Chapitre IV. — De ses finances

Le roy véoit chacun an et plus souvent tout le fait de ses finances et le faisoit calculer en sa présence, car il l'entendoit bien. Il signoitde sa main les rooles des receveurs généraulx, les estats et acquits d'icelles finances, et tellement s'en prenoit garde qu'il apperceust et conceust tout ce qu'on y povoit faire. On mettoit sus chacun an le paiement de 1,500 lances seulement, sans mectre sus aultre creue de deniers, ne autre chose quelzconques , réservé les gaiges des officiers modérés. Et la première creue qui fut mise sus de son temps furent ^0 mille escuz, pour feu

ÉLOGE DE Charles VII. 157

le duc de Calabre, pour aicder recouvrer Jennes '. La seconde 50 mille 1. t. pour le mariage de Madame Magdelaine de France 2, sa fille, promise en mariage au roy de Hongrie. La tierce fut 20 mille escuz pour la rançon de feu maistre Guillaume Cousinot, prisonnier en Angleterre K Lesquelles sommes furent mises sus et levées en diverses années, du vouloir et consentement des gens des Trois-Estats.

Les gens des finances avoient, tant pour leurs gaiges ordinaires, que pour leurs chevauchées, chacun trésorier ou général , 3 mille liv. t. ou environ. Et se tenoit ung chacun d'eulx en sa charge : les trésoriers, pour pourveoir ?u dommaine, et les généraulx, pour les questions qui povoient survenir, pour les deniers extraordinaires, et pour cognoistre la faculté des pais, pour mieulx y garder égualité. Mais continuellement avoit et résidoit en court ung trésorier et ung général, qui expédioient, chacun endroit soy, les matières survenans, ainsi que les trésoriers et généraulx des charges qui survenoient eussent peu faire, pour rédimer la vexacion et despense des poursuivans. Et n'estoit parmisà nul trésorier, général, ou autre officier, de faire ou faire faire fait de marchandise. Le trésorier des guerres commectoit receveurs pour cueillir et lever le paiement des gens de guerre chacun an, et à sa