réduit en son obéissance, ausi trois y a et plus qu'ils rccsoyvent Tenthière jouissance de leurs heritaiges et sépulture de leurs maieurs. Estant la seulle province de Bretaigne demeurée opiniastre en son péché, et avés randu , Messieurs , le proverbe entien véritable : adheurtés comme le Breton. Or je desirerois vous demander quelle espérance vous avés de vostre pertinacité ? Quelle recompanse vous espérés de suivre vostre duc de Mercœur ? Quelle yssue vous attandés de vos periidyes et felonnyes. Je vous le diray en trois mots , s'il vous plaist me prester l'oreille, et m'asure que, y ayant considéré meurcment et sans passion, vous jugerez que vous en auray parlé en bon patriotte.

Je vous prieray donc, Messieurs, de dessiller les yeux de vos entendements, et trouverez que suives le party du plus :;ngrat homme qui jammés ayt esté au monde, vice le plus détestable qui se puisse trouver davant Dieu et les hommes. N'esse pas une grande ingratitude au duc de Mercœur de s'estre révolté contre le feu roy, luy qui avoit recseu tant de biens, honneurs et advencernents de Sa Majesté, le grand monarque avoit tant honoré ce duc que d'espouser

sa sœur ? Ce grand monarque, curieux en tout de Fadvencement de ce duc, luy feist espouser la duchesse de Penthieure, damme riche de grandeurs et moyens, assez sufisants pour espouser un prince du sang ; ce grand monarque continuant ceste mesme vollonté en Tendroict de cest ingrat, destitua ces cousins les ducz de Monpencier, du gouvernement de Bretaigne, pour le luy mettre entre mains. Ce grand monarque, convoiteux de Fogmantation et grandeur de ce duc, luy faisoit toucher touts les ans cent milles livres de pantion, plus qu^à prince de France.

Brief, jammés ce duc ingrat ne demanda chosse à ce grand monarque qu'il n'obtint, estant plus prest de le gratifier qu'il n'estoit de demander ; quelle rémunération a eu ce grand roy pour tant de biens faits ? Sa esté de dresser une ligue contre Sa Majesté, à laquelle il faut croire que cest ingrat se feist trouver touts les esprits infernaux ; car veu les conclusions d'icelle, et les esfaicts qui s'en sont ensuivis, il n'est posible que cela ayt esté faict par des hommes; ceste ligue a premièrement faict mourir le meilleur prince qui porta jammès ceptre , paricide secte qui sera trouvé plus détestable et abominable d'icy à cent ans qu'elle n'est encor apresent, quand on considérera les grandeurs et biens infinis recseus, de la main liberalle de nos roys, par les chefs conspirateurs de ceste ligue, chaichun jugera leurs felonnyes avoir esté plus exécrable qu'aultre, qui aict esté dempuix la création du monde.

Ceste ligue a causé en ce royaume la ruyne totalle d'un million de familles; mais helas ! misérables Bretons que nous sommes, la plus grande furie et

212 DOCUMENTS INEDITS

exécution d'icelle est tombée sur nostre pauvre province. Vous voyés, trois ans y a, que ces aultres princes Lorains ont recogneu leur roy et par conséquant randu la France en espérance de recouvrir sa première splandeur et liberté, nous ne debvons toutefois trouver estrange la prompte recognoissance de ces messieurs, ou qu'ils sont françois natturalisés de père en fils et par conscquant convoiteux de l'advencement de ceste monarchie là, ou au contraire le duc de Mercœur n'a encore au cœur aulchune marque de vray françois, ayant esté envoyé de Dieu, ainsi le nous fault-il croire, du nort de nostre Occident pour nous chastier de nos péchés et faultes; et de vcritté ce grand malheur nous avoit esté presaigé par ceste grande cornette qui nous aparust quelque temps avant ces troubles, laquelle, comme ung chascun peult lors voir, estoit passée directement sur le pays Lorain, et jettoit ces rayons droict sur ceste pauvre province : Dieu par icelle nous advertissoit de recongnoistre nos péchés et faire penitance, laquelle neanlmoings avons négligée tellement qu'il nous a envoyé ce Lorain, cest Attila, ce grand fléau, pour nous punir selon l'endursissement de nos cœurs. Touttefois, quand nous nous reclamerons à la miséricorde de nostre Dieu, et que nous rccongnoistrons nos péchés, il jetera ses verges au feu comme il a promis. Je m'estonne. Messieurs, que ne considérez de près ces actions : ne voyez vous pas, davant vos yeux, le peu de respect et honneur qu'il porte à la noblesse de ceste province ? L'avez vous jammès ouy plaindre nos malheurs et nos misères ? Combien de noblesse est morte et ruynée pour son service ? Et neanmoigns leurs successeurs en ont-ils tiré aul-

chunne recompanse? Ne voyés vous pas encore apresant comme il est empesché à faire bailler la ferme de nos biens, affin de retirer touttes nos commodittés ? Saichant que nous faillirons à faire de mesmc en vos endroicts. Nesse pas monstrer évidemment qu'il désire aultant vostre ruyne que la nostre, ne se donnant de paine de vous ny de nous, pourveu que sa cruauté soict executtée en son insatiable avarice soullée. Vous pouvés espérer de luy, Messieurs, ce que disent communément ces soldats estrangiers qui sont à ceste province, « qu'ils ne sont venuz en icelle pour acquérir des amys ; « ausi ce duc dit « qu'il n'est venu en Bretaigne pour acquérir l'amitié du Breton, ains pour le ruyner, » comme il le monstra bien dès sa première entrée en ce pauvre pays, car tenant ces hommaiges de Penthieure, il desnia à la noblesse leurs preminances et prérogatives, les voulants rendre esgaux aux roturiers. Il n'y a aulchun de vous qui le puisse ingnorer ; nous en voyons touts les jours l'experiance et neanmoigns nous ne nous esvertuons point à résister et chasser une si cruelle tirannye, au contraire, nous demeurons touts assopits et faictsneant, comme si une mandragore nous avoit endormis. Helas ! nous voyons apresant nostre pays qui estoit entiennement si fécond et abondant en touts biens que n'avions aulchunemcnt besoign de nos voysins, estre désert et la plus part inhabitable ; nous voyons les bestes farouches commander aux champs, nous voyons les loups touts les jours manger les hommes, mesmes au millieu des villes non closes, touttes lesquelles chosses sont de grandes marques de l'ire de Dieu, et neanmoigns, ce cœur de fer, ce duc de Mercœur ne s'esmeut à aulchune commiseration.

214 DOCUMENTS INEDITS

Ne voyons nous pas quMl est il y a deulx ans en conferances avecq le Roy, lequel offre à cest ingrat quasi touttes ces demandes pour Fafection qu'il a de soulaiger son peuple? on sçait qu''unne seuUe année de trefve a faict plus de dommaige au pays que troys de guerre. Mais que s'en donne il de paine, de nos ruynes, porveu que sa bource s'enfle, il voudroit que la conferance dureroit tousjours. Reveillons nous, Messieurs, reveillons nous, au nom de Dieu, et mettons touts ensemble la main à Fheuvre, atfin d'abréger les entreprinses et resolutions de ce grand tiran : il est en vostre puissance, Messieurs, si vous aves aulchunne estincelle d'amitié à vostre patrie ; elle vous en conjure, mesme sur l'obligation qu'elle a sur vous, sur le respect que debvés a vos maieurs, et l'afection particuUière qu'avés à la sépulture d'iceulx, d'y travailler, ce que pouvés faire en peu de temps si me voullés croire. Premièrement vous Monsieur de Sainct Lorans, de qui les prédécesseurs ont estes si fidelles serviteurs aux feuz roys, ostés cette marque de felonnye de vostre racze, et vous randés au service de sa Majesté, avecq les places que tenez en ceste province. Vous messieurs de Quenepilly et d'Aradon, faictes vostre debvoir comme avés la puissance en main, Dieu vous le commande : vous monsieur de Kerberio, suives ce mesme conseil, et vous ausi. Messieurs, qui tenés les aultres places ; montrés vous ensemble touts vertueux et rendes sa liberté à vostre pauvre pays, ce que pouvez faire en un seul jour. Par ce moyen vous ferés votre debvoir tant envers Dieu, le Roy, que vostre patrie, le peuple duquel prira à jamès pour vostre prosperitté. Il ne faut doubler que la voix lamentable du peuple affligé ne

soit exaucé de la majesté divinne, ce faisant vous tirerés recompanse oultre vostre debvoir tant du ciel mesme que de la terre, car le Roy vous recongnoistra à jamais vous et les vostres : au contraire si vous demeurés opiniastres en vos felonnyes (ce que Dieu ne veille), vous continuerés au crime de leze-majesté, divin et humain au premier chef, lequel quoy que puissiés pancer, ne demeurera impuny, et plus tost vollontiers que n'espérez mesmes à la ruyne totalle de vos générations.

