Alias 27 (Godefroy). Ms. de Rouen : le

2. Les Anglois furent contraints de dire le mot, réduits à merci.

Pointhièvre; Monseigneur de la Hunaudaye, Monseigneur de Montauban, et plusieurs autres grands seigneurs et cappitaines, jusques au nombre de quinze à seize cent lances, avec les gens de traict, bien garnis d'artillerie ; de laquelle estoit gouverneur Maistre Jehan Bureau, trésorier de France , lequel continua de s'y rendre bien recommandable pour les louables actions et grandes diligences; et aussi Jaspart Bureau, son frère, maistre de l'artillerie; comme encore Messire Tristan Lermite, prévost des mareschaux, lequel estoit grand et bon justicier sur le faict des gens de guerre. Lesquels trois ensemble conduisoient et gouvernoient en bonne partie le faict del'ost, pour le soin des vivres, nourritures, et subsistance, et pour le faict de la justice audit lieu. Auprès d'icelle bastille estoient les vaisseaux de l'armée du roy par mer ; c'est à sçavoir, de Bretaigne, de Poictou, d'Espagne, de Hollande, de Zélande, et de Flandres, armez, bien esquipez et avitaillez. Lesquels vaisseaux furent et se tinrent dedans la rivière de Geronde jusques à ce quMcelle ville de Bourdeaulx fust réduite et remise en l'obéissance du roy.

Les Anglois avoient pareillement leurs bateaux navires qui leur estoient venus du pays d'Angleterre. Desquels vaisseaux, incontinent qu'ils leur furent arrivez, le sire ou seigneur de Camus ou Cannis tist mettre et serrer tous les cordaiges dedens la ville de Bourdeaulx , afin que ses gens ne s'en peussent du tout fouyr ne reculer hospite insalutato , qui veut dire, sans prendre congié de sonhoste, mais fussent par là contraints et obligez de tenir pié-ferme. Iceulx Anglois fi-

j6 Jean Chartier. [Aout-oct. 17

rent semblablement eslever une bastille au-dessus de leursdits vaisseaulx etbateaulx, pour contrepointer celle des François, combien que cela leur proufita bien peu , et néantmoins qu'ils fussent grant quantité de gens dedens ladite ville venus d'Angleterre, c'est à sçavoir, le susdit sire de Camus ou le Camus, le sire de Cliton', le bastard de Sombrecet, le sire de Lesparre, gascon, le sire de Resan, le sire du Sa ou du Sale, le sire de l'Isle, le bastard de Salisbury, et Chelu ou Chalu , Gascon.

Ils avoient de plus en leur corapaignie trois à quatre mille Anglois naturels du pais d'Angleterre, et autant ou plus des gens du pays, des seigneurs de Gascongne, dont l'une des parties estoit dedens icelle ville, et l'autre fut enfermée dedens leurdite bastille, afm de garder leurs navires.

Là furent ces deux puissances les ungs devant les autres, chacun en sa bastille, pour garder leurs navires et vaisseaux, depuis le premier jour d'aoust jusques au dix-septiesme jour d'octobre, tousjours en endommageant et grevant chacun jour l'ung l'autre, en toutes les manières qu'ils pouvoient. Mais enfin, quand lesdits Anglois et Gascons se veirent ainsi oppressez et accablez, et avoir faultes de vivres, si furent bien esbahis, et aussi le cas le requéroit bien ; car ils véoient toutes les fortes places et forteresses d'iceluy pais des environs redduites par forces d'armes et remises en la pleine et entière obéissance du roy de France. Si requisdrent qu'on leur fist