FROISSART

Comment une soudaine peur prit les Flamands environ minuit y tant que tous s^enfuirent chacun vers sa maison en grand*hate. — i340.

(Robert d'Artois, auquel s'étaient joints les Flamands, assiégeait St-Omer, défendu par le duc de Bourgogne, le comte d*Ârmagnac et d'antres cheYaliers sons les ordres du duc.)

Or aduint enuiron minuyt, que ces Flammens gisoient en leurs tentes et dormoient, ung si grand effroy vint et telle paour les print tous generallement quilz se leuerent tous a grant haste et en telle paine quilz ne cuidoient iamais estre deslogez a temps. Si abatirent tantost tentes et pauillons et troussèrent tout sur leurs chariolz et sen fuyoient sans attendre lung lautre et sans tenir voye ne conroy. Quant ces nouuelles vindrent a ces deux cappitaines ilz se leuerent moult hastiuement et firent allumer grans feux et grans tortis et montèrent a chenal et vindrent au deuant des flammens et leur dirent : Beaulx seigneurs dictes nous qifelle chose il vous fault qui ainsi fuyez, nestes vous pas bien asseorez, retournez au nom de Dieu, vous auez grant tort quant ainsi fuyez et nul ne vous chasse. Mais combien quilz fussent ainsi priez ilz sen fuyrent tousiours et print chascun le chemin vers sa maison au plus droit qu'il peut. Et quant ces deux seigneurs virent quils nen auroient riens autre chose si firent trousser leurs harnoys et mettre en voiclures et vindrent au siège deuant tournay, et recorderent aux seigneurs Taduanture des Flammens dont on fut moult fort esmerueille et dirent plusieurs quilz auoient este enfantosmez.

Comment le sénéchal de Beaucaire se partit du siège ffAngouléme et prit toute la garnison de Anchenis et bien huit cents grosses bêtes. — i346.

• Le duc de normandie qui fui grant temps deuant la cité dangolesme veit que par assault il ne la pouoit auoir ne gagner, car elle estoit si bien deffendue qu'il y perdoit chascun iour de ses gens. Si commanda que nul nallast plus a lassault et que chascun se deslogeast et allassent loger plus près de la cite. Ce siège durant vint ung iour au duc le seneschal de beaucaire qui luy dist. Sire ie scay bien toutes les marches de ce pays sil vous plaisoit a moy prester six cens hommes armez, ie yroye aduanturer aual ce pays pour querre bestes et vitailles, car assez tost aurons deffaulte de viures. Tout ce pleut bien au duc et a son conseil. Siprint le lendemain ledit seneschal plusieurs cheualiers et escuyers qui se desiroient a auancer et se boutèrent dessoubz luy le duc de bourbon, le conte de ponthieu son frère, le conte de tancaruille, le conte de forestz, le daulphin d'auuergne, le sire de pons et de partenay, le sire de coucy, le sire daubigny, le sire daussemont, le sire de beauieu, monseigneur guischard dangle, monseigneur de saintre, et plusieurs autres iusques a neuf cens lances. Lors montèrent a cheual une vespree et cheuaulcherent toute la nuyt iusques au point du iour que l'aube creuoit. Si vindrent deuant une grosse ville qui nouuellement se estoit rendue aux anglois. Si l'appeloit on athenis*. La endroit* vint une espie qui dit audit seneschal que dedans auoit bien enuiron six vinglz hommes armez tant gascons comme angloys et ccc archiers qui moult bien se deffendroient si on les assailloit. Mais iay veu dist lespie audit seneschal yssir la proye hors de la ville. Et y a bien enuiron ce grosses bestes, et sont au dessoubz de la ville es prez. Lors dist le seneschal aux seigneurs qui la estoient. Messeigûeurs ie conseille que nous demeurons en celle valee et ie men iray a tout LV cornpaignons a cueillir la proye. Si lameneray cy endroit', et ie pense que les angloys sen ystront hors pour rescourre la proye si leur

* St-Jean-d'Angely.

* Lex.

