Bellaguet, p

224 Abrégé François [1419

par Laigny sur Marne à Troyes en Champaigne, et demoura le roy à Paris empesché par son accident et maladie.

Après 1 que le roy d'Angleterre eust ainsi conquis toute Normandie , il réforma les estas du païs et fist crier publiquement parmy les villes que tous gens d'église , nobles et autres , qui vouldroient lui faire le sèrement de fidélité et hommaige, demourassent seurement sur leurs bénéfices, terres et seigneuries, et qu'ils veinssent devers luy ou ses lieutenans pour ce faire , à quoy la plus grande partie des seigneurs et nobles furent refusans, cognoissans qu'il n'estoit pas leur naturel seigneur. Pourquoy il donna et distribua leurs terres et possessions à ses sujets et serviteurs anglois, pour tenir et posséder à tousjours, à eulxet à leurs neoirs, comme nouvel conquérent 1 . Puis ordonna garnisons d'Anglois ès villes et forteresses du païs plus puissant que les habitans d'icelles; auxquels lesdits habitans estaient subjects comme s'ils fussent leurs esclaves, tellement qu'ils n'osoient lever la face sus ne dire parole mal gracieuse.

Affin * qu'il manifestât sa puissance et tyrannye, il fist forger monnoye d'escale valeur de celle du roy ; l'entour de laquelle d'un côté estoit escript Henry, roy de France et d'Angleterre, et de l'autre costé estoit ung escus avec les armes de