Messieurs il n'y a encor, par manière de parler, trois jours que nous en avons veu l'experiance : ne scavés vous pas bien comment furent punitz ceux qui suivirent le party des prédécesseurs d; ma damme de Mercœur , les biens desquelz pour pareilles rebellions que la vostre, et pour soustenir mesme maison que faictes , furent touts confisqués et la pluspart de la noblesse decapittée, et les seigneurs d'icelle maison forbaniz , lesquelz ont estes vagabonts par l'espace de houict vingt ans, sans autre retraicte, sans aultre maison, ny loge auchune ; de nostre aige la bonté de nos roys les a remis en leurs terres, qui a esté la ruyne totalle de leur majesté et de tout le royaume : en cest endroict je m'avanceray d'interrompre mon discours et diray que les malheurs desquelz apresent sommes affligés ne procèdent d'ailleurs que du secret jugement de Dieu, et ce pour la punition de l'adultère et paillardise de ce grand roy Henry second lequel, pour parvenir à l'exécution de ces concupissances charnelles octroya aux prédécesseurs de Madame de Mercœur l'entrée et jouissance enthière de la maison de Penthieure : voilla la source de nos misères, car s'ils n'y eusent

2l6 DOCUMENTS INÉDITS

esté remis, la Bretaigne ne se fust révoltée contre son prince souverain comme estant la plus fidelle nation du monde, et seroit nécessaire, pour y randre unne paix perpétuelle et par consequant en tout ce royaulme, que le Roy feist à ceulx de Penthieure de mesme que les Romains feirent aux Cartaginois. Car tandis que leur racze demeurera en Bretaigne, ils seront ausl promps à se révolter , comme ils ont estes apresant, et tiendront d'icy à cincq centz ans la principalle porte de ce royaume ouverte aux ennemys d^iceluy pour y entrer, Ycy donc, vous aultres roys et princes souverains, considérés de quelle eficace est ce péché de paillardise ! Vous voyés comme nous sommes punits jusques à la cinquiesme et seiseiesme génération, pour le péché de nostre prince; que ne regardés vous meurement, o Roys et princes, quant royaumes et empires ont estes destruicts et ruynés par la paillardise ? vous voyés que le péché de David causa la mort d'unne infinité des enfantz d'Israël ; vous voyés que Salomon, qui avoit eu ce don de Dieu d'être le plus saige, et le plus riche homme du monde, se perdit et son royaume discipé pour iceluy péché : vous voyés que les premiers roys romains furent du tout exterminez pour ce vice, et sans aller plus loign, vous voyés la perte yrecuperable qu'ont faict vos maieurs, pour ce mesme péché, des royaumes de Sirye, Sicille, Naples et plusieurs aultres principaultés, ayant tousjours esté la nation Françoise invincible, que par soi mesme, et tenés pour règle infalible, o roys et princes, que ce vice de paillardise esminuera plus tost vos subjects à ce révolter que touttes les concutions et tirannyes, desquelles scauriés user en leurs endroicts; au contraire,

voyés les histoires passées, vous trouvères que la continuation et abstinance de ce vice, a aporté à une infinité de monarques et grands capitaines plus de regnoumée que les armes mcsmes, comme à un Alexandre le Grand, à un Sipion Fafriquain, à un César et aultre desquelx pouvés prandre example, il ne ce fault nullement rebarber contre le commandement de Dieu qui par son arrest dit que le paillart n'antrera au royaume des cieux. En toutte humilitté et obéissance vous supplieray, o roy très crestien, de regarder en consiance si vous vous santés tache de ce pechéj quoy estant, vous conjure, au nom du grand Dieu vostre Seigneur et maistre, de chasser de vostrc esprit telles tentations diaboliques, car ce seul vice est assés suffisant pour offusquer un million de vertuz dont Dieu vous a doués ; employés, sire, employés ceste semance Royalle à nous faire des roys légitimes pour la conservation de ceste monarchie, ne jetés, sire, les marguerittes aux pourceaux ; vous estes encore en aige pour avoir des enfantz lesquelz peuriez voir porter la lance à la teste de vostre ennemy. Au contraire si ne donnés ordre à cela, vous serez seul occasion de la destruction et dicipation de ceste monarchie, laquelle a esté la tremeur de tout le monde.

Il faut que je parle ausi de vous aultres, o magistrats, entre les mains desquels le Roy a mis le glaive pour administrer justice, que serez trouvez inexcuzables devant Dieu d'avoir manqué d'user de la rigueur de la loy pour le chastiment de ce péché d'adultère et de paillardise lequel par vostre faulte seulle pululle de telle faczon en ce royaume que la chosse est tournée en coustume : vous voyés, quoy

ai8 DOCUMENTS INEDITS

que faciès les sourdz et aveugles, le desbordement des femmes, leurs paillardises publicquement, et y sont si experimantées qu'elles en composent des livres. N'espérés point que nos malheurs cessent, tandis que ce pechè règne, il vous est nécessaire, ô magistratz y aporter des remèdes extresmes, qui sera en faisant punir sévèrement et sans exception de personne, selon la rigueur des loix tant saintes que prophanes, touts ceulx que trouvères tachés de ce villain péché ; lors vous voirés nostre Dieu nous envoyer sa première bénédiction, et ceste monarchie retournée en sa première grandeur et excellance. Je cesseray ce propos, pour revenir à mon premier subject qu'est de remonstrcr à la noblesse la faulte qu'elle commet de suyvre le duc de Mercœur. Vous voyés. Messieurs, que ce n'est de ce jour que ceste maison de Penthieure est ennemye du repos public, et non seullement de ce costé de Penthieure ils sont en pocession d'estres traîtres et félons à leurs roys, mais ausi du costé parternel de la duchesse de Mercœur.

Ne scavons nous pas bien ce qui advint au comte de Saint-Pol de Luxambourg, connestable de France, lequel trahit meschantement son prince et sollicita le duc de Bourgoigne, prédécesseur maternel du roy d'Espaigne apresent, pour faire la guerre au Roy, lequel assisté de plusieurs aultres princes, mesmes de ce connestable, firent de grandes ruynes et désolations en ce royaume ; mais, par la grâce de Dieu, après touttes ces misères, la paix se feist entre ces princes, et par ce moyen le mutin et sedicieux connestable demeura entre l'au et la corde, lequel à la fin reçzeut telle punition qu'il avoit mérité. Ces héritiers donc apresent, tant de Penthieure que de ce

Luxambourg ont ensuivi directement la trace de leurs prédécesseurs et ont solicitté les héritiers des mesmes roys d'Espaigne et de Bourgoigne, pour faire la guerre au roy, mais Tun de ces jours, quant Dieu voira nous avoir assés chastiés, il nous donnera sa paix, et acordera ces roys et lors ces ceditieux et rebelles recevront vollontiers pareille punition qu'ont reczeu leurs prédécesseurs; mais je regretterois, Messieurs, que telle punition tombast sur vos espaules que feist sur ceulx qu'avoint suyvi les prédécesseurs de madamme de Mercœur. Car de ce temps là leurs races fust du tout exterminée de la terre et leurs biens baillés et distribuez à qui bon sambla au duc sans que deu dempuix aulchun des dessandantz desdicts rebelles ayent pu rantrer en leurs heritaiges. Il n'est posible. Messieurs, vous bailler plus belle comparaison, car il est question du mesme crime, il est question des chefs séditieux dessanduz de la mesme race, il est question des mesmes roys ; que pouvés vous donc espérer, que la mesme punition ? Certes il fault croire que Dieu est le mesme Dieu qui estoit lors qui scaura chastier toutz ces perturbateurs, quant il aura assès enduré, à quoy il ne faillira quant il n'y auroit que les cris lamantables des pauvres veufves, orphelins et personnes misérables, lesquclx à chascune minutte d'heure demandent vangeance à Dieu de ce duc de Mercœur qui ne veut escouter à la paix. Je ne scay comme il osera se presanter davant le throsne de Dieu après avoir causé tant de brullementz de villes et villaiges, tant de vioUementz de fammes et filles, tant de meurdres et assasinatz, tant de pillaiges et ravaigements, tant de deniers levez sur le pauvre peuple qu'il ne leur a laissé que le seul

souspir. N'espérez point, Messieurs, que seul il en porte la punition, car sans le secours et aide que luy donnés, il y a longtemps qu'on eust empesché ces dessains, ainsin n'estes excusables envers Dieu, non plus que luy. Croyés que le sang qu'avés espandu cruellement, est à toutte heure davant la majesté divinne à demander vengeance de vous et de vostre chef. Ayés donc, Messieurs, ayés pityé de vostre pays, escoustés la voix du reste du peuple qui est demeuré après le glaive et la famine, qui vous crie miséricorde. Il est en vostre puissance de luy randre sa première liberté. Suives l'exemple. Messieurs, de ce grand mareschal de Rieux, lequel promist toutte assistance au roy de France, son maistre, pour contraindre nostre duc de luy faire la foy de sa duché par la promesse que le roy luy faisoit de ne prétendre aultre chosse audict pays, mais quant les François y furent entrés se fust à sacaiger, briiller, ruyner, violler, bricf à faire toutes les cruautés desquelles se fus avisé le plus grand barbarre, comme faict aprésant vostre duc de Mercœur : quoy voyant ce dict mareschal de Rieux, il eut pityé de son pays et s'exposa vertueusement à la deffanse d'iceluy contre le roy son maistre, le contraignist de se retirer et quitter sondict pays. Voudricz-vous, Messieurs, un plus grand mirouer que celuy là ? Imittés donc maintenant ce brave seigneur, puisque le pouvés faire justement.

