En février 1417 (V. S

estant en nostredit service, lui et trois autres compaignons de la compaignie dudil capitaine se partirent de la dicte ville de Meaulx et s'en alèrent en fourraige en la vijle de Précy sur Marne. Et d'ilec, à tout leur fourrage, s'en alèrent en la ville de Chiermentré* à deux lieues dudit Meaulx, pour Teure qui estoit tardive Et eulx estans illec logiez en l'ostel de Guillot IVévost, ledit suppliant et aucuns de ses compaignons s'en alèrent soupper en un autre hostel d'icelle ville. Et après soupper, environ dix heures de nuict, s'en retournèrent en Tostel dudit Guillot pour veoir et ordonner leurs chevaulx et eulx coucher. Et eulx illec estans, sçeurent que oudit hostel estoit logié et couchié un nommé Anlhoine de Bonne Hue, du pais de Beaujolois. Et alors, comme seurbeus de vin, estourdis et eschauffez de plusieurs courses qu ilz avoient faictes à l'enconlre d'aucuns noz ennemis et rebelles, temptés de l'ennemi, se trahirent au lit où ledit Ânthoine estoit couchié, et tirèrent icellui Anthoine hors dudit lit, lui donnèrent plusieurs cops d'espée, et lui ostèient un sien vielz pourpoint estant sur le lit, qu'ilz descoupèrent et mirent par pièces en la présence dudit Anthoine, et trouvèrent en icellui pourpoint xLCScus et un mouton en or, que ilz butinèrent et partirent entre eulx. Dont ledit suppliant ot à sa part sept escus en or. Pour occasion duquel fait et cas, ledit suppliant a esté prins et mis en noz prisons à Meaulx, etc. . . .

Paris, mai 1418.

(Arch. de l'Emp. Très, des Ch. Reg. JJ, 170, n» 136.)