Giustiniani, Génois

24 Jean Chartier. [Avril-mai

Constantinople donc ainsi assiégée par mer et par terre, et ainsi fort batue dehors et dedens de bombardes et de traits, se defFendit cinquante » jours.

Item. Parmi ce temps, ad vinrent aucunes particularitez, semblant aux chrestiens estre de léger bruslées les navires du Turc là autour. Le cappitaine de la galée de Drapzonde ou Trébisonde monta sur une galée subtile pour ce faire , avec certains autres à ce ordonnez; mais leur galée fut enfondrée d'un coup de bombarde des Turcs, dont la pluspart des gens furent noyez , excepté aucuns qui furent pris par les Turcs, desquels ils furent par le fondement affichez à pieux aigus, en veue de ceux qui faisoient garde sur la mer.

Or en cette galée estoient entre autres des citadins vénitiens de Constantinople, qui y demeurèrent avec environ trente-cinq gentilshommes, et d'autres gens bien plus de quarante.

!îem. Du costé de la terre estoit Sango Bassa, Albanois renié, qui en son siège avoit plusieurs hommes accoustumez de miner l'or et l'argent, et mina en quatorze * lieux soubs les murs de la ville pour les tailler, et commença ses mines bien loin des murs. Les chrestiens d'autre part contrerninèrent en escoutant , et les recongnèrent 5 par plusieurs et diverses fois. Mesmes ils estouffèrent des Turcs dans leurs mines par le moyen de fumées, et aucunes fois par puantes et infectes odeurs. En aucuns lieux ils les noyèrent par force

1. Ms. 521 suppl.françois: cinquante-quatre; ms. 9675,3: cinquante-cinq.