Ailes

128 Henri Baude.

guement que ledit brocquart s'en alla retraire entre les grans montaignes et pais sauvaiges , et de là , à la fortune du vent, passa la Forest Charbonnier^. Quant Baude s'aperceust avoir changé et prins le brocquart pour le cerf, il se réclama sur le premier erre , et , par sauvaiges pais et divers buissons et bocaiges , poursuyvy le grant cerf jusques en ung maraiz près d'ung beau manoir, qui estoit le buisson et nativité dudit cerf. Le quel cerf, viel , foible et recreu, ouvry ses elles, se print à mugir et grater la terre du pié, et soubdainement s'esvanoy, et ne sceut Baude qu'il devint; qui, en glatissant, se print à houer en terre tant et si avant , qu'il y trouva ung petit livret contenant ce qui s'ensuyt :

En l'intitulacion du livre estoit escript : « C^est » le prothocole et exemplaire des rois de France, » succeseurs de Charles septiesme de ce nom, » roy de France , qui trespassa à Mehun sur )) Yèvre, le xxii* jour de juillet, l'an mil cccc 3) soixante ung, dont Dieu ait l'asme. »