Courgis ( Yonne

le demourant (Ficelle ville. Lesquelz supplians et Milon Thierriot, eulx courrociez et actainez desdictes menaces et détestables paroles, et meuz delà grant perte qu'ilz avoient et ont eue et soufferte d'icelles gens d'armes, et que la maison dudit cousin d'iceulx supplians avoit esté et estoit ainsi brûlée, et afin que ledit compaignon ne persévérast plus en son malvais et dampnable propos , eulx garniz en leurs mains chascun d'une bucbe de quatre piez de long ou environ, frappèrent sur ledit compaignon et le bâtirent tèlement, que assez tost après il alla de vie à trespassement. Et ce fait, iceulx supplians et ledit Milon Tbierriot, pristrent les biens dudit trespassé , qui valoient douze francs ou environ, avec cinquante solz tournois en deniers qu'ils trovèrent sur lui; et retindrent lesdictes cboses l'espace d'un mois ou environ. Etjusques àceque Jeban Lalement, serviteur et familier de nostre amé et féal chevalier, Aymé de Cboiseul, bailly de Chaumont en Bassigny, parla ausdis supplians et Milon , et leur demanda iceulx biens dudit trespassé, en leur disant qu'ilz les lui baillassent seurement, et que jamais n'en seroit parlé. Lesquelz biens lui furent tous bailliez et délivrez. Aussi ne s' estoit et s'est apparu, qui réclamast iceulx biens à lui appartenir. Et sanz ce que lesdis supplians eu aient aucune chose retenu ne appliqué à leur prouffit. Pour lequel fait lesdis supplians se sont absentez dudit pays, etc. . . .

(La rémission adressée au bailli de Sens et d'Auxerre.)

Paris, août 1418.

Arch. de l'Emp. Très, des Ch. Reg. JJ. 160, pièce 169.)