11 me souvient que lorsque la tresve fut puplyée davant Moncontour, durant le siège que le duc de Mercœur y tenoit, on assura que le Roy s'estoit randu catholicque apostolicque et romain : je vous ouys, Messieurs, alegrement dire, hault et clair,

mesmes en la chambre de vostre duc de Mercœur, que si cela estoit, vous déclariez librement ne porter plus les armes contre Sa Majesté. Dempuix, vous avés congneu occullairement que nostre Roy s^est réduit, trois ans y a, au giron de Peglise, faisant Fexercice d'icelle, et, pour assurance de ce, il y a plus de deulx ans que le très Saint Père le pappe Ta recongneu pour roy très crestien et premier fils de reglise,a envoyé son légat en France pour faire commandement à tout le peuple françois de luy obéir à painc de sentence d'excommunys , desclarant dès rheure tels ceulx qui eussent contrevenu à ces commandements; dempuix a envoyé de grands pardons et indulgences à tout le peuple François, pour louer Dieu, de la conversion d'ung si grand prince à la pupblication desquels vostre duc de Mercœur c'est oposé, avecq deffance à toutes personnes de non les publier aux lieux de son obéissance à paine de la vie; commandement de vérité le plus inicque et détestable duquel on ait jammès ouy parler pour un qui se veult dire crestien et pillier de la foy, comme il s'apelle par ces tiltres. A on oncques ouy dire que prince et catholicque ayt voullu empcschcr la resolution de l'église ? A on oncques ouy dire que prince catholicque ayt voullu empescher le peuple de louer et prier Dieu? A on oncques ouy dire que prince catholicque ayt voullu contrevenir au commandement du très Sainct Père, lors qu'il a esté question de la religion ? Certes non et ne s'en trouvera mantion aulchunne par les histoires passées.

Or sus donc. Messieurs, vous voyés ce voillc de religion osté, et par consequant toutz aultres, effacés par mesme moyen de vos cœurs toutte affection de

222 DOCUMENTS INEDITS

servir ce tiran, et acomplissez les belles promesses que je vous ouys toutz faire de servir vostre roy et prince nathurel ; le faisant, nous aultres, vos compaignons, parans et amys vous embrasserons et exalterons jusques au ciel à jammès, parachèverons le reste de nos jours ensembles en toutte concorde et amityé fraternelle, comme ont faict nos pères en ceste espérance, nous prirons Dieu, Messieurs, vous assister de son Sainct Esprit vous donner force et couraige pour entreprandre et executter l'avis et conseil que nous vous donnons cy desur pour la liberté de vostre pauvre pais. Adieu.

[Arch. des Côtes-du-Nord.)

SS^5^SS^^SS^^5^iS^$^^S^e^iS^$^ÎS^5^SS:^e^

1596. 4 décembre. Nantes. Lettre du duc de Mercœur pour décharger le s'' de Coetlogon Kerberio de la caution donnée pour la rançon du marquis de la Roche.

lous Philippes Emanuel de Lorraine, duc de .Mercueur et de Pentheure, pair de France, ^prince du S* Empire et de Martigues, gouverneur de Bretaigne, avons ce jourdhuy, quatrième jour de décembre mil cincq centz quatre vingtz seize, quicté, deschargé et deschargeons le s' de Querberyo,

commandant es ville et château de Josselin *, beaufilz et héritier à cause de sa femme du s'' de Crehannic et les héritiers dudit s'' de Querberio de la pleuvine, et caution à laquelle ledit s'' de Crehannic se seroit constitué par obligation avecques le s"" de Trevalot et ses certifficateurs pour la rançon, pensions et gardes du s'' marquis de la Roche, nostre prisonnier de guerre, parceque nous nous contantons de la pleuvine, et cautionnement dudit s»" de Trevalot et desdits certifficateurs, pour la satisfaction de la somme porté et comprinse à ladicte obligation pour ledict marquis de la Roche ; et au cas de poursuitte par ledict s"" de Querberio et les siens pour la satisfaction de ladicte obligation, en recouvriront les frais et despens qu'ils y pourront et conviendront faire vers et contre ledict sr marquis de la Roche, et pour tesmoingnaige de ce, avons signé le présent descharge et faict contresigner à Tung de nos segretaires ordinaires, les jour et an que dessus, à Nantes.

Ph9 Emanuel de Lorraine. — Camerot,

(Arch. des Cvtes-du-NordJ.

* Le s' de Kerberio avait été ensuite nommé gouverneur de Moncontour par le duc de Mercœur, En i6o5, le i3 juillet, après sa mort, Henri IV lui donna pour successeur Jean d'Avaugour, s' de S'-Laurans, qui lui-même avait eu ce gouvernement, du fait de M. de Mercœur, et évidemment avant le s' de Kerberio.

â^â^êî)d:!êj)<âDS:Dêj)âj)â::> <^â:DôÎDâj)&

1597. 25 avril. Lettre de Brissac au roi.

Sire,

RENVOYE à vostrc Mag''^ la coppie d'une lettre )non pour aultre chose que pour luy faire voir que ceux de M. de Mercœur s'attendent que M. le C'e de Chaligny viendra pour leur party en ceste province, ce qui est d'importance et que les ennemis ne recherchent que sur Taprehension qu'ils ont de voir arriver quelque accident à la personne de M. de Mercœur, affin que quelqu'ung recueille lidellement leur party, et seront bien aizes de le treuver tel qu'ils en dispozent comme ils vouldront. Au reste, sire, sy les ennemis ont des Espagnols, il fault que vostre Mag'* aye dœux mille Anglois en ceste province ensemble des pouldres, baies et artillerie, à quoy elle pourvoira s'il luy plaist, ne l'osant importuner de plus fréquentes supplications la desus que du propre interest de son service. J'ay veu ces jours passez M. de Montgommery qui m'a fort assuré d'estre très aff"' serviteur de vostre Mag'^ et qu'il luy fera paroistre quoy qui arrive, ainsy qu'il luy a promis. C'est tout ce que pour ceste heure je puis advertir vostre Mag" qui aura sceu les entreprises des ennemis sur Donfront, Ploermel, Durtal et traicté de Mirebeau, touttes prœuves de la bonne foy des ennemis qui prenent prisonniers et font le pis qu'ils peuvent ; nous ferons ce que nous pourrons pour avoir revanche. Et je suis à jamais,

Sire, vostre très humble et très obéissant subject et serviteur.

A Rennes ce xxv* avril iSqj.

(Diipiiy-Autog. Lxiii, p. 5o).

Brissac.

1597. 29 avril. Saumur. Lettre du comte de Schom-

berg au l'oi.

Sire,

E sieur de la Roche des Aubies vient d'arriver. Il m'a confirme, touchant la conti- Inuation de la suspension d'armes, ce que le s^ Meslier m'a apporté à scavoir, que Monsieur de Mercœur ne veut ouir parler de trefve, qu'en luy rendant Chasteaubrian, et luy laissant Mirebeau : j'attends la responce dudit sieur de Mercœur sur la lettre que je luy ay escrit sur ce subject, et dont j'ay envoie hier copie à V. M'^ : ledit sieur de la Roche des Aubies m'a dict qu'il vous portoit d'aillieurs une très grande satisfaction de Monsieur de Mercœur, Dieu le veuille, et que les effectz s'en ensuivent, qui est chose peu accoustumée ez traitez de Monsieur de Mercœur. Je ne doubte pas qu'il ne face en apparence tout ce qu'il pourra pour estourdir la créance que ses lettres escrites en gacgon à Carfeniier et son agent au Pais bas, vous ont peu donner de ses détes-

220 DOCUMENTS INEDITS SUR LA LIGUE EN liRETAGNE

tables et exécrables desseins contre V. M'* et vostre estât. Ledit sieur de la Roche des Aubies m'a aussy pressé d'attendre son retour d'auprès de V. M'% mais j'ay estimé estre plus à propos, et pour plusieurs dignes considérations, de m'acheminer comme je feray, Dieu aydant, vendredy, pour vous retourner trouver; si je recois par les chemins commandement de V. M*% au contraire, je n'auray jamais autre chose devant les yeulx que d'y satisfaire et obéir. 11 nous appert de jour en jour quelque nouvelle entreprise de Monsieur de Mercœur et assemble toutes ses trouppes du costé de Poictou, soit pour exécuter son entreprinse sur Poicticrs, ou pour faire d'ailleurs des progrès en Poictou. J'adviseray avec vos serviteurs assemblez en ce lieu aux remèdes qui debvront et pourront estre apportez, en attendant voz commandementz. La haste que ledit s"" de la Roche des Aubies dict avoir de se rendre auprès de V. M'* , m'empesche de vous faire plus longue lettre sur l'estat des affaires de deçà. Monsieur le Président de Thou et moy passerons au partir d'icy par Chinon pour tascher à obvier au mal qui menace vostre service de ce costé là ; et sur ce, je prie le créateur, Sire, de donner à V. M'^ victoire contre tous ses ennemis et parfait acomplissement de tous voz désirs. De Saumur, ce 29» d'apvril iSgy.

