C'est-à-dire depuis le j avril, jour de Pâques

i}2 Chronique de Jean Raoulet. [141}

par fraudes et adulations, mena le roy atout grosse armée devant Bourges, pour l'assiéger. Ad quoy estoit le duc de Berry et de Bourbon , le sire de Lebret , connestable de France , le conte d'Armagnac, et plusieurs autres seigneurs à grant puyssance. Lesquelx résistoient si fort, que les Bourguignons ne leurs complices ne leur povoyent faire grevance ; car aussi ceulx de dedans avoient yssue par deux ou trois portes. Adonc là survint le sire Jehan de Neillac grant prieur en France de l'ordre de Saint-Jehan 2 , lequel persuada le roy et le duc de Bourgogne , et aussi lesdits ducs et seigneurs qui estoient dedans Bourges , tant que par son moyen le siège fut levé. Et fut assigné, par espérance de paix, parlement estre tenu à Ausserre , qui dura plus d'un an. Là fut aucunement apoinctié; puis s'en retourna le roy avec lesdits princes à Paris et ès environs. Mais pour ce que le duc de Bourgogne aloit toujours par cautetles , lesdits princes demandèrent satisfaction et venjance de lui. Lequel, doubtant comme celui qui a mesprins, et aussi qu'il ne gouvernoit plus le roy à son bandon, s'en ala en son pais et mist garnison de gens d'armes pour lui en toutes les places qui lui vouldrent obéir en ses marches, et partout oultre la rivière de Seine ès villes et places du roy, qu'il a voit par devant déceues pour promesses et cautelles.

jusqu'au dernier jour de l'année suivant l'ancien style, veille de la pâque suivante, pour nous 22 avril (le dernier jour) 141) nouveau style.