Bellaguet, p

2]6 Abrégé François [1420 mars 16-

glois , et gastoient le pais de Picardie et les en virons, car ils mectoient tout à la pille. Pourquoy Philippe, nouvellement duc de Bourgogne, après la mort de son père , que le roy, estant à Troys, avoit mandé venir devers lui (car depuis la mort de son père il ne l'avoit veu) , assembla grande armée pour honnourablement visiter le roy et pour faire aucun beau fait d'armes à sa nouvelle venue. Et envoya sommer les gens de Monseigneur le Daulphin qu'ils lui baillassent et rendissent Crespy, sinon ils les assiégeroient. Mais à son mandement ils ne vouldrent aucunement obéir. Parquoy il les assiéga et assaillit asprement. Et les bâtit des canons, bonbardes et autres artillierie, tellement que le seiziesme jour de mars audit an mil quatre cent dix-neuf ? ils furent contraints soy rendre par composicion et s'en aler avec leurs chevaulx , harnoys et aultre biens. Puis se ralièrent en autres places sur le pais avec leurs compaignons gens d'armes de Monseigneur le Daulphin , qui estoient en pluseurs places respandus parmy le royaume, et qui feisoient grant gref et ennuy aux Anglois et Bourguignons , et, sur les champs en leur obéissance, mectoient tout à destruction.

Ceulx qui s'en alèrent de Crespy, qui avoyent cogneu la puissance du duc de Bourgogne, et qui savoient que nouvellement il avoit fait hommaige au roy et promis que de sa puissance il mèneroit guerre contre iceulx Armignacs , les advisèrent de se garder contre et mectre ordre en leur faict, car le duc les menassoit; maiz nonobstant ilz le