De vostre Majesté Très humble, très obéissant et très fidel sujet et serviteur,

SCHOMBKRG.

(Autog.-Dupuy. 63, p. 5i).

iSgS, 2 juin. — Différents entre Vévêque de Tréguier, Guillaume du Halegoët, et son chapitre.

|rticles et interrogatoires sur lesquelz sup- :plye noble et vénérable maistre Renne Fleu- |riot, chanoinne et procureur de Messieurs du chappitre de Peglise cathédrale de Tréguier, deffandeur, M''" Guillaume du Hallegouet evesque de Tréguier et les tesmoigns qu'il entend faire ouyr estre civillement et de bouche interrogués sauffa adjouxter ausdiitz articles par cy apprès, et faire ouir tesmoigns de leur part :

Que puis cinq ans en cza ledict sieur evesque a fortiffié le hault de Teglise catedralle de Tréguier et les tours, et faict faire tambour, et bouché les degrés par où l'on alloit aux tours et à la salle au dessus du resvestière de ladicte église et aux orgues ;

Que pour parvenir à faciliter et faire plus commodément sa retraicte ausdictes tours, ledict sieur evesque auroict fait parler ausdictz sieurs du chapitre pour permettre de percer le pignon entre son manoir episcopal et ladicte sale ;

Que voyant qu'il ne pouvoict parvenir à obtenir ses pretensions dudict chappiltre, il a de son auctorité faict ouverture audict pignon pour entrer en la salle ou estoinct les lectres garandz et instructions tant dudict chapitre que de ladicte église, joyaux et relicqucs qui estoinct en un cachot et aux depandances de ladicte salle qui est une partye de l'edeffice de ladicte église, de laquelle lesdictz sieurs du cha-

pitre sont en possession de tout temps immémorial fors que depuis les trois ans derniers qu'ils ont esté troublé par ledit sieur evesquc ;

Que de mémoire d'homme n'a esté veu aucune ouverture audict pignon de ladicte salle fors puis trois ans ;

Que l'on entroict en ladicte salle par une porte à ungn degré qui respondent en dedans de ladicte église, en laquelle salle y a une escoutille pour descendre au revestiaire au cas que le secretain ou ses commis ayent perdu les cleffz dudict revestiaire ;

Que les prédécesseurs sieurs evesques n'ont eu aucune entrée en ladicte église devers le manoir episcopal que par la porte qui est en la muraille de la chappelle du duc ;

Que les fortiffications faictes ausdictes tours et au hault de ladicte église sont beaucoup nuisibles et préjudiciables aux voultes et arcs de ladicte église, et ont empesché que les reparacions nécessaires et utilles ne se fussent faict sy commodément que l'on eust peu faire auparavant la construction d'icelles, n'aiant peu faire monter les ouvriers sur ladicte église ;

Que puis les cinq ans derniers ledict sieur evesque a faict plusieurs voiaiges à l'isle de Brehat, au manoir de Kergrescq et au lieu du Vergier, et en quelques maisons particulières en ladicte ville, et a sorty souvant hors de son manoir episcopal pour bailler des ordres ;

Que les chanouenes de Treguier absants ne gaignent ny n'ont part aux distributions de ladicte église s'ilz ne sont empeschés pour les affaires dudict chappitre et despances par icelluy ;

Que ledict sieur evesque ne gaigne ny n'a part aux distributions de ladicte église que comme clianouene fors touchant la fondation ducalle en laquelle il gaigne deux portions de chanouene pour bailler la bénédiction.

De laquelle interrogation pour servir comme appartiendra a esté décerné acte de Tordonance de mondict sieur le lieutenant ledict jour 26» juign tSgS. — Le Bouloign.

Le saesiesme jour de juign iSgS, devant M. le lieutenant de la Court royalle de Lannyon, commissaire en ceste partie, a esté procédé à Pinterrogaiion dudict seigneur evesque, comme la réservation porte par acte jurisdictiel de ce jour, le sermant de luy pris de dire vérité.

Confesse qu'aiant eu advis que Pennemy se vouloict emparer de son manoir et de ladicte église et creignant de la voir en Pestât de celle de Sainct Brieuc, vu la ruine et désolation de sa ville, qu'il auroict faict accommoder deuz chambres pour luy servir de retraicte et aux gentilzhommes que le seigneur de Sainct Luc luy auroict baillé pour Tasister à la conservation desdictz manoirs, tours et église ; et avoir faict, par Tadvis desdits gentilzhommes, quelque deffance qui leur sembloit requises et nécessaires, à ses propres fraiz, et n'avoir rien espargné, mesmes estre endepté pour la conservation desdictz lieux et pais circonvoysins.

Confesse le contenu en l'article, ignorant lors les droictz qui luy appartiennent en l'estude que ceux du chappitre veilent à presant vandicquer et prétendre.

230 DOCUMENTS INEDITS

Dict que sur quelque advis que luy et lesdictz gentilzhommes eurent que les ennemis de Sa Majesté devoit atacquer Tevesché, et préjugeant qu'il n'avoit moien de se retirer aisément ausdictes tours en cas que le logeis principal cust esté gaigné, par auctorité du seneschal royal de Treguier, le requérant le substitut du procureur du roy en présence, de M"""^ René Fleuriot procureur dudict chappitre, l'ouverture dont est cas fut faicte, de laquelle fut faict procès verbal à rinstant, et estât de tout ce qui estoit en ladicte estude, recours audict procès verbal.

Dict avoir entendu par plusieurs personnes qu'il y avoict ouverture audict pignon, ce qui se remarque en devant, et avoir entendu que c'estoit l'estude de ses prédécesseurs qui leur servoict de seul passaige pour dccendre à couvert en leur aglise.

Confesse l'article fors l'escoutillc, et dict que l'ouverture qui est au double de ladicte estude qu'ils noment escoutille avoir esté faicte pandant l'absence du demandeur ou ses prédécesseurs.

Conteste le contenu en l'article.

Dict qu'il se refîere au procès verbal faict ce jour par M. le commissaire de Testât auquel sontlesdictes tours csquelles il n'y a aulchune espèce de fortilîication, et dénie avoir jamais empêché de faire les réparations requises sur et aux environs les dictes tours et église ny d'avoir empeschéles ouvriers de travailler qui ont tousjours eu libre accès.

Dict n'avoir esté ausdictz lieux ny aux champs il y a plus d'un an ; bien cognoit y avoir esté se pourmener durant les treuves deux ou trois fois et n'avoir esté absant de son manoir plus de 2 ou 3 jours consécutifs au plus, et durant son absance avoir laissé

tous jours la conservation de sondict manoir à quelques gentilzhommes d'honneur ; et dict que les jours qu'il a baillé les ordres, que ce a esté en son église, estant asisté de nombre d'homes et faisant tenir les portes fermées fors un petit guichet pour ne pouvoir estre en seuretté en ladicte église.

Confesse l'article pour les chanouaines, mais dict que ses prédécesseurs et luy, à cause de leur dignité et la multiplicité d'affaires dont souvent ilz sont chargés, ont esté tousjours censés presentz et ont gaigné leurs distributions, absantz comme presantz, estantz en leur ville ou diocesse, come ont faict deux chanoines dudict chappittre estant actuellement au service dudict evesque.

Confesse l'article, fors qu'il dict ignorer que la fondation ducalle porte que ce qu'il gaigne est fondé prandre en icelle soict pour donner la bénédiction, mais que ses prédécesseurs et luy ont gaigné tousjours absantz ou presantz, comme dict est cy dessus, et est son interrogation qu'il dict contenir vérité, et a signé en la scedule.

(Arch. des Côtes-du-Nord).

