Alexander Pôle

204 Chronique normande. [1429 juin-

Englez. Laquelle ville fut assaillie et prinze d'assault , et demoura ledit conte de Suffolc Drins , et le signour de la Poule, son frère, qui depuis mou[ruJrent, et Messire Alexandre , son aultre frère f mort , et tous les aultrez Englez , saouf bien pou qui furent prins en vie.

Et ne demoura guèrez que ladite Pucelle et la compengnye s'en vint à Mehun-sur-Loire ; en laquelle ville les Englèsqui dedens estoient ne l'osèrent attendre, mès se désemparèrent, et y laissèrent grand nombre d'articlerie qu'ilfs] avoi[en]t recuilly du siège d'Orléens.

Après laquelle ville recouvrée , icelle Pucelle et sa compengnye tira à Boigency, qu'elle print par composicion pour haste d'aller rènconstrer sur les cnamps les Englez qui la venoient secourir; et là estoit Monseigneur d'Alençon «, Monseigneur d'Albret *, Monseigneur de Sainte-Sévère * et aultrez. Et à Patay furent r.encontrés les Englès, combatus et déconfiz, et y demourèrent le signour de Tallebot , le signour de Scallez et aultrez plusieurs prisonniers. Messire Jehan Fastol et plusieurs aultres s'enfuyrent, et y demoura plus de deux mille mors.

L'an mil quatre cent vingt-neuf dessus dit , par le conseil et entreprinze de ladite Pucelle , se partit le roy de Bourgez 4 pour soy aler couronner à Rains ; et en traversant païz , print