juillet
Î461] Chronique de Charles VU. iij
Item. Après, le corps dudit roy, lequel estoit couvert d'un pouelle de drap d'or bien riche en une littière, laquelle portoient six vingts henouars; et y estoient Monseigneur d'Orléans, Monseigneur d'Angoulesme, Monseigneur d'Eu et Monseigneur de Dunoiz, faisans le dueil, à cheval tous quatre.
Item. Après, ung chariot ouquel avoit esté ledit corps de Mehun jucques à Paris, couvert d'un pouelle de velloux noir, tout à travers, couvert d'une grant croix blanche de drap de velloux figuré moult riche.
Item. Audit chariot avoit cinq chevaulx qui le menoient, couvers jucquez à terre de velloux noir figuré , et ne véoit-on que les yeulx desdits chevaulx.
Item. Après ledit chariot avoit six pages vestuz de velloux noir, enchapperonnés de mesmes, sur six chevaulx dont les harnoiz estoient de velloux noir.
Item. Devant le corps estoient Monseigneur le patriarche de Jérusalem , nommé Louis de Harcourt, arche vesque de Nerbonne, gouverneur de Normendie et lors évesque de Bayeulx, lequel fist le service tant à Nostre-Dame de Paris que à Saint-Denis, comme il sera dit cy après. Et estoient ceulx de Nostre-Dame de Paris et ceulx du pallaiz avec les parroisses.
Item. Devant estoit Monseigneur le recteur de l'université de Paris.
Item. Estoient Messeigneurs des comptes, tous vestus de noir.
Item. Messeigneurs des requestes.
Hem. Devant, estoit Monseigneur le prévost
ii6 Jean Chartier. [Août 6-8
de Paris, la court de Chastelet et le peuple de Paris, chacun par ordonnance.
Item. Devant, estoit plussieurs ordres de religion dudit Paris.
Item. Devant, les quatre ordres mendians de ladite ville.
Item. Et tout desrière toutes ces gens et ledit corps, estoit innumérable peuple, tant de Paris comme d'ailleurs.
Item. Y avoit deux cens torches, chacune de quatre livres , que portoient deux cens hommes vestuz de noir ; et tout au devant se faisoient bien entendre toutes les clochettes de Paris, que portoient des hommes aussi revestus de noir.
Item. En l'église Nostre-Dame de Paris; laquelle estoit tendue doublement de toille perce • en son large , toute semée de fleurs de Hz.
Item. Et fut porté le corps dudit roy en mellieu du ceur de Nostre-Dame de Paris, et là furent chantées végilles de mors pour ledit roy, et le lendemain la messe, laquelle chanta Monseigneur le patriarche, et fut le vendredi * sixiesme jour d'aoust l'an que dessus.
Cedit vendredi, environ trois heures après midi, les seigneurs nommez, lesquelz avoient esté au service du roy, apportèrent son corps de Paris jucques à la Croix-au-Fiens î, laquelle est entre la Chappelle Saint-Denis et le Lendit, en ordonnance comme dessus.
Et là eult grosse contradicion pour porter ledit corps jucques à l'église , et demoura en ce
