VII. VILLEHARDOUIN

[Discours au peuple de Venise.]

Jeffroy de Ville-Hardoin li mareschaust de Champaigne monstra la parole pour l’accort, et par la volenté as autres messages, et lor dist : Seignor, li baron de France li plus hait et plus poeslez, nos

APPENDICE

ont à vos envolez, si vos crient mercy que il vos preigne pitié de Hierusalem, qui est en servage de Turs, que vos por Dieu veilliez lor compaignier à la honte Jesu-Christ vengier, et por ce vos i ont eslis que il sévent que nulles gens n’ont si grand pooir qui sor mer soient, comme vos, à la vostre genz, et nos commandèrent que nos vos enchaissions as piez et que nos n’en leveissions dès que vos oriez octroyé que vos ariez pitié de la Terre Sainte d’outremer. Maintenant li six messages s’agenoillent à lor piez mult plorant: li Dux et tuit li autre s’escrierent tuit à une voiz, et tendent lor mains en hait, et distrent; nos l’otrions, nos l’otrions. Enki ot si grant bruit et si grant noise que il sembla que terre fondist.