INVENTOIRE DU LOUVRE

3 mars 1420 (v. s.).

Charles, par la grâce de Dieu roy de France. A nos amez et féaulx gens de nos comptes à Paris, salut et dilection. Nous, pour certaines causes et considéracions à ce nous mouvans, vous mandons que vous ou les aucuns de vous, vous transportez ou cbastel du Louvre, à Paris, en la chambre où l'on a acoustumé de tout temps mectre nostre vaisselle d'or et d'argent et autres noz joyaulx, et que avoit en garde feu Charles Poupart^en son vivant nostre Argentier, et d'iceulx joyaulz et et vaisselle faites inventoire et ledit inventoire fait, baillez iceulx vaisselle, joyaulx et toutes autres choses que veus y trouvères, à nostre amé Regnault Doriac, commis à l'office de nostre Argenterie, pour en avoir la garde et charge jusques à ce que autrement en soit ordonné. Et le double dudit inventoire baillez ou faites bailler soubz les seings manuelz d'iceulx qui feront ledit inventoire aus héritiers ou ayans cause dudit feu Charles Poupart, pour leur valoir à leur descharge en temps et en lieu ce que raison donrra. Car ainsi nous plaist-il estre fait. Donné à Paris, le tiers jour de mars, l'an de grâce mil cccc et vint et de nostre règne le xli6 Ainsi signées : par le Roy, à la relacion du conseil. Monfort.

Cy après s'ensuit l'inventoire de certains joyaulx

1 . Il fut tué à Paris, lors du massacre des Armagnacs, le 21 août 1418.

estant ou chastel du Louvre en une chambre par bas appelée la Chambre aus Joyaux, fait par maistre André le Bègue, notaire et secrétaire du roi nostre sire, et André Courtevache, clerc d'icellui seigneur en sa Chambre des comptes, par vertu des lettres royaulx cy devant transcriptes, données le tiers jour de mars l'an mil quatre cens et vint, en la présence de Regnauldin Doriac, Jaque Fale, garde des joyaux d'icellui seigneur, et plusieurs autres.

Le mardy, troisième jour de juing, l'an mil cccc xxi, par nousJehan le Bègue, notaire et secrétaire du roy nostre sire, et André Courtevache, clerc d'icellui seigneur en sa Chambre des comptes, par vertu des lettres royaulx cy dessus transcriptes, et du commandement et ordonnance de bouche à nous fais par messire desdis comptes, fu fait inventoire de certains joyaulx estans ou Chastel du Louvre en une chambre par bas, appelée la Chambre aus Joyaulx, présens à ce Regnauldin Doirac, commis au fait de l'Argenterie dudit seigneur, Jaque Fale, garde des joyaulx d'icellui seigneur Jehan Giffart, contrôleur de ladicte argenterie, Miles de Lyons, lieutenant du capitaine dudit lieu du Louvre, et Alphons le Myre, varlet de chambre dudit seigneur. Lequel Alphons avoit les clefs de ladicte chambre. Et d'icelle fu fait ouverture en la présence dessus diz, et ilîec furent trouvez les joyaux qui s'ensuivent.

Et premièrement, en la seconde aumoyre du bas estaige des longues aumoyres de ladicte chambre, à commander du costé devers la cheminée.

114. Deux grands bacins d'argent dorez à laver mains, brodés à aigles, lyons et couronnes d'enleveure,

en l'un desquels a ou milieu un parc et plusieurs arbres esmaillez et bestes et une grant aigle ou milieu dudit parc, et en l'autre bacin a un osteau à plusieurs esmaulx autour de lions et aigles, et ou milieu dudit osteau un cerf \olant poinçonné. Pesant ensemble :

xxxviii marcs, un onces1.

115. Item, une serpent d'argent doré, sur le doz de laquelle a deux pièces clouans à charnières. Pesant : xvi marcs*.

116. Item, une salière d'argent doré, à façon d'un arbre, où il y a plusieurs langues de serpens et un camaliieu ou milieu. Lequel arbre se dessamble de ladicte salière, et en laquelle salière n'a point de pié. Pesant un marcs, vi onces, et demie.

1 1 7. Item, deux grans chandeliers appelez mestiers, d'argent doré, en chascun a troys rons aus armes de France. Pesans ensemble xxn marcs, vi onces3.

118. Item, deux longs bastons d'argent pour servir à une croix ou crosse, chascun de deux piez et demy de long; et s'assemblent à vis. Pesans ensemble, avec le boys qui est dedans, n marcs, v onces et

demie.