éi

prez au deuant. Et ainsi fut fait. Le seneschal a tout LV compaignons tresbien montez cheuaucha par voyes couuertes autour de la ville ainsi que lespie le menoit tant qu'il vint es beaulx prez ou les bestes pasturoient. Tantost fist espartir ses compaignons et mettre ces bestes ensemble puis les chassèrent deuant eulx au dessoubz de la ville par une autre voye quilz n'estoient venus. Les gardes de la porte et du chastel qui ce veoient commencèrent a faire grant noyse et a corner et esmouuoir ceulx de la ville et les compaignons qui par aduenture encores dormoient, car il estoit fort matin, lors saillirent sus hastiuement, si sellèrent tous leurs cheuaulx et se assemblèrent en la place. Puis vindrent chascun qui mieulx mieulx. Si ne demeurèrent en la ville fors que les villains. Les angloys qui estoientyssus aux champs pour rescourre leur proye se hastoient moult fort en escryant aux francoys vous nen yrez pas ainsi. Le seneschal et sa route commencèrent a eulx haster et sen vindrent ferir sur ces angloys qui les chassoient, lesquelz neurent pas loysir deulx retourner, ains estoient si espars que en briefue heure furent ruez ius. La fut pris le cappitaine messire eslienne de lesy angloys et tous ceulx d'honneur qui en tour luy estoient et le demeurant tout mort. Puis cheuaucherent les francoys hastiuement deuers la ville et entrèrent dedans dassault, car elle estoit sans garde. Et la première bannière qui y entra se fut celle du duc de bourbon, si se saisirent lesdit seigneurs de la ville et la refreschirent de nouuel de gens et de cappitaine, puis ilz sen partirent a toute leur proye et leurs prisonniers et sen reuindrent lendemain deuant angolesme. Si acquist le seneschal de beaucaire grant honneur en ceste cheuaulchee combien qui! y eust de plus grans seigneurs assez quil ne fust.

Comment le duc de Normandie commanda faire un pont sur la rî* uiere deuant Aiguillon, qui plusieurs fois fut dépecé par ceux du clmstel. — i346.

Premièrement les seigneurs de france regardèrent quilz ne pouoient paruenir iusques à la forteresse silz ne passoient la riuiere qui esloit large, longue et parfonde. Si commanda le duc que ung

pont fust fait quoy quil coustast pour passer la riuiere. Si y vindrent pour ce pont ouurer plus de CGC ouuriers qui charpenloient iour et nuyt. Quant les cheualiers qui dedans aguillon estoient veirent que ce pont estoit fait oultre la moitié de la riuiere, ilz firent appareiller trois naues et entrèrent dedans. Puis chassèrent tous ces charpentiers en chemin et les gardes aussi. Si delBrent sans delay tout ce quilz auoient fait en ung grant temps. Quant les seigneurs de franco virent ce, ilz firent appareiller autres naues a lencontre deulx, et mirent grant foison de gens darmes dedans, comme yenneuois, bidaulx et arbalestriers. Et commandèrent aux ouuriers a ouurer sur la fiance de leurs gardes. Quant les ouuriers eurent ouure ung iour iusques a midy, monseigneur gaultier de manny et aucuns de ses compaignons entrèrent en une nef et coururent sus aux ouuriers, et leur firent laisser leur œuure et retourner arrière. Et fut lors tout defi'ait quant quilz auoient fait. Ce débat et celle riote recommencoient de iour en iour. Et au derrenier les seigneurs de franco y furent si estoffeement et gardèrent si bien les ouuriers que le pont fut fait et acomply bon et fort.

Comment le duc de Normandie fit assaillir Aiguillon, et comment le pont d'Aiguillon fut conquis où il y eut moult de morts et de blessés. — ^346.

Ung jour fist on armer tous ceulx de lost et commandèrent les seigneurs que ceulx de thoulouze, ceulx de carcassonne, ceulx de beaucaire et leurs seneschaucies assaillissent du matin iusques a midy, et ceulx de rouergue, de caours*, dagenois a leur retraire iusques a uespres. Et celluy qui pourroit gaigner le pont de la porte du chastel on luy donneroit cent escuz d'or. Le duc de Normandie pour mieulx fournir a celluy assault fist venir sur la riuiere grant plante de nefz et de challans. Les plusieurs entrèrent dedans pour raison de passer celle rivière, et les aucuns passèrent au pont. Ceux du chastel se deffendirent. Finable-

* Cahors.

