ler novembre

1418] Chronique de Jean Raoulet. 161

[Chapitre IX. — Les Bourguignons entrent dans

Paris. Massacre des Armagnacs. Duchâtel

enlève le Dauphin en Berry, Siège de

Tours par le régent Charles.}

Mais quant fut l'hyver passé, environ le moys de inay, en l'an mil quatre cent dix-huit , nonobstant que le roy et Charles son fils, Daulphin deViennoys,etledit conte d'Armagnac, fussent dedens Paris, avec plusieurs nobles et saîges conseillers, le duc de Bourgogne machina secrètement, avec aucuns traistres de Paris, meschans gens. Par le moyen du seigneur de Tlle-Adam, il sourprînt les vouloirs d'aucuns personnages ; et fust appointié entreulxdeyentrer. Et, car une certaine nuyt assignée, vindrent à Paris lesdits de l'Ile^Adam et le Veau de Bar, avec trois cents complices du duc de Bourgogne. Lesquels entrèrent par la porte Sainct Germain dedens la ville, que les traitres leur avoient ouverte.

Adonc îceulx entrés, cryoient tout bas parmy les rues : Vive le roy et le duc de Bourgogne Kf La paix ! Et y avoit gens de Paris embuschés en pluseurs lieux, afnn que l'on ne courist sus ou mesfit ausdits Bourguignons. Laquelle chose vinttantost à la notice du Daulphin, qui estoit logié à l'Hostel-Neuf des Tournelles, près la Bastille, et de ceulx qui le gouvernoyent, dont les principaulx estoient Ce. d'Auvaigour *, Ce.