Éléphant
!4$8] Chronique de Charles Vif. 87
Vive Bourguongne est nostre cry, Gardons le en fait et pencée , Autre n'airons 1 ; bien nous agrée, Nous le voulions tousjours ainssi , Vive Bourguongne.
De ceur chantons , je vous en pry, En sa haulte joyeuse entrée , Vive Bourguongne.
Resjouissons nous pour celui Qui est venu en sa contrée , Par qui noz tristesse est finée , En criant de courage uny :
Vive Bourguongne !
Celle entrée fut moult haulte et excellente, et la plus que prince feist oncques longe temps a. Car à costé de lui estoit à cheval , le chapperon sur l'espaulle , le bastard d'Armignac , mareschal de mondit seigneur le Daulphin; et devant lui estoient les huissiers d'armes , son premier escuyer de son écuierie, portant l'espée devant lui, et ses roys d'armes, héraulx et poursuivans , vestuz de leurs cottes d'armes en grant nombre.
Item. Devant lesdits héraulx estoient les trompettes et clairons, environ douze ou quatorze.
Item. Devant eulx, le conte d'Estampe et Messire Thibault de Neufchastel , seigneur de Blancmont, mareschal de Bourgongne.
Item. Devant eulx, les seigneurs et gentilz hommes de Monseigneur le Daulphin , les deux
1. La devise du duc de Bourgogne étoit : Aultre n'aray (je n'en aurai point d'autre).
88 Jean Chartier. [Avril 2j
filz de Monseigneur de Crouy et les deux filz dudit Neufchastel, mareschal de Bourguongne.
Item. Devant eulx, estoienl Monseigneur Lof 1 de Clèves, Monseigneur le bastard de Bourgongne et Messire Philippe Pot , richement hapillez , eulx et leurs chevaulx.
Item. Devant eulx, estoient tous les grans seigneurs de la court , et devant lesdits seigneurs les gentilz hommes deux à deux, sans varlet ne page.
Item. Devant lesditz gentilz hommes, estoient ceulx de la ville en grant nombre , vestuz de noir.
Item. Emprès mondit seigneur, estoient cinquante archiers de son corps à pié , vestuz de leur hucques , et chacun ayant ung vouge en sa main; derrière lui estoient quinze pages et plussieurs gentilz hommes.
Et furent les chevaulx estimez, qui estoient en ladite entrée, sans les varletz et les pages qui estoint jà dedens la ville , deux mille chevaulx ou plus.
Item. En conclusion, ce fut le plus grant triumphe qui fut fait au pays passé cinq cens ans pour venue de seigneurs. Car lendemain au soir toutes les torches furent ralumées , c'est assavoir nouvelles torches, ficars et fallotz. Ceulx de la ville jouèrent plussieurs personnages, par lesquelz en la présence de mondit seigneur, jucques en Postel de la ville , ilz firent exposer les figures et personnages dessus dits , en louant le prince et en confessant leur méfiait.
Item. Semblablement firent le mardi au soir,