ment les aucuns se mirent dedans une petite naae en leaue par dessoubz le pont, et getterent grans crocz et hauetz audit pont levis, puis tirèrent a eulx si fort quilz rompirent les chaînes de fer qui le pont tenoient et lauallerent lus par force. Lors se lancèrent francoys sur le pont si hastiuement quilz tresbuscherent lung sur lautre tout en ung mont car chascun deulx desiroit moult a gaigner les cent escuz. Et ceulx damont gettoyent pierres, potz plains de chaulx, grans mesrains et eaue chaulde. Si en y eut plusieurs bleuz, mors et trébuchez en leaue des fossez. Touttefois fut le pont conquis par force, mais il cousta plus qu'il ne valoit.

Comment ceux de Caen s'enfuirent sans coup ferir ; et comment le connestable et le comte de Tancarville y furent pris, et bien vingtcinq chevaliers ; et fut la ville de Caen conquise.

En ce iour se leuerent les angloys moult matin et sappareillerent pour aller deuant caen. Puis ouyt le roy messe deuant soleil leuant. Et après monta a chenal, et le prince son filz, et messire godeffroy de harcourt qui cstoit mareschal et gouuerneur de lest' et par quel conseil le roy ouuroit en partie. Si se trayrent tout bellement icelle part leurs batailles rengees. Et cheuauchoyent les batailles des mareschaulx tout deuant. Si approchèrent la grosse ville de caen. Ceulx de la ville qui sestoient mis aux champs contre les angloys, quant ilz veirent les trois batailles des angloys approcher et bannières et pennons a grant plante et virent ces archiers que ilz nauoient accoustumes a veoir, ilz furent si effrayes qu'ilz senfuyrent vers leur ville sans arroy maigre le connestable et tous les gensdarmes qui la estoient. Adonc les angloys les poursuiuirent aigrement. Et quant ce veirent le connestable et le conte de tancaruille ilz se boutèrent en une porte sur lentree du pont a sauluete auec eulx aucuns cheualiers, car les anglois estoient ici entrez dans la ville. Aucuns cheualiers et escuyers et autres gens francois qui scauoient le chemin vers le chastel, si se trayrent celle part. Et le chastelain monseigneur robert de margny les recep-

uoil tous, car le chaslel est durement grant et plantureux. Si furent tous a sauluete ceulx qui la peurent venir. Les anglois qui combaltoient lesfuyans en firent moult grant occision, car ilz nen prenoient nulz a mercy, dont il aduint que. le connestable de france et le conte de tancaruille qui estoient montes en celle porte au pied du pont, regardoient amont et au long de la rue et veoient grant occision, car ilz n'en prenoient nulz a mercy. Si se doublèrent quilz nen cheussent en ce party et entre mains des archiers qui point ne les cogneussent, mais ilz aperceurent ung chevalier qui n'auoit que ung œil appelle messire thomas de Hollande et cinq ou six cheualiers auec luy, lequel ilz auoient autreffois veu en pruce en grenade et entre autres voyages. Lors lappelerent qu'il les voullist prendre a prisonniers. Et adonc messire thomas se trayt celle part a toute sa route * et descendit et monta luy, XVII% en la porte et trouvèrent les dessus ditz seigneurs et bien XXV chevaliers avec eulx lesquelz se rendirent tantost a messire thomas qui les print prisonniers. Puis laissa des gens assez pour les garder. Si monta et vint sur les rues, et destourna ce iour mainte grant cruaulte faire et aussi firent plusieurs cheualiers et escuyers. Et cheut si bien adonc aux anglois que la rivière de caen qui porte gros nauires estoit si basse et si morte quilz la passoient et rappassoient sans le danger du pont. Ceulz de la ville qui estoient montes en loges et en soliers et en ces estroites rues gectoient pierres, bancz et mortiers, sien occirent et mehaignerent ce iour plus de cinq cens anglois dont leroy dangleterre fut si courrouce au soir quant il en ouyt la vérité quil ordonna que le demeurant on mist tout a lespee et la dicte ville en feu. Mais godeffroy de harcourt lui dist: Chier sire vueillez affermer ung peu vostre courage et vous suffise de ce que vous en auez fait, vous auez encores a faire un grant voyage aincois que vous- soyez deuant calais ou vous tirez* a venir et si a encore en ceste ville moult grant foison de peuple qui se deffendroit en leurs maisons si on leur couroit sus et vous pourroit on gramment couster de vos gens aincois que la ville fust euillee parquoy vostre voyage sen pourroit desrompre. Laquelle chose vous redonderoit a moult

» Lex.