3> 3> » 5> 5 ai * 5> a> ******* »

iSgg. 23 janvier, htformation de-{ desordres et cruaute:{ des troupe\ dans Vevesché de Cornouaille depui\ 1 5 g2 jusqu'à la paix i5gg^.

N Taudiance ordinaire de la Court et sieige îpresidial de Kempercorentin, en Tendroict 'des causes d'offices du domaine d'icelle, thenue et dellivrée ce jour vingt troiziesme de janvier mil cincq centz quatre vingtz dix neufifpar Monsieur le Seneschal de Cornouaille et premier magistract audit sieige, a esté remonstré, en presencze de Monsieur le Procureur du Roy audict sieige, par les habittants des parroisses de Treogat, Landudec, Languern, Treguennec, Ploneour, Combrit, Lisletudy, fillette dudict Combrit, Sainct Ingnorct, Plomeur, Beuzec Capcaval, et Pontcroix, fillette dudict Beuzcc, Plodevet, Tregoures, Edern, Guellevain, Plonevez- Porzay, Sainct Nie, Landrevardec, Corray, Plomelin, Plobannallec, Ploediern, Telgu, Laz, Scaiezrc, Quemenevain, Lotheix, Kaimerch, Sainct Collit, Sainct Segal, Plouezven Porzay, Lopezrech, Argol et Tregarven sa fillette, Dinéaul,Cast, Plouazré dict Douarnenez, Pouldregat, Plogonnec, Pluguen, Sainctois, Lannedern, Braspard, Gouezech, Lesnon, Langon-

' Cette pièce, fort importante, est reproduite d'après une copie de la première moitié du XVII' siècle, vers iGib environ. Nous imprimons tels quels les noms des paroisses, dont plusieurs sont estropiés. Dans Telgu, Lanmijean , Quellien Duault , on reconnaîtra sans trop de peine Telgruc , Landugen, Duaut- Qiiélen, etc.

net, Lannuzjean, Guiscriff, Leuhan , Plouuezrach, Mezle, Quellien Duault, Tresbrivan, Carnot, Trcaugan, Le Moustoir, fillette de Tresbrivan, Paul, La Feillée, Landelleau , Ploueznel, Sainct Hernin, Glomel, Mottref, Ploevin, Mael, Plouker-Kerahès, Plusquellec , Callanhol et Botmel , Locqueffret , Pestivien, Berien, Plouyé, Mouellou, Plounevez- Quintin, Plusullien, Meur, Clouhal-Carnot, Mouellan, Treshou, Sainct Tourhan, Loc-Guenollay, Bay, Lothea, Trevallazre, Mcllac, Tremeven, Bannazlec, Trevenou, Querien et Riec, parlant par M" AUain Le Guiriec, advocat, ayant M'' Francoys le Clercq à procureur.

Que par les continuelles guerres, courses, demeure et ravaige que les gens de guerre de Tung et de Pautre party, tant estrangers, Angloys, Espagnolz, Suisses, Lansquenetz, que autres, ont faict esdictes paroesses et en genneral par tout ledict evesché de Cornouaille, depuys le commancement de ces misérables troubles jusques à la publicquation faictc Tan dernnier de Pedict de paciffication et les sieiges mis devant le fort de Crozon, la ville et chasteau du Pont- PAbbé, Penmarch le Cremenec, Corlay, et trois foys devant le fort de Douarnenez, et plusieurs garnisons qui ont esté audict evesché, comme la garnison de Kemper, de Concquerneau , Douarnenez , le Fou , Crozon, Tronguedec, Corlay, Kerahès, Couetbihan, Blaouet , Cremenec, Rostrennan , Gourin et par nombre de paroesses dudict evesché, mesmes ordinairement grand nombre de trouppes desdicts gens de guerre qui ont sejournné en icelle, lesquelz les ont oppressés, ravaigés, foullés,vivantz insoUenment, inpossant sur ycelles de leur aucthoritté privée.

oultre celles qui se faisoinct ordinairement pour les deux partiz, levées [de] denniers tant ordinaires que extraordinaires, soict pour magazins, estappes, fortiffications, entretennementz desdictes garnisons et gens de guerre desdictz deux partiz, oultre estre contrainctz aux corvées innumerables ausdites placzes et garnisons, quelques treffves qui ayent esté, de quoy ilz ont souffert telle oppression, foulle et ruyne, qu'ilz sont denuez de tous moyens, leurs biens meubles estes bruslez, cassez et emportés, leurs maisons aussi bruslez et desmolys, les vilaiges et thenues de touttes lesdictes parroesses presque desertz, inhabitez et à l'abandon, les habittantz et coulions d'iceulx mortz de pauvrettée et de fain et aux prinsons, où ilz ont esté thenus par lesdictz gens de guerre, par faulte de payement desdictes levées et fortiffications leur mis sus et pour payer, excessives ransons; plusieurs par avoir enduré tormentz et fatigues, estantz prins des gens de guerres, et aultres par avoir esté aux guetz, et avoir prinz le bestiaill desdictz pauvres habitans desdictes parrouesses,qui estoit toute leur nourriture et proffilt en travaillant leurs terres sur culx prins ou par exécutions vanduz, par faulte de payement desdites levées de denniers, impositions et tailles, de fasson que ce qui reste en vye des habittantz dudict evesché sont misérables, combien qu'ilz soint en sy petit nombre, que de troys centz personnes qui estoinct auparavant lesdictes guerres, il n'en reste maintenant vingt, ayans esté contrainctz de quicter et habandonner leurs maysons et habitations, n'ayantz durant ledit temps peu trouver aulcun surs accez, leurs terres demeurées en frische et non labourées, lesquelles n'ont, plus de cincq ans sont, en la plus grande

SUR LA LIGUE EN BRETAGNE sSS

partie dudict evesché aulcun fruict ny revenu, de sorte que c'est Pendroict de tout le païs et duché de Bretaigne le plus pauvre et plus ruyné et plus désolé, et où les gens de guerre ont plus abondé que en nul aultre endroict dudit pais ; auquel evesché et paroesses les armées, tant de Sa Majesté que du contraire party Françoys et Estrangers, ont demeuré, séjourné, passé, vescu à discrétion avecque toute licence desbordée, depuis le commancement de l'année mil cincq cents quattre vingtz traize jusques à Tannée dernière. Et sur la fin de ladicte année mil cinq cent\ quatrevingt:{ tre{e, le conte de La Maignanne se logea avecq un regimant de huict à neufl'centz hommes en ladicte ville du Fou, qui estoit auparavant oppuUante et riche, de laquelle Sa Majesté retiroit grande finance pour le trafficq et commerce que on y faisoit, en lacquelle lesdictz gens de guerre firent telle ruyne et desollations que en huict à dix jours il fist mourir plus de troys mil hommes, tant gentz d'eglize, gentilzhommes que marchantz et paysantz, pillé et ravaigé tout le pays de trois, quatre à cincq lieues de ladicte ville, de sorte que depuis ledit pais a esté presque désert, et s'estant ledict conte et ses trouppes retirés hors ladicte ville, il se seroit rendu es villes de Loc-Renan et Pontcroix, sur lesquelles villes et pais circonvoisins il fist de grandes et excessives levées de denniers de son aucthorité privée, montant à plus de dix mil escuz, oultre les ravaiges, volleries et ransonnementz de ses soldatz,et environ Pasques ensuivant (15941, le si^de La Fontenelle, faisant lamesme routte,usa de pareilles et grandes viollanczes, cruaultés, exactions et bruslementz, tua et massacra au bourg de Sainct Germain deux à troys mil hommes, tant

gentilzhommes, bburgeoys, que du plat pais, qui voullurent s'^opposer à ses desseings , veu la grande cruaulté dont il usoict.

L'armée espagnolle les suivit, et passant par ledict evesché avecques toute licence et dérèglement, alla se loger au terrouer de Crauzon où elle bastit un fort, pour lequel reprendre et ruyner, ensemble pour acheminer la réduction de la ville de Kemper-Corantin et pais voysin en Tobeissance de Sa Majesté, l'armée du Roy, conduitte par Monseigneur le mareschal d'Aulmont, dessendit audict evesché et y demeura plus de six moys, temps continu durant lequel ledit seigneur mareschal fict levée de dcnniers audict evesché de plus de cent cincquante mil cscuz. Les commis aux receptcs des deniers royaux contraignirent les habitta'nts du plat pais de payer lors quatre années des fouaigcs et aultres denniersroyaulxtouten ung coup, précédant la dicte reduicte*, neanmointz que les recepveurs du seigneur duc de Mercueur durant ledit [an ?] ^ précédant auroinct contrainctz lesdictz habittantz à leur payer lesdictz denniers, et en oultre lesdictz habittantz furent contrainctz par ledict seigneur mareschal de faire grans magazins pour ayder auxdicts sieiges de Crozon et Corlay , et contribuer aux fortiftications de la cittadelle par luy commancée en la ville de Kemper-Corcntin, et aultres corvées pour les fortiffications des villes dudict Kemper-Corentin et Concquerneau ; laissa de grosses garnisons en ladicte ville jusques à vingt et deux compaignies de gens de pied et quatre compaignies de gens

* Sic, réduction.

