Cœur

Deables, sailliez de vostre gouffre

Et des horribles régions; 5

Par milliers et par légions

Venez entendre mon procès ' .

Laissiez les chaisnes et croches,

Gibes et larronceaux pendans,

Fourneaux fournis, serpens mordans, 10

Dragons plus ardans que tempeste;

Ne vous bruslez plus groing ne teste

A faire ces metaulx couller.

Faictes moy bondir et crouller

Tout le hideux infernal porce 2, 15

De hasle de venir a force

Oyr ma proposicion.

SATAN

Qui fait ceste mutacion 3?

Lucifer, roy des ennemis 4,

Vous hurlez comme ung lou famis 5, 20

Quand vous voulez chanter ou rire.

LUCIFER

Ha! Sathan, Dieu te puist maudire!

Quand 6 est de mes ris et mes chans,

Hz sont malheureux et meschans;

Ma noblesse et ma grant beaulté 25

Est tournée en difformité,

Mon chant en lamentacion,

Mon ris en desolacion,

Ma lumière en ténèbre umbrage 7,

Ma gloire en douloureuse rage, 30

Ma joye en incurable dueil;

Ne demeure que mon orgueil

Qui ne m'est mué ne changé

Depuis le jour que fus forgé