Pâques le 21 avril

1454] Chronk^e de Charles VII. 47

tre Bernard , arcevesque de Tours , et Messire Guillot d'Estaing, chevalier, séneschal de Rouergue, pour aller en ambaxade de par le roy devers le roy de Castille , afin de confirmer les alliances des roys de France et d'Espaigne.

Oudit an mille quatre cent cinquante-quatre, le roy envoya grant nombre de gens d'armes et de francs-archiers dedans ladite ville et cité de Bourdeaulx , où il ordonna de faire deux tours ou chasteaux, afin de tenir le peuple d'icelle en subgection ; dont Tung est situé sur le bord de la rivière, et l'autre à l'autre bout de la ville, du costé de devers Bieme (Béam). Pour la fortification desquels chasteaux furent commis et ordonnez Monseigneur le conte de Clermont, le seigneur de Xantrailles, le bailly de Lyon ', le gouverneur de La Rochelle*, Maistre Jehan Bureau , maire de ladite ville, et Messire Girard le Boursier. Lesquelz firent grant diligence de y faire besongner de jour en jour à la construction desdites deux tours ou chasteaux, qui estoit forte besongne et qui seront forts merveilleusement, pour résister contre tous, et mesmement pour tenir en brisde et subgection les habitans d'icelle ville , plus que jamais n'avoient esté.

En ce mesme temps et an, le duc d'Yorc prit le gouvernement du roy et du royaume d'Angleterre, et fist mectre en prison les ducs de Sombrecet et de Glocester ; c'est à sçavoir, le duc de Sombrecet en la grosse tour de Londres et celuy de Glocester au chasteau Poufret K