2 Le mot est resté en blanc dans le manuscrit.

de cheval, et troys à quatre centz hommes au chasteau de Concq, au Pont-l'Abbé, Kcrguelcn, Le Fou et Lauderneau; et durant ledict temps les Espaignolz estantz ordinairement à Quimperellé, qui sont touttes villes et placzes situées audict evesché de Cornouaille, qui travailloyent et fortiffioient touttes lesdictes placzes et garnisons dudit pais ; et du depuis le partement dudict seigneur mareschal dudict evesché, et ayant deslogé le seigneur de La Fontenelle du chas-

teau de Corlay, s'empara de la maison du * et

du fort de Douarnenez, où il * tist bastir ung fort dans lequel il a esté par troys reprinses assieigé, et pour faire lesdicts sieiges lesdittes armées ont séjourné audict evesché ordinairement plus de dix moys.

Comme aussy d'aultre part ledict S'' de La Fontenelle, lorsqu^il a esté en liberté, a donné si grande licence à ses gens de guerre qu'ilz ont tout reduict à rien, tué, massacré, emporté et bruslé tant en temps de guerre que en temps de tretîve et en tout ledict evesché, les femmes et filles viollées, tués les marys, pour ce faire faict loger sesdictes trouppes, qui estoient de plus de douze centz hommes, es maisons des gentilzhommes, icelles bruslées, dcsmollies, et ruyné les editiices, boys et décorations, prins et emporté le bestaill trouvé par tous les champs, aussy prins et mené sans en restittuer aulchun ; et se sont portés si insollemment en toute action que auchuncs personnes ecclcsiasliqucs, de la noblesse, du Tiers Estât et laboureurs d'uulchun lieu, cndroict, ny de quelque

' Le manuscrit a encore ici un blanc.

^ u II », c'est La Fontenelle. >.

238 DOCUMENTS INEDITS

aaige que ce soict, n'ont eu le moien de se trouver ny demeurer en leurs maisons ; les champtz demeurez desertz, les esglizes profannées, la terre sans culture, et ce qui pouvoit estre cultivé et semé a esté par luy prins et emporté et faict randre audict fort de Douarnenez, de Cremenec, Penmarch, Coetbihan, et en plusieurs aultres endroictz où il establysoict des garnisons; pour cest effect auroit par département baillé à ses soldatz les dixmes de benefficzes, biens et revenuz, maisons et rentes des ecclesiasticques et de la noblesse et du tout indifferammant : de tout quoy, neanmointz que les tittulaires et propriéttaires contraignoient le peu d'hommes qui estoient esdictz lieulx et thenuez à payer leurs rentes, les soldatz dudict Sr de La Fontenelle ont aussy jouy jusques à la dicte pacciffication et longtemps après ; et par ce moien les pauvres paysaniz et habittantz du plat pais contraintes à payer leursdictes rentes deux àtroys foys durant les deux années de treffve qui ont esté en ladicte province et de payer les denniers royaulx à Pung et à Taultre party, mesmes les arreraiges de troys à quatre années à ung coup. Neantmoints avoient audict evesché grand nombre de gens de guerre de chaicun party , quy vivoient à discrétion faisoint levées de denniers de leur aucthorité propre, magazins et estappes, et oultre contrains aux fortiffications et corvées des garnisons, et de plus souvent ceulx à qui il restoit quelques moyens ransonnez et par infinis et cruelz tourmentz contrainz payer ce à quoy on les avoit taxés ou mourir misérablement oulire perdre leurs moyens : tellement que ces inicques actions ont resduict Testât des habittantz dudict evesché et randus sy misérables que, à présent ny de troys

SUR LA LIOUE EN BRETAGNE aSg

à quatre ans prochains, ils ne sçauroient avoir payé ce que leur demande les recepveurs du Roy dudict evesché estans à presant en charge.

Lesquelz maux ne sont diminuez audict evesché pour la publicquation de Tedict de paciffication, mais au contraire redoublés par les courses ordinaires des huissiers et sergeants employés par lesdicts recepveurs de Sa Majesté pour le payement tant des deniers ordinaires que extraordinaires des années précédantes et la presante, et les despartementz que l'on a ezdictes années passées faictes à plusieurs gens de guerre desdictz denniers, faulte aux recepveurs du passé d'avoir denniers comptantz pour les satisflFaire, ce qui leur a esté aussy fort dur à souffrir, se couvrantz du manteau de justice, voire aultant que PinsoUancze desditz gens de guerre, qui leur auroicnt prins le peu qui leur restoict de bestiaill, n'ayant aultre chose pour leur substance et nouriture, tous les jours encantés et venduz à vil prix, faict monter les fraiz desdictes exécutions à deux foys aultant que le princippal, constitué les personnes de ceulx qui restoient en vye desdictes parroesses dudict eveschés es prinsons, lesquelles en sont encorcs plainnes, et la pluspart d'iceulz mortz et meurent de fain et pauvrettée tous les jours. Et qui est aussy très dur, voullantz abandonner tous leurs biens et faire cession pour sortir de ses misères et avoir la liberté, en sont empeschez, et n'y sont receuz, de sortte qu'il fault ausdicts recepveurs payer leurs despans esdictes prinsons. Les malladies contagieuses et pestillantieuses qui ont suivy ces maux les pressent et travaillent, et est ancores aujourd'huy si grande mortallitté que y a plusieurs paroesses désertes et où il ne

240 DOCUMENTS INEDITS

demeure personne et n^ sçauroient demeurer en vye que fort peu de temps, et la pluspart des aultres quasy inhabittées, de faczon que sy telles misères et tourmentz continuent il ne fault espérer que la tottalle et indubittable ruyne des paroesses de tout ledict evesché, duquel auparavant ces troubles Sa Majesté retiroit plus de secours par les finances que [de] nul aultrc evesché de ceste province, demeurantz les champz en fresche et sans labeur ny culture, d'où les ecclcsiasticques, les gentilzhommes et les habittantz des villes tiroient leur revenu, nourriture et entretennement et le Roy son secours et finances.

S'il ne plaist à Sa Majesté par une grâce speciallc declairer les habittantz desdictes parroesses et dudict evesché quictes desdicts arreraiges desdictz denniers tant ordinaires que extraordinaires du passé, et à Padvenir pour quelques années les descharger des fouaiges, tailles et touttcs aultres impositions, pour, estantz remis cy après, avoir plus de moyens de contribuer aux affaires et nécessitez qui se presanteroient et, le temps qu'il plaira à Sa Majesté leur octroyer passé, contribuer le payement desdits denniers ordonnez.

Recquerantz,poury parvenir, estre receuz à infformer tant en Taudiance dudit sieige par encqueste sommaire et nottorietté que aultrement en cahier à part et dépositions séparées de ce que dessubs, et que coppye de ce et aultant leur soit adjugé des infformations et actes à la resqueste du clergé dudict evesché, recepveurs des deniers royaulx et des decimmes d'iceulx faictz en pareilz pour et à fin de se pourvoir vers Sa Majesté. A laquelle resqueste se seroient jouaintz les paroyssiens des paroesses de Pouldregat,

Poldreizic, Lababan, Peunerit, Treguennec, Trcmean , Lotudy, Ploezinnec, Ploeibcn , Kimcrch , Logueffret, Loguionnet, Gourin, LeSainct, Maël, Bericn, et en gênerai tous les parroessiens des parroesscs dudict evesché de Cornouailles, parlantz par M* Jacques Godet advocat, ayans M« Corantin Godet à procureur, suppliant y estre receuz.

