Héritiers

3. «En celui an 141 8 ou vingt-sixième jour du mois de novembre, Mgr le Daulphin mist le siège devant Tours.» (P. deCagny, chap. 69. j

1419] Chronique de Jean Raoulet. 165

[Chapitre X. — Entrepues du Ponceau et de

Montereau-faut-Yonne. Jean-sans-Peur

est assassiné.]

Puis , le duc de Bourgogne , voyans que le royaume vouloit obéir au Daulphin, pour le cuider avoir par traison, envoya devers lui , entre Melun et Corbeil, et le lendemain alèrent à Corbeil; et seloga le Daulphin ou chastel et es forbourgs et le duc en la ville, et parlèrent'. Et après autres pluseurs paroles, y eut jour entre eulx assigné à Monstereau-fault-Yonne * pour accorder et pacifier tout entre eulx. Là se trouva le Daulphin, qui se loga avec son armée d'un costé de la rivière. Et de l'autre costé se loga le duc de Bourgogne, avec grant nombre Bourguignons et Anglois. Adonc fut fait entre deux, sur le pont, un parc, pour parlementer lesdits seigneurs. Dedens lequel entrèrent le Daulphin, lui dixiesme, et aussi le duc, lui dixiesme, tous des plus saiges et nommez. Lesquelx, quant furent en ce conclave, parlèrent et raisonèrent sur le fait et gouvernement du roy et du royaume. Et quant le Daulphin vouloit tendre à une conclusion, le duc de Bourgogne respondoit oultraigeusement au contraire , et tantost monstra lui et ses gens signes arrogans d'innemistié. Et adonc Guillaume Bataille, Guillaume d'Auvaugour, Fro-