Bellaguet, p

222 Abrégé François [1419 juil. 28-

princes, ne leur fut pas donné. Pour quoy ils furent contraints rendre ledit chastelaux Anglois, et leur donner certaine somme de deniers pour €ulx en aler avec leurs biens.

Pour tousjours approcher Paris ' et le mectre en subjection , les Anglois , qui furent informés que à Pontoise on faisoit négligemment le guet, vindrent par ung lundi matin, vingt-huitiesme jour de juillet audit an quatorze cent dix-neuf, devant l'aube du jour, en grande compaignie jousques encontre la muraille , et trouvèrent façon , par eschelles de boys et de cordes , de monter sur les murs secrètement 2. Quant ilz furent montés , ils tuèrent ceulx qu'ils trouvèrent faisans le guet, et puis descendirent en la ville. Et quant ceulx de dedens les aperceurent , ilz firent grand cry et bruyt parmy les rues et les carefours , et à grande turbe vindrent à la porte de la ville, nommée de Notre-Dame, devant laquelle au dehors avoit grande armée d'Anglois qui là estoient pour sescourir ceulx qui par sur les murs estoient entrez dedens. Auxquels résistoient vainement les Françoys qui estoient dedens la ville en garnison , et les eussent reboutez se les bourgoys et habitans leur eussent donné aide et secours , lesquelx couroyent à mucier leurs joyaulx. Ceulx de ladite garnison cuidoient empescher l'entrée des Anglois et bataillèrent avec eulx longuement. Mais en la fin les Anglois furent les plus forts, et tuèrent pluseurs d'iceulx François et entrèrent dedens la ville.