Lectoure

2. Durum est contra stimulum calcitrare ( Act. apostol., <ap. 9). (Godcfroy.)

52 Jean Chartier. [!4$5-

leur simple estât, et à petite compaignie, pour ordonner, comme il disoit, des haults et importans affaires de son royaulme. En suite duquel mandement une grande partie d'iceulx vint à Londres. Et se pensa le duc d'Yorck qu'il s'y trouveroit. Et de faict, se mist en chemin à ce sujet et partit de son pays atout mille combatans en sa compaignie. Outre quoy venoient après luy de quatre à cinq 'mille combatans. Duquel nombre de mille combatans le roy et ceulx de Londres furent biens advertis, mais non pas de tous les aultres qui venoient après.

Si se délibéra le roy et ledit duc de Sombrecet, accompaignez du conte de Nantaubelland et de plusieurs aultres seigneurs, et de ce qu'ils peurent finer et ramasser hastivement de gens dedens Londres, et résolurent d'aller contre eux. Mais ilsestoient comme tout esbahis pourauoy ce duc d' Yorck venoit ainsi en armes sur les champs, et ne sçavoient tousjours rien de la grosse compaignie qui suyvoit ce duc de loin , comme dit est. Parquoy se mist le roy sur les champs, et chevaucha , luy et son ost , tellement qu'il rencontra iceluy duc. Alors incontinent , sans marchander, commencèrent les deux parties à donner rudement et frapper les ungs sur les aultres. Et là fut si fort combatu, qu'il y en eust grande quantité de tuez, tant d'ung costé que d'aultre. Toutesfois la victoire demeura enfin au duc d'York. En ce combat furent tuez les dessus-dits duc de Sombrecet et conte de Nautanbelland , avec plusieurs autres, tant grans seigneurs que de moindres, jusquesau nombre de quatre à cinq cent hommes.

Et mesmement fut le roy blessé et percé d'un coup N de flèche au travers le col, et fut en grand danger de sa personne. Outre quoy prins le duc d'Yorck plusieurs prisonniers, tant seigneurs, nobles que autres, lesquels il mena à Londres avec le roy, là où furent ensuite les ungs délivrez et les autres pugnis selon leur desserte • . Or depuis cette heure en avant fut tout le gouvernement du roy renversé, et mis entre les mains dudit duc d'Yorc, lequel demoura seul gouverneur du roy et du royaume d'Angleterre en tout et pour le tout.