« Lex.

grant hoDte et blasme, si espargnez vos gens qui nous viendront très bien appoint dedans ung moys. Car il ne peult eslre autrenoient que vostre aduersaire le roi philippe ne vous viengne combatre et trouuerez encores des destroiz, des passaiges, des assaultx et des rencontres plusieurs parquoy les gens que vous auez et plus encores vous auront bon meslier. Et sans nul occire nous serons bien maislres de cesle ville, et nous mettront voulentiers hommes et femmes tout le leur a nostre bandon.

Lors dist le roy dangleterre: Messire godefroy vous estes nostre mareschal, si en ordonnez ainsi comme il vous plaira, car dessus vous quant pour cesle fois ne vueil ie point mettre regard. Adonc messire godefroy fist cheuaucher sa bannière de rue en rue et commanda de par le roy que nul ne fust si hardy sur la hart que nul ne boutast le feu ne occist homme ne femme. Quant ceulx de caen ouyrent ce ban ilz recueillirent aucuns des anglois en leurs hoslelz sans riens forfaire et aucuns ouuroyent leurs corps et habandonnoient tout ce quilz auoient, mais quilz fussent asseurs de leurs vies. Ce nonobstant il y eut dedans la ville de villains faitz de meurtres et de roberies. Et ainsi furent les anglois seigneurs de la ville par trois iours et gaignerent moult grant auoir quilz enuoyerent par barques et par basteaulx en sainct saulueur par la riuiere de austerhen a deux lieues de là ou leur grosse naue estoit. Et adonc sappareilla le conte de hostidonne a tout ce hommes d'armes et cccc archiers pour ramener leur naue a tout leur conqueste et leurs prisonniers arrière en angleterre. Et achepla le roy dangleterre le connestable de France et le conte de tancaruille de monseigneur thomas de hollande et de ses compaignons et en paya vingt mille nobles * tous appareillez.

* Le noble assez communément appelé noble à la rose, était une monnaie d'or qu'on frappa pour la première fois en Angleterre, sous le règne d'Edouard III, vers l'année 1 344. L'or en était très-fin et leur taille était d'environ 2S au marc.

Comment le roi de Behaigne qui goutte ne veoit, se fit mener en la bataille et y fut mort lui et les siens, et comment son fils le roi d^ Allemagne s'enfuit.

Le vaillant roy de behaigne * qui s'appeloit Charles de luxambourg, car il fut au gentil roy et empereur henry de luxambourg, quant il qui estoit aveugle entendit l'ordonnance de la bataille, il dist ou est monseigneur Charles mon filz. Ses gens dirent nous ne scauons nous cuydons quil se combate. Lors dist a ses gens, seigneurs vous estes mes gens et mes compaignons et amys, a la iournee duy ie vous requiers que vous me menez si auant que ie puisse ferir ung coup despee. Les cheualiers respondirent quilz le lairroient envie. Et adoncques affîn quilz ne le perdissent en la presse, il le lièrent par les frains de leurs cheuaulx tous ensemble et mirent le Roy tout deuant pour mieulx accomplir son désir. Et ainsi sen allèrent sur les ennemys. Monseigneur Charles de behaigne qui sescrioit, iay roi de behaigne et en portoit les armes, vint ordonnement iusques a la bataille, mais quant il vit que la chose alloit mal pour les francois, il sen partit, ie ne scay pas bonnement quel chemin il print. Le roy son père alla si avant sur ses ennemis quil ferit ung coup de son espee, voire plus de quatre, et si combalit moult vigoureusement, et aussi firent ceulx de sa compaignie. Et si auant si boutèrent que tous y demourerent et furent le lendemain troaaez sur la place autour du roy, et tous leurs cheuaulx liez ensesible.

Les Brigands en France (1348).

Toute celle année que la treue fut accordée se tindrent les deux roys * en paix lung contre lautre. Mais messire guillaume de danglas et les escocois qui se tenoient en la forest de iadeours guerroioient tousiours les anglois partout ou ilz les pouuoient troauer.