Faisant droict sur lesquelles requestes tant dudict Guiriec que dudict Godet et oudit nom, ouy et le consentant le Procureur du Roy audict sieige, nous avons appoincté ladicte infformation recquise à telle fin que de rayson. Suyvant quov ont produit à thesmoins, savoyr : missire Allain Collet recteur de Cleden et chanoyne de Cornouailles, missire Guillaume Le Petit recteur du Tour du Chastel dudict Kemper Corantin, escuyer Charles Gouazvenou, sieur dudict lieu, Allain Le Rougeart, sieur de Locqueran, nobles gens Alain Le Baud, sieur de Pratanras, Jan le Mestaier, sieur du Moustouer, recepveur des décimes dudict evesché de Cornouailles, Riou de Kerguelen s' de Keranroch, M'' Yves Furie s^ de Treffentec, Thomas Gucgant, Hervé de Kerguelen s' de Penanrun, honorables hommes Pierre Androict, Pierre Jaureguy s"' de Penanpont, M*" Jehan Le Brethon, M"" Jean Le Predour et Jean de la Verdure, huyssiers audict sieige, Me NicoUas Gau, huyssier des Eaues et forests en Bretaigne. M» Jean Collobcr, Jean Trobel, et Henry Pierres, sergeantz royaulx, gcneraulx et d'armes en Bretaigne, Me Jean Le Doussen, Jean Calvcz, aulires sergeantz. Lesquelz par leurs sermens jurez de dire vcrittée, purgés de conseill et sollicitation, et séparément interrogés, apprès leur avoir faict à chaicun d'eux entandre

DOCUMENTS INEDITS

les faicts qui par ladicte remonstrance [sont allégués], ont unysmant et de mesme voix dict et attesté que n'a rien plus certain, commun et nottoire que la guerre s'est faicte plus cruellement et avecqucs plus de licence et desborderaent audict evesché de Cornouailles que en aucun aultre de cestc province, et que les armées des deux partys y ont esté ordinairement puis les six ans derniers, et sont bien memoratiffs que, environ le commancemant de Tannée mil cinq centz quattre vingtz douze, les trouppcs du Roy s'advanczèrent audict evesché, en la ville et jurisdiction de Kerhaes, soubz la conduitte des s"' de Bastenay, Liscouet et la Tramblaye, se jettercnt sur le plat pais tenant le party contraire, tuèrent et massacrèrent entre laditte ville et le fort du Granec plus de quattre à cincq mil paysans, et environ la fin de laditte année, le conte de la Maignanne avecq son regimant de huict à neuff centz hommes se logea en la ville du Fou, apprès au bourg de Locrenan et Pontcroix, vivantz a discrétion sur le plat pais, tuantz et massacrantz touttes sortes de personnes, pillantz et ravaigeantz le pais et faisant levées de denniers de plus de douze à quinze escuz par feu. Et environ Pasques mil cincq centz quattre vingtz treize, après que ledit conte de la Maignanne se fust retiré, le S"^ de Fontenelle, qui s'estoit logé audict Granec où il avoit fait un fort, feist mesme routte, usant de plus grande vioilancze, cruaultez et vexations, thua et massacra au bourg de S^ Germain, audict evesché, deux à troys mil hommes, tant gentilzhommes, bourgeoys que du plat pais, qui se voulloient opposer à ses abominables cruaultez. L'armée espaignoUe le suivit et passa par tout ledict evesché, faisant aultant

de maux et cruaultez, pour se loger et bastir le fort de Crozon ; pour lequel ruiner et reprandre et aussy pour acheminer la réduction de laditte ville de Kempercorentin au service du Roy, l'armée de Sa Majesté, en Tannée mil cincq centz quatre vingtz quatorze, conduitte par Monseigneur le mareschal d'Aulmont, dcssendit audict cvesché et séjourna sur le pais environ de ladicte ville de Kempercorentin plus de six moys temps continu : auquel evesché il fist levées de denniers pour plus de cent cinquante mil escuz et de grand nombre de bledz pour les magazins des placzes fortes et nourritture de son armée es sieiges de Crauzon et Corlay, et lesdicts sieiges finis, fist estappes pour gouverner son armée audict evesché. Durant lequel [temps] firent levéesdedenniers, de fortiffications et corvées pour bastir la cittadcUe de Kempercorentin par ledict seigneur le mareschal et aultres fortiffications et corvées de la dicte ville ; oultre, les recepveurs des denniers royaulx, apprès lesdictes fortiffications, firent aulx habittantz desdictes parroesses dudict evesché payer tout à une foys trois à quatre années des restaulx des deniers du Roy, tant ordinaires que extraordinaires. Ledict seigneur mareschal se rettirant laissa vingt et deux compaignies de gens de pied et quatre de gens de cheval en garnison en ladicte ville de Kemper-Corentin, et plus de dix à douze aultres compaignies aussy de gens de guerre es aultres places dudict evesché, et ayant chassé ledict s»' de La Fontenelle dudict chasteau de Corlay, il * logea en la maison de Cremenec et à Douarnenez audict evesché. Auquel lieu de Douar-

* II, La Fontenelle.

244 DOCUMENTS INEDITS

nenez il bastit un fort, dans lequel il a esté par troys foys assieigé ; pour faire lesquels sieiges lesdictes armées ont séjourné ordinairement plus de dix mois audict evesché. Comme aussy d'aultre part ledict sieur de La Fontenelle, quand il estoit en liberté, entretenoit ausdites deux placzes plus de douze centz hommes de guerre, qui vivoient avecques toutte liberté et desbordement ; oultrc faisoict de grandes et excessives levées de denniers sur touttes lesdictes parroesses, de quatre à cincq centz mil cscuz, oultre les magazins et fortiffications ausquelz il faisoict contribuer lesdictes parroesses. Et durant les treffves qui ont esté ces années passées, ceulx qui commandoient aux armées, tant de Sa Majesté que du party contraire, ont logé la pluspart de leurs trouppes audict evesché, de fason qu'il n'y eust ville, bourgs, parroesses, villaiges, ny tenues qui n'ayent ordinairement esté remplis et ravaigés desdits gens de guerre. Et oultre que grand nombre de deniers royaulx se levoient sur lesdictes parroesses pour et par les deux partis, faisoinct de leur aucthorité privée excessives levées de denniers, imposoient estappes, vivres, munitions et magazins sur le pauvre peuple, qui deslors commensoit à jusner et mourir de fain ; les contraignoient aux corvées et fortiffications, tant pour les placzes fortes que pour logement. Et quelques treffves qui ayent esté, ils ont souffert telle oppression et foulle que tous leurs moienz sont expulsez. Et disent parreillement lesdictz huissiers et sergeantz avoir esté par plusieurs et reitterées foys, à la requecte et en vertu des commissions qui leur auroient esté dellivrées par les recepveurs des fouaiges et autres deniers royaulx extraordinaires dudict evesché de Cornouailles, par touttes

et chaincune lesdictes parroesses, pour les debvoir contraindre au payement desdits deniers royaulx, et avoir trouvé lesdictes paroesses reduictes à telle extrême pauvrette, quMlz n'y ont peu trouver aucuns pour executter, sur quoy le Roy ny aultres se puissent faire payer, ains toutte désertes, inhabiteez, à l'abandon. Et tous lesdictz thesmoings en gênerai attestent la desollation et pauvrette dudict evesché estre telle qu'il est possible d'excogitter. De tout quoy avons décerné acte ausdits parroessiens du consentement dudit Procureur du Roy, pour leur valloir et servir et se pourvoir où et ainsy qu'ilz voirront l'avoir affaire. Le dict jour et an que dessus. Ainsy signé en la minutte : Jacques Lorans seneschal, M*^ Loheac procureur du Roy : et du soubzsigné : Cran, commis du greffier.

Quy servira pour parvenir à la descharge du Compte que pretand... garde de intitullé : Information de la pauvrette et impuissance des parroesses et habittantzde l'evesché de Cornouaille... et Arrestz du Conseill d'estat portant remisse et descharges aux Evesque et benefîiciers de l'evesché de Cornouailles tant de denniers royaulx que aultres debuz de reste du passé jusques à l'année 1604, et descharges des deux tiers de leurs decimmes pour les années 1604, i6o5 et 1606, en considération desdictes ruines

par les guerres, peste et famine 1^94, 1600,

1601 et i6o3, qui servira pour parvenir à la descharge du compte que pretand le. . . garde de. . . et pour justifïier comme, à causse de ladicte pauvrette et ruine du pais dudict Cornouaille, le feu s^... n'auroict peu recepvoir pandant sa charge tout le bien de... duquel il est rechargé et de laquelle non jouissance il est

receu à iniformer sur le compte qui a este randu... comme aussy servira pour le compte que le s' de... doibt randre et pour justiffier aussy qu'il estoit impossible au... de toucher et recepvoir leur bien et revenu de par... pandant sa charge, dont fault demander descharge et demander les pentions et entretenemcnts selon leur estât et qualité.

Les originaulx se trouveront sur les contes des recepveurs du Roy qu'ilz ont randu tant en la Chambre des Comptes que decimmes.

Copie ancienne (Lob.)

fBibl. Nat. Mss. Coll. des Blancs-Manteaux, vol. III, ancien classement. Auj. Ms. fr. 2 23 ii, f. 258 à 205. — Communiqué par M. A. de la Borderie.J

1601 ou 1602. — Plainte des habitants de Morlaix contre le s^ de Kerangof, gouverneur du château du Taureau.

\v roy. Les habitans de vostre ville de Mor- :laix font plainte à Vostre Majesté contre ^Guillaume du Plessis : premièrement qu'il détient ung petit fort nommé le Thorcau depuis la fin de Tannée 1594 contre leurs privilèges et la capitulation confirmée par V. M., lettres par eulx obtenues, et à la ruine des habitans et du commerce.

