Puguillau ou Pugeillan : Puy-Guilhem

8 Jean Chartier. [Juillet 17-18

captau de Buch , cor.te de Candale ', le seigneur de Montferrant, le sire de Rosan , le sire d'Anglades , et autres. Quant au susdit sire de Lesparre, il en eschappa et s'enfuit à Bourdeaulx, dont ce fut dommaige , car c'étoit le plus criminel de tous , et celui qui estoit le principal autheur et la cause de toute cette trahison.

Quant aux aultres, qui ne se se peurent sauver assez à temps dans icelle ville, ils prindrent les clefs des champs à l'adventure, les ungs par eaue et les autres par terre. Pour le regard de ceulx qui taschèrent de se sauver par eaue, ils en furent submergez et nayez pour la plupart. Quant aux aultres qui s'enfuyrent par terre, afm de les devancer et prévenir montèrent prestement à cheval le conte de Pentièvre , le bailly de Touraine, et plusieurs aultres d'iceulx François, lesquels ne cessèrent oncques en tuer, en les courant et poursuivant jusques près de Sainct- Milion 2. Après cette besongne ainsi faite, oudit champ furent enterrez de quatre à cinq cent Anglois , sans ceulx qui furent noyez ou tuez par les chemins , qui montoient à beaucoup plus grand nombre.

Le lendemain d'icelle journée ordonnèrent les seigneurs françois approucher canons, coulevrines, veuglaires et bombardes devant ladite ville de Castillon , pour festoyer ceux de dedens. Lesquels voyans et considérans l'appareil qu'on leur faisoit et alloit faire , ils commencèrent à s'humilier et à abaisser leur orgueil , dont ils

1 . Gaston de Foix , comte de Candale , fils de Gaston > frère du comte Jean de Grailly.