• De Bohême.

^ Edouard III, roi d'Angleterre, et Philippe de Valois (VI), roi de France. IF P. 8

Aassi ceulx qai estoient en gascongne, eo poictou et en xaintonge tant francois que anglois ne tindreot oncques fermement les trenes des deux roys, ains conqueroient souuent villes et chasteaalx les ongz sur les autres par force ou par pourchas par embler ou par exiller de nuyt ou de iour. Et leur aduenoit souuent de moult belles aduenlures une fois aux francois, laulrefois aux anglois. Et tousiours gaignoieDt poures brigans a desrober les villes et les chasleaulx et deuenoient les aucuns riches qui se faisoient cappitaines des aultres brigans tant quil y en auoit bien de telz qui auoient la value de xl mil escuz. Ils espioient telle fois et bien souuent une bonne ville ou ung chastel une iournee ou deux loingz. Puis sassembloient xx ou xxx brigans et alloient parvoyes couuertes tant de iour que de nuyt et entroient en la ville ou chastel quilz auoient espie droit sur le point du iour et boutoient le feu en une maison. Et quant ceulx de la ville veoient ce si cuidoient que ce fussent gens d'armes a puissance qui voulussent ardre leur ville si sen fuyoient a qui mieulx mieulx. Et ces brigans brisoient maisons, coffres, et estuyers, et prenoient tout ce quilz trouuoient et sen fuyoient. Ainsi firent a donseurs ^ et en plusieurs autres villes et chasteaulx quilz prenoient et puis les reuendoient. Entre les autres eut un brigant en languedoc qui espia le fort chastel de coubourne en limosin qui siet en très fort pays. Si cheuaucha de nuyt auec trente de ses compaignons et vindrent au chastel et le prindrent et lexillerent. Et si prindrent le seigneur appelle le coubourne et l'emprisonnèrent en son chastel mesmes, et occirent toute la mesgnie de leàns. Si le tindrent si longuement quil se rançonna a xxiv mil escuz tout appareillez. Et encores cedit brigant le chastel et bien le garnit et en guerroya le pays. Et depuis par ses proesses le roy de france le voulut auoir empres luy et achepta son chastel xx m. escuz. Et fut huissier darmes du roy de franco et a grant honneur delez luy. Et appeloit on ce brigant bacon, et estoit tousiours bien monte sur beaulx courciers et doubles roucins et de gros pallefrois. Aussi estoit-il arme comme un conte et arme tresrichement. Et en celluy estât il demeura tant quil vesquit.

1 Dousenac, petite ville ou bourg, dans le Limousin, à trois lieues à l'ouest de Tulle.

Cy parle dung paige appelé le croquart, — - i348.

En autelle manière se maintint on en bretaigne. Car il y aaoit brigans qui guerroyoient villes, forteresses et bons chasteaulx, et les roboient et tenoient. Puis les reuendoient a ceulx du pays bien et chier. Si en deuenoient les aucuns qui se faisoient maistres dessus les autres moult riches. Et y en y eut ung entre les autres qui estoit appelle croquart qui auoit este en son temps un poure garson et long temps paige au seigneur dercle en hollande. Quant ce croquart commença a deuenir grant il eut congie, si sen alla es guerres de bretaigne et se mist au seruice dung homme darmes et se porta moult bien. Si aduint quen une rencontre son maistre fut prius et occis. Lors par sa proesse les compaignons lesleurent pour leur cappitaine en lieu de son maistre. Et lors il prouflBta tant par rançons et prinses de villes et de chasteaulx que on disoit quil auoit bien la finance de xl mil escuz sans ses cheuaulx dont il auoit bien xx ou xxx coursiers bons et doubles roussins. Et auoit le renom destre le plus appert homme darmes qui fust au pays. Et fut esleu pour estre a la bataille des trente * et fut le meilleur combatant du coste des anglois, et luy fut promis du roy de franco que sil vouloit deuenir francois le roy le feroit deuenir cheualier et le marieroit bien richement et luy donneroit deux mil liures de reuenue par an, mais croquart ne si voulut consentir. Si aduint une fois quil cheuauchoit ung ieune coursier fort en bride quil auoit achepte ccc escuz, et lesprouua si fort au courir que le cheual lemporta oultre sa voulente. Si que au saillir dung fosse le coursier trebuscha et se rompit son maistre le col. Et ainsi fîna croquart.

