Bellaguet, p

mai 20] DES GRANDES CHRONIQUES. 241

rain et naturel seigneur, et aussi à la royne comme à sa dame et mère , et aussi de toute sa puissance avec le roy et le duc de Bourgogne mener guerre et faire oppression à Monseigneur le Daulphin, qu'ils nommoyent Charles, qui se dit Daulphin de France , lequel ^ par ledit traitié, ils privoyent du tout de sa succession paternelle à la couronne et royaume de France, sans autres causes ne occasions fors pour l'apétit et subornacion du duc de Bourgogne.

Pour icelles choses de tous poins acomplir, le roy d'Angleterre s'en partit de Pontoyse, et, avec grande armée d'Anglois, à grandt pompe vint à Troys , où il trouva le roy et la royne avec Madame Katherine de France , leur fille , et le duc de Bourgogne ; laquelle , après pluseurs esbattemens et festes , ils livrèrent et baillèrent pour espouse avec solempnité au roy d'Angleterre le vingtiesme jour du moys de may^ en l'an dessus escript.

Et affm que le traitié fust plus ferme et plus estable , furent faites et composées par le conseil du roy lètres patentes garnyes des seaulx royaulx, lesquelles contenoient les poins dessus dicts et pluseurs autres articles concernans ledit appointement ', lesquelles environ huit [jours] après le roy et son conseil envoya publier à Paris et es autres villes et cités à lui obéissans en son royaume , et fist jurer etpromectre à ses subgetz, barons, vassaulx et principaux gouverneurs et officiers que durant sa vie ils obéiroyent au roy d'Angleterre comme au régent et gouverneur du