G XXV

Maison de prostitution à Rouen.

Charles, etc. Savoir faisons à tous présens et avenir. De la partie de Robin le Seigneur, dit Robacbe, de la parroisse de Saint-.Iehan-sur-Ruele, ou bailliage de Rouen, nous avoir esté exposé :

Comme la vigile d'une feste de Saint-Père, tantost après la Saint-Jehan prochainement venant aura n ans, Raoulin Broquart et Adenet d'Orgebrueil , feussent alez pour eulz esbatre en l'ostel de Guillette la Damoiselle, qui lors estoit coustumière de tenir et avoir en son hostel, à Rouen, fillettes amoureuses pour esbatre les compaignons. A. laquelle Damoiselle ilz demandèrent avoir pour la nuit n fillectes, et lui baillèrent v solz. Ausquelz icelle damoiselle administra et bailla n fillectes pour eulx esbatre et dormir celle nuit oudit hostel. (Duquel hostel ledit Adenet se coucha paisiblement avec sadicte fillecte. Et pour ce que l'autre fillecte n'estoit pas à l'appétit dudit Brocart, icellui Brocart dist qu'il nedemourroit point celle nuit oudit hostel, et se vesti et ordena pour son partir, en disant à ladicte Damoiselle qu'il ne demourroit point, et que elle lui rendist les cinq solz que bailliez lui avoit. Laquelle Damoiselle lui respondit que non feroit, et qu'il lui devoitsouffire d'avoir despecié son lit et fait sa voulenté, et qu'il povoit bien demourer celle nuit avec son compaignon, et soy esbatre se bon lui sembloit. Lequel Brocart, mal content de sa response, lui

dist : « Putain , se tu ne les nie bailles , je te batray très bien. » Et sacha son badelaire pour l'en vouloir férir, et la bouta sur son lit. Adontladicte Damoiselle, voyant l'invasion et manière dudit Brocart, doublant qu'il ne lui voulsist férir, s'escria à haulte voix : Haro! Auquel cry debaro ledit exposant vintàl'ostel d'icelle Damoiselle, qui estoit de sa congnoissance et amitié, véant que ledit Brocart s'esforçoit de lui faire vilenie, prist une buscbe de gloe1 qu'il trouva audit bostel, et l'en féri plusieurs cops, en lui disant qu'il estoit mauvaiz ribault de batre ne de vouloir faire vilenie à une femme. Et s'en ala ledit Brocart ainsi batu dudit bostel. De laquelle bateure l'en dit icellui Brocart dedens ni jours après ou environ avoir fine ses derreniers jours. Pour occasion duquel fait ledit exposant s'est absentez, etc. . . .

(Rémission, avec la condition de faire dire en un an cinquante messes pour l'âme du trépassé.)

Donné comme dessus (1382.)

Es requestes de l'ostel du commandement du Roy.

P. DE MONTTON. EvR ARDUS.

(Arch. del'Emp. Très, des Ch. Reg. JJ. 120, pièce 219.)

GXXVI

Pèlerinages. — Scènes scandaleuses.

« Ledit Perrin feust alez par grant dévocion veiller à nostre Dame des Barres, ou bailliage d'Orléans. Par