Comment messire Robert de Beaumanoir alla défier le capitaine de Ploermel, qui avait nom Brandebourch, et comment il y eut une rude bataille de trente contre trente^.

En celle propre saison avint en Bretagne un moult haut fait

< Racontée ci -après.

s Ce fragment «tt eztnûldes additions à Froissart, tirées par M. Bochon de

d'armes que oo ne doit mie oublier; mais le doit-on mettre en avant pour tous bacheliers encourager et exemplier. Et a&n que vous le puissiez mieux entendre, vous devez savoir que toudis étoient guerres en Bretagne entre les parties des deux dames, comment que messire Charles de Blois fut emprisonné; et se guerroyoient' les parties des deux dames par garnisons qui se tenoient ens es châteaux et ens es fortes villes de Tune partie et de l'autre. Si avint un jour que messire Robert de Beaumanoir, vaillant chevalier durement et du plus grand lignage de Bretagne, et étoit châtelain d'un châtel qui s'appelle châlel Josselin, et avoit avec lui grand foison de gens d'armes de son lignage et d'autres soudoyers, si s'en vint par devant la ville et le châtel de Plaremiel*, dont capitaine étoit un homme qui s'appeloit Brandebourch ', et avoit avec lui grand'foison de soudoyers allemands, anglois et bretons, et étoient de la partie la comtesse de Montfort. Et coururent ledit messire Robert et ses gens par devant les barrières, et eut volontiers vu que cils de dedans fussent issus hors ; mais nul n'en issit.

Quand messire Robert vit ce, il approcha encore de plus près, et fit appeler le capitaine. Cil vint avant à la porte parler audit messire Robert, et sur asségurance d'une part et d'autre, t Brandebourch, dit messire Robert, a-t-il là dedans nul homme d'armes, vous ni autre, deux ou trois, qui voulussent jouter de fer de glaives contre autres trois, pour l'amour de leurs amies? »

Brandebourch répondit et dit : « Qe leurs amis ne voudroient mie que ils se fissent tuer si méchamment que d'une seule joute; car c'est une aventure de fortune trop tôt passée, si en acquierton plutôt le nom d'outrage et de folie que renommée d'honneur ni de prix; mais je vous dirai que nous ferons, s'il vous plaît. Vous prendrez vingt ou trente de vos compagnons de votre garnison, et j'en prendrai autant de la nôtre. Si allons en un bel

la copie d'an manascrit qui avait appartenu an prince de Sonbise. Comme il ne se trouve pas dans les anciennes éditions de Froissart, nous en donnons le texte d'après M. Buchon. C'est pour cela que Torthographe et le style ont une aUure beaucoup plus moderne que dans les morceaux précédents.

t Gr. § 67.

« Ploërmel.

s Les historiens de Bretagne l'appellent tous Brambro.

ii7

champ, là où nul ne nous puisse empêcher ou destourber, et commandons, sur la hart, à nos compagnons d^une part et d'autre, et à tous ceux qui nous regarderont, que nul ne fasse à homme combattant confort ni aye; et là endroit nous éprouvons, et faisons tant que on en parle au temps avenir, en salles, en palais, en places et en autres lieux de par le monde, et en aient la fortune et l'honneur cils à qui Dieu l'aura destiné. » — « Par ma foi, dit messire Robert de Beaumanoir, je m'y accorde; et moult parlez ore vassamment. Or, soyez-vous trente, et nous serons nous trente aussi, et le créante ainsi par ma foi. » — « Aussi le créantéje, dit Brandebourch ; car là acquerra plus d'honneur, qui bien s'y maintiendra, que à une joute. »

Ainsi fut cette besogne affermée et créantée ; et journée accordée au merkredi après, qui devoit être le quart de jour de l'emprise. Le terme pendant, chacun élisit les siens trente, ainsi que bon lui sembla, et tous cils soixante se pourvurent d'armures, ainsi que pour eux, bien et à point*.

