Jean Galéas. — 2. Gênes

Après ces choses parleront aussi audit duc du fait de l'Église, en reprenant ce que autrefois en parlèrent l'abbé du mont S. Michiel, ledit messire Guillaume de Tignonville et maistre Gille des Champs, qui derrainement furent envoiez de par le Roy devers ledit duc. Et porteront la copie des articles que autrefois y portèrent lez diz abbé, messire Guillaume et maistre Gille et des responses dudit duc, afin que ilz soient plus avisez de ce qu'ilz auront à faire et à parler en

ceste malère.

Item^ prieront et requerront de par le Roy ledit duc que il vuille poursuir le (ait de l'union de ladicte Église en ensuiant envers cellui de Rome les voies que le Roy a tenues envers Rénédic', et que en mectant à effect les choses contenues en ses dictes responses il vuelle labourer à ce que les anlicardinau\ de Roniface' et les Rommains et autres qu'il sçet qui en ce pevent aucunement profiler, se disposent au fait de ladicte union et y facent disposer ledit Boniface, tèlement qu'il accepte la voie de cession ainsi comme a fait ledit Bénédic. Et que après la conclusion de l'assemblée des princes et prélas des deux obéissances qui au plésir de Dieu se fera, dont en sesdictes responses est faicle mencion , ledit Boniface ne puisse faire aucun trouble ne empeschement à la paix et union de l'Église.

Item, lui diront que le Roy laboure à son povoir devers les princes et seigneurs de l'Empire et autres, afin que à ladicte assemblée général desdictes deux obéissances ilz veuUent consentir et y estre en leurs