L'on mettoit
1 J4 Chroniqjje de Jean Raoulet. [141 5
Bourgogne , et aussi le conte de Richemont, Artus, frère du duc de Bretagne, et Charles le Bouteillier, chevalier, à Partenay. Lesquelles places ils misdrent en l'obéissance du roy.
En celui temps furent guerres entre le conte de Foix et le conte d'Armagnac. Pourquoy le roy et le duc de Berry envoyèrent les cappitames et gens d'armes pour sescourir le dit conte d'Armagnac, qui s'en alloit devant en son pais.
[Chapitre VI. — Henri V débarque à Harfleur.
Bataille d'Azincourt. Le dauphin Charles
à Rouen. Ses premières armes.]
La quelle guerre durant, au moys d'aost, en l'an mil quatre cent quinze, le roy Henry d'Angleterre, cognoissant le pais estre dégarny de gens d'armes , et aussi les dissencions de France, descendit à Harfleu et le print, par composicion telle que ceulx de dedens furent prisonniers à sa voulenté. Des quels il envoya en Angleterre les principaulx, entres les autres le seigneur de Gaucourt. Puis mist, iceluy roy, grosse garnison d'Anglois dedens Harfleu, et s'en ala, au long de la mer, par devant Dieppe et au pais par amprès Hadelincourt et la rivière de Somme, à tout bien dix-sept ou dix-huit mille Anglois, au devant desquels alèrent les princes et nobles de France avec grant armée, fors le roy, ses enffans et le duc de Berry. Et donnèrent bataille au roy d'Angleterre. Mais, par
1415] Chronique de Jean Raoulet. 15^
faulte de conduite, les François furent tous desconfis, et là mourirent en bataille les ducs Jehan d'Alençon, qui n'avoit guerres avoit esté fait duc, le duc de Bar et le conte de Roucy, et le conte de Marie, du pais de Vermandoys, et le duc de Brabant et le conte de Nevers, frères du duc de Bourgogne, et le seigneur de Lebret , connestable de France , avec grande noblesse de François. Et là furent prinsles ducs d'Orléans et de Bourbon , le conte de Vendosme, Arthur, frère du duc de Bretaigne , conte de Richemont, et pluseurs autres seigneurs et nobles, que ledit roy d'Angleterre emmena en son pais.
Là venoit au secours des François le duc de Bretaigne , mais il fut tardif de deux ou trois jours. Après, le roy manda le conte d'Armagnac , qui étoit en Gascogne , pour venir à Paris. Lequel fist tantost connestable de France , puis establit gens d'armes et garnisons en Normandie, pour résister aux Anglois tenans Harfleu.
En ce tems n'estoit nouvelle de guerre avec les Bourguignons; mais, secrètement, le duc de Bourgogne, persévérant tousjours en sa mauvaistié et traïson , envoya Guy Le Boutillier, chevalier, et le bastart de Tyen, avec pluseurs complices , à Roen et en pluseurs autres villes du roy, et fist dire aux habitans que, s'ils se vouloyent mectre en son obéissance , il les tendroit en grandes franchises et liberté. Pourquoy les bourgoys de Roen occidrent et misdrent hors les gens qui estoient dedens pour le roy en garnison, et assiégèrent au chastel le seigneur de Préaux et pluseurs gens de guerre du roy. Pour
j0 Chronique de Jean Raoulet. [1417
lesquelx secourir le roy envoya à grande armée Charles', son seul fils, daulphin de Viennoys, comme son lieutenant. Car adonc estoient décédés tous ses frères par maladie; qui n'avoit de aage que environ treize ans , et jà estoit marié à dame Marie, fille du duc d'Anjou, roy de Cécille. Lequel Daulphin secoura ceulx du chastel, et par force d'armes remist la ville en l'obéissance du roy, et chaça les Bourguignons hors, qui s'en alèrent par sur le pont de Seine à Louviers et à Evreux, que le duc de Bourgogne avoit mis en son obéissance , par ses fraudes et promesses , avec pluseurs autres villes du roy. Ce fut le premier fait d'armes où jamais fut le Daulphin, filz seul du roy. Lequel s'en retourna à Paris devers le roy, et les gens d'armes en leurs garnisons.
[Chapitre VIL — Combat à Valmont de
Sanosses. Le comte d'Armagnac assiège
Senlis. Navires français capturés
par les Anglois.]
donc, le premier jour de décembre >, furent ? à Vallemont de Sanosses 4 le conte d'Orset,
