En février 1417 (V. S

estant en nostredit service, lui et trois autres compaignons de la compaignie dudit capitaine se partirent de la dicte ville de Meaulx et s'en alèrent en fourraige en la ville de Précy sur Marne. Et d'ilec, à tout leur fourrage, s'en alèrent en la ville de Chiermentré1 à deux lieues dudit Meaulx, pour leure qui estoit tardive. Et eulx estans illec logiez en l'ostel de Guillot Prévost, ledit suppliant et aucuns de ses compaignons s'en alèrent soupper en un autre hostel dicelle ville. Et après soupper, environ dix heures de nuict, s'en retournèrent en l'ostel dudit Guillot pour veoir et ordonner leurs chevaulx et eulx coucher. Et eulx illec estans, sçeurent que oudit hostel estoit logié et couchié un nommé Anthoine de Bonne Rue, du pais de Beaujolois. Et alors, comme seurheus de vin, estourdis et eschauffèz de plusieurs courses qu'ilz avoient faictes à l'encontre d'aucuns noz ennemis et rebelles, temptés de l'ennemi, se trahirent au lit où ledit Anthoine estoit couchié, et tirèrent icellui Anthoine hors dudit lit, lui donnèrent plusieurs cops d'espée, et lui ostèrent un sien vielz pourpoint estant sur le lit, qu'ilz descoupèrent et mirent par pièces en la présence dudit Anthoine, et trouvèrent en icellui pourpoint xLescus et un mouton en or, que ilz butinèrent et partirent entre eulx. Dont ledit suppliant ot à sa part sept escus en or. Pour occasion duquel fait et cas, ledit suppliant a esté prins et mis en noz prisons à Meaulx, etc. . . .

Paris, mai 1418.

(Arch. del'Emp. Très, des Ch. Reg. JJ, 170, n° 136.)