Les supplians aiant esté ruinez et la ville brusléc par les Anglois en Tannée i522 firent bastir sur ung rocher nommé le Thoreau, scituc à 3 lieues de ladicte ville en la mer, en Tanbouchure de la rivière de Morlaix une forteresse à leurs frais pour empescher la descente des ennemis. — Ce fort contient seulement 60 pas en circuit, la garde duquel noz prédécesseurs ont baillés aux supplians, lesquelz chascun an, au mois de febvrier y envoient l'ung des habitans pour y commender avec 40 hommes, et pour l'entretenement et garnison havre et pons de la ville leur ont concédez les deniers des impotzet billotz de ladicte ville.

Ledict Du Plessis, oubliant tout devoir de concitoien, détient ledict fort soubz prétexte de surprises par luy faictes à V. M. — Car bien que les supplians se soient remis voluntaircment en l'obéissance de V. M. au mois d'aoust 1594, neantmoings deffunct M. le M*i d'Aumont pour tenir ledict Duplcssis en devoir craignant qu'il se révoltats, qui eust esté la ruine évidente des supplians lesquelz n'avoicnt peu faire réduire avec eulx le cappitaine tenant pour le s"^ duc de Mercure garnison dans les vieilles murailles fortiiiiées qu'on nomme chasteau, qui commande sur partie de ladicte ville, et que la réduction de ladicte ville fust inutille, luy fist promesse de le faire continuer pour sa vie au commendement dudict fort.

Se faict à la faveur de cedict chasteau, le duc de Mercure v cnvoia une armée qui fut contrainctc se retirer ne pouvant le secourir estant ledict feu s"^ mareschal logé dans la ville avec son armée et contraignit ledict cappitaine de se rendre.

248 DOCUMENTS INEDITS

Par la capitulation faicte par les habitans article vu" est contenu quMlz auront la garde dudict fort du Tlioreau, suivant leurs previleges ce qui est confirmé par V. M.

Depuis ledict Duplessis au préjudice de ladicte capitulation obtient par surprise lettres de V. M. par lesquelles la garde dudict fort luy est accordée pour sa vie. Et faict car avec la douceur du commendement, Tambition et l'avarice se sont meslées, car il trouve moien d'obtenir ung"'cstatde V. M. pour Tentretenement de la garnison dudict fort montant 4148 livres par chacun an combien que auparavant il ne fust ordonne que 1200'' par feu Me"" le duc de Montpencier et depuis mesmes pendant les troubles en Tannée 1594 que 1680''.

Et afin qu'il cust meilleur moien de ruiner la ville et ses concitoyens sans estre recherché par la justice du pais, il obtient par une grande surprise lettre par lesquelles V. M. evocque au conseil tous ses procès civilz et criminelz.

En conséquence de cest estât nouveau non verilîié et desdictes lettres, ledict du Plessis, sans forme de justice, a faict emprisonner plusieurs particuliers habitans de ladicte ville, pris et faict vendre leurs marchandises. Lesquelz sur leur recours ont fait condempner les supplians sur une demande de 48,000 livres pour la valeur de leurs dictes marchandises leur paier par provision 12845 ^.

Et si oultre ledict Duplessis, par mauvais moiens, a faict ordonner ung compte à la despence de sa garnison qu'il faict monter à i looo ou 12000* dont il en poursuict le paiement combien qu'il ait esté paie suivant Testât faict Tannée 1594.

Et ne ce contentant de toutes ses violences et ravages il se rend adjudicataire de la ferme desdictz impostz et billotz en Tannée 1600 à 3ooo^ pour le paiement qu^il dict avoir emploie pour ladicte garnison, faict emprisonner le procureur de la ville pour lesdictz 3ooo escus qu'il retient et 200" plus que ne monte ladicte ferme.

Et combien que la ferme desdictz impostz et billotz ne monte que 23oo* l'année présente touteffois il se veult faire paier 3148'' pour tout sondict estât sans faire monstres. Et daventaige il laisse tomber ledict fort en ruine afin de le faire reparer par ses viollences aux despens des supplians qui coustera plus de 3000^^.

C'est pourquoy lesdictz habitans supplient humblement V. M. de vouloir les restablir audict fort et ordonner à Ms"" le Mareschal de Brissac, lieutenant général au gouvernement de Bretaigne, d'en faire vuider ledict Du Plessis. Item revocquer Testât de ladicte garnison que ledict du Plessis a obtenu par surprise de V. M. et le remectre à l'ancien faict par ledict feu duc de Montpencier. — Oultre revocquer les lectres obtenues par surprise par ledict du Plessis pour la garde dudict fort durant sa vie ; et ordonner que de Poligné procureur et receveur des deniers de la ville sera eslargy, et defîences faictcs a Du Plessis de le faire emprisonner ni les aultres habitans.

Que les supplians et ledict du Plessis seront oyz sur leurs ditferandz pour le paiement de Tentretenement de ladicte garnison par devant le s"^ Courtin jà commis par le conseil sur quelques appellations interjectées par les parties et relevées au conseil. — De Poligné, procureur sindic desdictz habitans. (Arch. de la mairie de Morlaix).

1642, 24 février. — Déposition de Jean Cadorct au sujet des faicts qui se passèrent à l'abbaye de Lantenac à la fin du XV P siècle^.

)ean Cadoret, fils Yves, marchand, demeu- )rant au village du Relie, parroisse de Loudcac, aagc d'environ soixante et saize ans, tesmoin pris par serment de dire la vérité et enquis : dépose estre certain et connoissant d'avoir entendu dire à ses feux père et mère, en sa jeunesse, et a plusieurs anciens de ce temps là, que le feu s^ de la Ville Audrain, en son temps, demeuroit long temps en la maison de Rohan, où les seigneurs lors d'icellc estant allez aux guerres luy laissèrent le gouvernement de leurs maisons et enfans qui lors estoient bons catholiques, et ledit s' de la Ville Audrain , huguenot, qui les rendit de sa religion , et par ce moyen introduit ladite religion dans ladite maison ; et, par ses malversations, estant sorty hors d'icelie, jouist quelque temps de Tabbaye de Lantenac, ainsi qu'il a entendu, chassa hors d'icelle les religieux et abbé qui lors y estoient; et sur ce qu'il y eust dix marchands de Rennes tuez et voilez par le moïen de la femme dudit s"" de la Ville Audrain, vint une armée de la ville de Rennes qui les prinrcnt et

* Les autres témoins, dont les dépositions sont à peu près identiques, sont : Thebauit Blanchard, texier en toile, 80 ans , Yves Jounino, également texier, g5 ans ; Bonaventure Gicquel, marchand, 60 ans ; sire Jacques le Porc, marchand, 63 ans ; Jean Gicquel, rils de Guillaume, marchand chapelier, 70 ans.

emmenèrent en la Conciergerie de la Cour où mourut ledit s'^ de la Ville Audrain pour y avoir esté empoisonné, et sadite femme fut décollée à cause desdits homicides ; et du depuis quelque temps aprez le déposant dit que Anne de Censay, comte de la Maignanne, estropié d'un bras, qui avoit un bras de fer, vint demeurer en ladite abbaye avecq une garnison qu^il y tint Tespace de vingt ans ou environ, qu'il y demeura et espousa une femme qu'on apelloit madame de Penmar qu'il amena en ladite abbaye ; l'affermoit à des particuliers comme au s' de la Boscherie et autres, faisoit de l'église d'icelle l'escuirie de ses chevaux, et du refectoir l'astable aux bestiaux ; que ladite garnison et une compagnie qu'il avoit encor en Bretagne ravagèrent par le pays, faisoit abattre les bois de décoration et rabines de ladite abbaye, et ainsi en jouist l'espace de vingt ans ou environ qu'il y demeura sadite femme et garnison ; disant que le roi la luy avoit donnée d'autant qu'il cstoit cadet d'une grande maisonetavoit peu de bien, et avoit esté estropié au service de Sa Majesté. Dit le déposant estre certain de ce, pour avoir demeuré longtemps serviteur et vivandier dudit s' comte; et longtemps après les guerres civiles Sa Majesté ayant commandé audit de Censay de se retirer et quitter ladite abbaye, se retira et demeura ladite abbaye ruinée et déserte, qui n'avoit servi, l'espace de plus de cinquante ans, que de refuge à voleurs ; et du depuis fut gouvernée par œconomerie jusqu'à ce que les Pères bénédictins ne vinrent s'y rétablir, qui la trouvèrent toute ruinée, dont les premiers furent frère Jean Gucn et frère Julien le Ray qui y faisoient l'otRce et commencèrent à la remplanter et rebastir comme ils ont fait du

depuis des uns aux autres et font encor aprésent, lesquels ont fait revenir la pluspart des rentes qui estoient recelées et esgarées. Et c'est ce que ledit tcsmoin dit scavoir, et son record luy leu a dit estre véritable et y persister.