Quand le jour fut venu, les trente compagnons Brandebourch ouïrent messe ; puis se firent armer, et s'en allèrent à la place de terre là où la bataille devoit être, et descendirent tous à pied, et défendirent à tous ceux qui là étoient que nul ne s'entremît d'eux, pour chose ni pour meschef que il vit avoir à ses compagnons, et ainsi firent les compagnons a monseigneur Robert de Beaumanoir. Cils trente compagnons que nous appellerons Anglois, à celte besogne attendirent longuement les autres que nous appellerons François. Quand les trente François furent venus, ils descendirent à pied et firent à leurs compagnons le commandement dessus dit. Aucuns dirent que cinq des leurs demeurèrent à cheval à l'entrée de la place et les vingt-cinq descendirent à pied, si comme les Anglois étoient. Et quand ils furent l'un devant l'autre, ils parlementèrent Un peu ensemble tous soixante, puis se retrairent arrière, les uns d'une part et les autres d'autre, et firent tous leurs gens traire en sus de la place bien loin. Puis fit l'un d'eux un signe, et tantôt se coururent sus et se combattirent fortement tout en un tas, et rescouoient bellement l'un et l'autre quand ils véoient leurs compagnons à meschef. «

1 Qai leur fussent bien appropriées, dont ils pussent faire nsage commocl^ ment.

Assez tôt après ce qu'ils furent assemblés, fat occis Tun des François, mais pour ce ne laissèrent mie les autres, le combattre, ains se maintinrent moult vassamment d'une part et d'autre, aussi bien que si tous fussent Rolands M Oliviers. Je ne sais à dire à la vérité : « Cils se tinrent le mieux et cils le firent le mieux; » ni n'en ouïs oncques priser plus avant que l'autre; mais tant se combattirent longuement, que tous perdirent force et haleine et pouvoir entièrement. Si les convint arrêter et reposer; et se reposèrent par accord, les uns d'une part et les autres d'autre, et se donnèrent trêves jusques adoncques qu'ils se seroient reposés, et que le premier qui se relèveroit rappelleroil les autres. Adonc étoient morts quatre François et deux des Anglois. Ils se reposèrent longuement d'une part et d'autre, et tels y eut qui burent du vin que on leur apporta en bouteilles, et restreignirent leurs armures qui desroutes étoient, et fourbirent leurs plaies. .

Quand ils furent ainsi rafraîchis, le premier qui se releva fit signe et rappela les autres. Si recommença la bataille si forte comme en devant, et dura moult longuement ; et avoient courtes épées de Bordeaux, roides et aiguës, et épieux et dagues, et les aucuns haches ; et s'en donnoient merveilleusement grands horions, et les aucuns se prenoient au bras à la lutte et se frappoient sans eux épargner. Vous pouvez bien croire qu'ils firent entre eux mainte belle appertise d'armes, gens pour gens, corps à corps, et mains à mains. On n'avoit point en devant, passé avoit cent ans, ouï recorder la chose pareille.

Ainsi se combattirent comme bons champions, et se tinrent cette seconde empainte moult vassamment, mais finablement les Anglois en eurent le pire. Car, ainsi que je ouïs recorder, l'un des François qui demeuré étoit à cheval les débrisoit et défouloit trop mésaisément, si que Brandebourch leur capitaine y fut tué, et huit de leurs compagnons, et les autres se rendirent prison quand ils virent que leur défendre ne leur pouvoit aider, car ils ne pouvoient ni dévoient fuir. Et ledit messire Robert et ses compagnons qui étoient demeurés en vie, les prirent et les emmenèrent au châtel Josselin comme leurs prisonniers; et les rançonnèrent depuis courtoisement, quand ils furent tous resanés, car il n'y en avoit nul qui ne fût fort blessé, et autant bien des François comme des Anglois. Et depuis je vis seoir à la table du roi Charles de France

UD chevalier breton qui été y avoit, messire Yvain Charuel ; mais il avoit le viaire si détaillé et découpé qu'il montroit bien que la besogne fut bien combattue; et aussi y fut messire Enguerrant d'Eudin, un bon chevalier de Picardie, qui montroit bien qu'il y avoit été, et un autre bon écuyer qui s'appeloit Hues de Raincevaus. Si fut en plusieurs autres lieux cette avenue contée et recordée. Les aucuns la tenoient à povreté et les aucuns à outrage et grand'outrecuidance.

c-<i<kS*<2X5Vg)'^>*5^-3^^