XV. COMINES (XVe SIÈCLE

Ledict seigneur vers la fin de ses jours fist clore tout à l’entour de sa maison du Plessix les tours de gros barreauïx de fer, et aux quatre coings de sa maison quatre moyneaulx de fer, bons grans et espez... Est-il doncques possible de tenir ung roy pour le garder plus honnestement et en plus estroite prison que luy inesmes se tenoit? Les cages où il avoit tenu les autres avoient quelque huyt piedz en carré, et luy qui

APPENDICE

estoit si grand roy avoit une petite court de chasteau à se proumener ; encores

n’y venoit-il gueres Si le lieu estoit

plus grant que d’une prison commune, aussi estoit-il plus grant que prisonniers

communs On pourroit dire que

d’autres ont esté plus suspectionneux que luy, mais ce n’a pas esté de nostre temps, ne par adventure homme si sage que luy, ne qui eust si bons subiects, et avoient ceulx la par adventure esté cruels et tyrans, mais cestuy cy il n’a faict mal a nul qui ne luy eust faict quelque offence. Je n’ay point dict ce qui dessus est dict poîir seullement parler de suspection de nostre roy, mais affin que ceulx qui viendroient après luy fussent ung peu plus piteux du peuple et moins aspres a pugnir qu’il n’avoit este, combien que je ne luy veulx pas donner charge ne dire avoir veu meilleur prince ; et se il pressoit ses subiects, touteffois il n’eust point souffert que ung autre l’eust faict, ne privé ne estrange.