Ms. de Rouen : en la fosse

46 Jean Chartier. [145?"

qu'il avoit autrefois faits et enseignez au peuple ou temps passé , quand il alloit par le pays prèscher la foy et doctrine de Jésus-Christ, luy représentant là-dessus comme il estoit devenu prévaricateur, avec plusieurs autres belles remonstrances qui luy furent faictes par cet inquisiteur ; et cela en la présence de grant quantité de peuple, pendant que iceluy Maistre Guillaume estoit mictré •.

Après laquelle remonstrance et prédicacion dudit inquisiteur, iceluy Guillaume, cognoissant bien son délict très horrible, et sçachant qu^il avoit délinqué très fort envers Dieu, nostre créateur et rédempteur, il commença fort à gémir et se douloir de son meffait, en criant mercy à Dieu , à l'évesque et à justice, et en se recommandant aux bonnes prières des assistans.

Après icelles choses, il fut enferré et mené en la fosse sus mentionnée, pour faire pénitence de ce très énorme, très- horrible et dampnable cas qui luy estoit ainsi advenu.