De Jérusalem ou de Rhodes, puis de Malte

1413] Chronique de Jean Raoulet. 153

[Chapitre V. — Le roi en Picardie. Sièges de

Soissons et d'Arras. Gaucourt à Chinon.

Richemonî à Partenay. Guerre entre

Foix et Armagnac.']

donc en cel an que l'on disoit mil quatre cens • treize ' , vint le roy à grosse armée devant lesdites places, qui luy obéirent et se rendirent à lui. Mais Soyssons, où il avoitgrant nombre souldoiers du duc de Bourgogne, se rebella contre le roy. Mais en la fin ils furent prins d'assault et décappités les capitaines principaulx : Enguerran de Bournonville, Pierre de Menou, chevalier, et autres, et le surplus mis à saquement et desconfis.

Après vint le roy, avec son fils, le duc de Guienne, et plusieurs princes et seigneurs, à grant puissance, assiéger Aras, qui estoit du parti des Bourguignons. Là se commectoyent pluseurs vaillans et beaulx fais d'armes chacun jour, et mectoit-on ^ la ville à grant neccessité. Mais là survint la duchesse de Hollande, mère de la femme du Daulphin de Viennoys, segond filz du roy, la quelle supplia et requist tant au roy et aux seigneurs que, sur espoir d^accort, le siège fut levé, et retourna le roy à Paris avec sa puissance. Et envoya le sire de Gaucourt, avec pluseurs gens de guerre, à Chinon et es environs, qui se tenoient pour le duc de