Landes

14 Jean Chartier. [Juil. i8-0ct.

Le dix-huictiesme ■ jour dudit mois de juillet, le roy en personne, et son ost, assaillirent ladite place de Cadillac, laquelle d*abord fut prinse et emportée d'assault. Là entra tout le premier deden5 ung escuyer nommé Geoffroy de Sainct- Belin, bailly dfe Chaumont en Bassigny. Alors les Anglois se retrahirent dedens le cnastel, qui estoît très-fort. La nécessité les contraignoit à ce, veu qu'aultrement ils estoient tous perdus. Or, combien qu'ilz fussent retraiz et bien enfermez, néantmoins, par la puissance du roy, et le bon gouvernement de police qu'il avoit mis en son ost , qui estoit de mille lances et les archiers, il convint ausdits Anglois dire le mot». Et pour Ce se rendirent, le mois d'octobre ensuivant , tous prisonniers du roy ; et le cappitaine dudit lieu, nommé Gaillardet, eut la teste couppée.