Raturé

1 88 Chronique de Jean Raoulet. (142 j)

combatu, pour ce qu'il estoit à cheval. Et Tendemain de la bataille , les seigneurs d'Angleterre

auérirent entre les morts ou champ le viconte e Narbonne (qui disoient qu'il avoit esté à tuer le duc de Bourgogne) par les héraulx. Lequel ils firent pendre , tout mort qu'il fût , fort vilainement et cruellement. De là vindrent les Lombards se logier et retraire sur la rivière de la Loire , et aussi les autres qui se purent sauver.

Puis , en celui temps , le roy, qui estoit à Amboise, vint à Poitiers, avec Tanneguy du Chastel , le président de Provence 1 et Frotier, qui gouvemoient , et puis fist rallier tous ses gens d'armes et s'en ala atout eux au Puy, en Auvergne. Et ainsi se passa l'iver, jousques vers le karesme , qu'il s'en retourna vers les frontières de la rivière de Loire, establir garnisons ès frontières des adversaires *. Et fist à Angiers le conte de Richemont * connestable de France , lequel estoit naguères venu de prison des Anglois de la journée d'Agincourt. Mais il avoit fait le serment au roy d'Angleterre de le servir, et pour lui assiega , avec gensdarmes qu'il avoit amenez, le pont de Meulent et le print par composicion, et aussi avoit-il assiégé et prins Monfort l'Amaury; mais en la fin il vint au service du roy, et fut conétable comme dessus.