Sergy ou Cergy, village du Vexin (Seine-et-Oise

Femme arrachée violemment dune église.

Paris, août 1390.

Charles, etc. Savoir faisons à tous présens et avenir. Nous avoir receue l'umble supplicacion des amis charnelz de Perrin Lempérière, demourant à Caune1, prisonnier en noz prisons à Aucerre, contenant:

Que le jour de la feste Saint Jehan Baptiste, derrenièrement passée, environ myernuit, ii estant aus veilles qui se faisoient audit lieu, feussent venuz audit Perrin , le varlet d'un appelé Quinaust , le varlet au mennier 2 d'Arigneaul et le bastart Cynart, estans vestuz de robes de femmes, et lui disent que ilz vouloient aler prendre ou moustier de ladicte ville une ribaude appelée Jehanne la Poullalière. Si lui requirent qu'il !a voulsist mener oudit moustier, jouant de la fleuste. Laquelle chose ledit Perrin fist, tempté de l'ennemy, et saichant aussi que ladicte Jehanne estoit tenue pour tèle, comme ilz disoient, de tous ceulx qui la congnoissoient. Et eulx estans oudit moustier, les dessusdiz variez , de fait prindrent ladicte femme et l'emmenèrent ou portèrent hors dudit moustier , elle criant à la mort ! Et ledit Perrin demoura oudit moustier, et plus avant ne les acompaigna, ne voult acompaigner, quant il vit la résistance que ladicte femme faisoit. Et depuis, pour ce que icelle Jehannes'est plainte à justice que par aucuns des diz variez, à